11
ივლისიდღის ზოგადი ასტროლოგიური პროგნოზი
კომპანია HONOR-მა ახალი სმარტფონები HONOR 90 და HONOR 90 Lite წარადგინა, რომელთა შეძენა და შეფასება მომხმარებელს უკვე შეუძლია პარტნიორ ტექნიკის ქსელებში. ჩვენს სტატიაში დეტალურად გაგაცნობთ თუ რითია გამორჩეული თითოეული მოდელი.
გამორჩეული HONOR 90
HONOR 90-ის ერთ-ერთ მთავარ უპირატესობას მისი 6,7 ინჩიანი დიაგონალის მქონე ეკრანი წარმოადგენს. მატრიცის მაღალი რეზოლუცია (1200X2664 პიქსელი) უზრუნველყოფს ეკრანზე გამოსახულების სიმკვეთრესა და მაღალ ხარისხს, ხოლო 120 ჰც განახლების სიხშირე კი ანიმაციის მოძრაობას თვალისთვის მაქსიმალურად კომფორტულსა და სასიამოვნოს ხდის.
თვალისთვის კომფორტზე საუბრისას აუცილებლად უნდა აღვნიშნოთ, რომ HONOR 90-ის დისპლეი უნიკალურია თავისი მახასიათებლებით, რადგან მოდელის PWM სიხშირე 3840 ჰც-ია. როგორც წესი სხვა სმარტფონებში ეს მაჩვენებელი დაბალია, რაც ხშირად იწვევს ეკრანის ციმციმს და თვალის დაძაბულობას, რაც HONOR 90-ის შემთხვევაში გამორიცხულია. ამასთან, მოდელს ასევე აქვს „ცირკადული ღამის ეკრანი“, რომელიც ამცირებს ცისფერი ფერის ინტენსივობას მზის ჩასვლის შემდეგ და ხელს უწყობს ძილის პროცესს.
კიდევ რა შეიძლება რომ ითქვას? HONOR 90-ს აქვს რვაბირთვიანი Qualcomm Snapdragon 7 Gen 1 პროცესორი, რომლის სიმძლავრეც საკმარისია ნებისმიერი დავალების შესასრულებლად და მაღალი სიმძლავრის ბატარეა სწრაფი დამუხტვის შესაძლებლობით, ამასთანავე 8 ან 12 GB ოპერატიული მეხსიერება და 256 ან 512 GB შიდა მეხსიერება - წარმოდგენილი ორი ვარიანტიდან თქვენ შეგიძლიათ აირჩიოთ ის, რომელიც მეტადაა თქვენზე მორგებული.
და რაღა თქმა უნდა - HONOR 90 აღჭურვილია გასაოცარი კამერით, რომელსაც აქვს 200 მეგაპიქსელიანი შუქძალოვანი სენსორი, რაც მაღალი ხარისხის ფოტოების გადაღების საშუალებას იძლევა - როგორც დღისით, ასევე ღამით. სმარტფონს აქვს 12 მეგაპიქსელიანი ფართო კუთხიანი კამერა, რომელიც პასუხისმგებელია მაკრო ფოტოგადაღებაზე.
ხელმისაწვდომი HONOR 90 Lite
HONOR 90 Lite წარმოადგენს HONOR 90-ის ხაზის კიდევ ერთ სმარტფონს - რომელიც მეტად ხელმისაწვდომ მოდელს წარმოადგენს, ვიდრე თავად ფლაგმანი. თუმცა აქვე უნდა აღინიშნოს, რომ მისი შემუშავებისას მოდელის მახასიათებლები მნიშვნელოვნად არ გამარტივებულა. ჩვენს წინაშეა ღირსეული სმარტფონი, მცირედი კომპრომისებით, რომელთა დამსახურებითაც განპირობებულია სმარტფონის ხელმისაწვდომობა.
HONOR 90 Lite ხელმისაწვდომია სამ ფერში: ცისფერი, ტიტანის ვერცხლისფერი და შავი. სამივე მათგანს აქვს სასიამოვნო გლუვი ზედაპირი, ასევე პრაქტიკული ხავერდოვანი პრინტი, რომელიც მზის სხივებზე განსხვავებულად ელვარებს.
HONOR 90 Lite აქვს დიდი 6,7 ინჩიანი დიაგონალის მქონე მაღალი რეზოლუციის ეკრანი, 90 ჰც განახლების სიხშირით. ეკრანი სმარტფონის წინა ნაწილის 93%-ზე მეტს იკავებს და გამოირჩევა ძალიან თხელი ჩარჩოებით. მთავარი მოდელის მსგავსად, HONOR 90 Lite-საც აქვს „ცირკადული ღამის ეკრანის“ რეჟიმი.
სმარტფონს ერთდროულად ოთხი კამერა აქვს: ფრონტალური სენსორი სელფისთვის, მაკროკამერა, ფართო კუთხოვანი და 100 მეგაპიქსელიანი მთავარი კამერა, რომელიც აუცილებელია მაქსიმალურად დეტალური და მაღალი ხარისხის ფოტოების გადასაღებად, რათა მოახლოებისას ყველაზე შორეულმა დეტალებმაც კი შეინარჩუნონ ხარისხი და სიმკვეთრე.
HONOR 90 Lite ხელმისაწვდომია 8GB ოპერატიული და 256GB შიდა მეხსიერებით. სმარტფონი დაფუძნებულია რვაბირთვიან Mediatek Dimensity 6020 პროცესორზე და აღჭურვილია მაღალი სიმძლავრის ბატარეით, რომელიც 30 წუთში, სმარტფონის 50%-ზე მეტის დამუხტვის საშუალებას იძლევა.
***
ახალი მოდელები უკვე ხელმისაწვდომია HONOR-ის პარტნიორ ტექნიკის ქსელებში. 8GB ოპერატიული და 256GB შიდა მეხსიერების HONOR 90-ის შეძენა შესაძლებელია 1099 ლარად, ხოლო 12GB ოპერატიული და 512GB შიდა მეხსიერების - 1299 ლარად. სმარტფონი HONOR 90 Lite 8GB ოპერატიული და 256GB შიდა მეხსიერებით კი შეგიძლიათ შეიძინოთ 699 ლარად.
R
