მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჩემი რჩევა შემდეგი ელჩისადმი იქნება, შეინარჩუნოს ყურადღება იმაზე, რაც საქართველოს ინტერესებშია" - კელი დეგნანი
15:02 / 25-08-2023
ჩემი რჩევა შემდეგი ელჩისადმი იქნებოდა, რომ შეინარჩუნოთ ყურადღება იმაზე, რაც მნიშვნელოვანია და საქართველოს საუკეთესო ინტერესებშია, როდესაც საქართველოს პოლიტიკური ლიდერები შეიკრიბებიან და ორიენტირებულები იქნებიან საქართველოს საუკეთესო ინტერესებზე, ეს მხოლოდ სარგებლის მომტანი იქნება ამ ქვეყნისთვის, - ამის შესახებ საქართველოში აშშ-ის ელჩმა, კელი დეგნანმა ელჩის პოზიციაზე მუშაობის შემაჯამებელ პრესკონფერენციაზე განაცხადა.
როგორც ელჩმა განმარტა, საქართველოს ეკლესია, კულტურა და ტრადიციები უკეთ იქნება დაცული ევროპული სისტემის ფარგლებში.
"ძალიან ინტენსიური პროპაგანდის კამპანია მიმდინარეობს პრორუსული ძალების მხრიდან საქართველოში და სხვა ქვეყნებშიც. ცდილობენ, ძირი გამოუთხარონ მტკიცე მხარდაჭერას და პარტნიორობას, რომელიც საქართველოს და ამერიკას აქვს. საქართველოს მოქალაქეთა უმრავლესობა განსწავლულია და შეუძლია გაარჩიოს პროპაგანდა სიმართლისგან, სიმართლე კონსპირაციისა და ტყუილისგან. ჩემი აზრით, უნდა შევხედოთ, თუ რატომ ამბობენ ეს ადამიანები იმას, რასაც ამბობენ, არ აქვთ ფაქტები, არ ფლობენ ინფორმაციას, თუ სხვა მოტივები ამოძრავებთ, რა მოტივებია მიღმა, ეს იქნებოდა კითხვები, რაც უნდა დავსვათ.
ჩვენ ვნახეთ, რომ საქართველოს ხელმძღვანელობა, წამყვანი ლიდერები, დისტანცირებას ახდენენ ამ განცხადებებისგან კერძო შეხვედრების დროს, რომელიც დამაზიანებელია, ჩვენს შორის ურთიერთობის შესუსტებაზეა გათვლილი, ეს არ ასახავს იმ ურთიერთობას, რომელიც საქართველოსთან გვქონდა 30 წლის განმავლობაში, რაც ხელს უწყობს საქართველოს თავდაცვისუნარიანობის გაძლიერებას, ეკონომიკის გაძლიერებას, დემოკრატიული ინსტიტუტების გამყარებას, რასაც მომავალშიც გავაგრძელებთ.
თუ პრორუსული პროპაგანდისთვის იქნება გარემო, რომელიც ცდილობს, რომ ხალხი დააბნიოს და გაყოს, ჩვენ შეგვიძლია შევინარჩუნოთ ფოკუსი მნიშვნელოვანზე. საქართველოს საუკეთესო ინტერესებშია დარჩეს ევროპის გზაზე. თუ შევხედავთ ევროპას, კონკრეტული სარგებელი, მშპ-ს ზრდა, მეტი სამუშაო ადგილი, მეტი განათლება და გაზრდილი შესაძლებლობები, ეს არის ის, რაც ევროპაში შესვლას მოაქვს. ვთვლით, რომ საქართველოს მოქალაქეები ამას იმსახურებენ. საუკუნეების განმავლობაში საქართველოს ორიენტაციაც ევროპისკენ იყო. გავეცანი თქვენს ისტორიას, წამიკითხავს ლიტერატურა და უფრო ნათელია ღირებულებები, რომელსაც ჩვენ ვიზიარებთ, თავისუფლება, დამოუკიდებლობა, კანონის უზენაესობა, ადამიანის უფლებების პატივისცემა, ეს საქართველოს კულტურის ნაწილია. ეს ახალი არ არის, საუკუნეების განმავლობაში იყო, ეს ისტორიიდან და ტრადიციიდან მომდინარეობს. ევროკავშირის ნაწილად ყოფნა ნიშნავს თქვენი ტრადიციების მეტ დაცვას, კულტურის მეტ დაცვას, ამას ნახავთ, როგორც კი ესტუმრებით ევროკავშირის წევრ სახელმწიფოს. ნახავთ, რამდენად კარგად არის დაცული მათი მდიდარი ტრადიციები და ისტორია. ეს ნამდვილად არ არის რისკის ქვეშ. საქართველოს ეკლესია, უნიკალური და შესანიშნავი კულტურა მისი ტრადიციები განაგრძობენ არსებობას და უკეთ იქნება დაცული ევროპული სისტემის ფარგლებში. ჩემი რჩევა, შემდეგი ელჩისადმი იქნებოდა იგივე, შეინარჩუნოთ ყურადღება იმაზე, რაც არის მნიშვნელოვანი და საქართველოს საუკეთესო ინტერესებშია, როდესაც საქართველოს პოლიტიკური ლიდერები შეიკრიბებიან და ორიენტირებულები იქნებიან საქართველოს საუკეთესო ინტერესებზე, ეს მხოლოდ სარგებლის მომტანი იქნება ამ ქვეყნისთვის. ჩვენ გვსურს ამის გაგრძელების ნახვა. ამერიკა ცდილობს ყველა ძალისხმევით მხარი დაუჭიროს საქართველო მეტად მდგრადი იყოს და მედეგი“, - აღნიშნა ელჩმა.
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
თქვენ ვერ გაარჩიეთ სააკაშვილი სიბნელეა , თუ ნათელი და როგორ არჩევთ პრორუსს პროამერიკელისგან ?! მე პროამერიკელი ვარ მთელი შგნებული ცხოვრება, მაგრამ დეგნანისტი ვერ გავხდები, როგორც არ მომწონდა სსრკ ფუნქციონერები და არ მომწონს ნაცქოცმოქკავშირელი სამოხელეო პარტოკრატია, ეგრე არ მომწონს ეს სალდაფონი დეგნანი , არაა ეგ ამერიკა, ჩინოვნიკია, სამხედრო ჩინოვნიკი და მისი ჭკუით ახლა სამხედრო ფორტშია მივლინებული, წითლების შეტევას ელიან , კი , ინდიელების კი არა , წითლების !
კელი დეიდა, თვითმფრინავზე ჩასხდომა გამოცხადებულია უკვე, არ დაგაგვიანდეს. იძახიან შემდეგი რეისი 4 წლის მერე იქნებაო. კიდევ 4 წელი აქ რა აგიტანს?