"ე, ბიჭო, არ შეგეშალოთ რამე!" - ხმაური ბათუმის საკრებულოს სხდომაზე : ერთმანეთს ოპოზიცია და მმართველი გუნდი დაუპირისპირდნენ
ბათუმის საკრებულოს სხდომაზე ხმაური იყო. ერთმანეთს „ერთიანი ნაციონალური მოძრაობის“ და „ქართული ოცნების“ წევრები დაუპირისპირდნენ.
დაპირისპირება თავად საკრებულოს სხვა წევრებმა განმუხტეს.
საკრებულოს წინაშე ბათუმის მერი არჩილ ჩიქოვანი სიტყვით გამოდიოდა, ოპოზიციის წევრი მამუკა ქობულაძე კი პროტესტს მაგიდაზე ხელების ბრახუნით გამოხატავდა.
"ე, ბიჭო პასუხი გაგვეცით ნორმალური, თქვენ ვერ ამიკრძალავთ პროტესტის გამოხატვას! არ შეგეშალოთ რამე!”- ამ სიტყვებით მიმართა "ქართული ოცნების” წევრს თენგიზ აფხაზავას „ერთიანი ნაციონალური მოძრაობის” წარმომადგენელმა მამუკა ქობულაძემ.
თავის მხრივ, მმართველი გუნდის წევრებმა ოპოზიციის წარმომადგენლებს „პროვოკატორები“ და „ომის პარტია“ უწოდეს. მათი თქმით, „ერთიანი ნაციონალური მოძრაობა“ მორიგ შოუს დგამს.