"პუტინმა, სავარაუდოდ, ვერ გაუძლო ეჭვიანობას..." - ვინ მოკლა ცნობილი რუსი მომღერალი მურატ ნასიროვი და რა შუაშია რუსეთის პრეზიდენტი: ჟურნალისტებმა დიქტატორის საიდუმლო გაამხილეს

შემთხვევა 2007 წელს მოხდა. ინფორმაცია გავრცელდა, რომ ცნობილი რუსი მომღერალი მურატ ნასიროვი გარდაიცვალა. მიზეზად თვითმკვლელობა დასახელდა. მომღერალი, რომელიც სახლში მეუღლესთან და შვილებთან ერთად იმყოფებოდა, ფანჯრიდან გადახტა. გარდაცვლილს ხელში საკუთარი ფოტო ეჭირა.

ნასიროვის მეუღლემ სამართალდამცველებს განუცხადა, რომ მიზეზი უბედური შემთხვევა გახდა, თუმცა მომღერლის თაყვანისმცემლებმა არ დაიჯერეს. ვრცელდებოდა ვერსიები, რომ მომღერალმა თავი მოიკლა. თუმცა, ამ შემთხვევაში ყველაფერი ბევრად უფრო რთული აღმოჩნდა, ვიდრე ეს ჟურნალისტებისთვის ჩანდა.

ახლახან გავრცელდა ტელეარხ FreeDom-ის სიუჟეტი, სადაც ნათქვამია, რომ მურატ ნასიროვი შესაძლოა პუტინის ბრძანებით მოეკლათ. ჟურნალისტებმა ტელეგრამის არხზე "General SVR" საარქივო პუბლიკაციაზე დაყრდნობით კიდევ ერთხელ გაიხსენეს ნასიროვის ტრაგიკული ბედის შესახებ.

• "მომღერალ მურატ ნასიროვის გარდაცვალება არ იყო ტრაგიკული შემთხვევა ან თვითმკვლელობა, არამედ ეს იყო მკვლელობა რუსეთის პრეზიდენტის ვლადიმერ პუტინის პირადი ბრძანებით", - წერენ მედიაში.

გამოცემის ავტორების თქმით, რუსმა დიქტატორმა მურატ ნასიროვი სასიკვდილოდ მას შემდეგ გაიმეტა, რაც შეიტყო, რომ ნასიროვს რომანი ჰქონდა ტანმოვარჯიშე ალინა კაბაევასთან. პუტინმა, სავარაუდოდ, ვერ გაუძლო ეჭვიანობას.

"2000-იანი წლების დასაწყისში მურატ ნასიროვმა გაიცნო და ხანმოკლე რომანი ჰქონდა ტანმოვარჯიშე ალინა კაბაევასთან. ამ ისტორიამ თბილი მოგონებები დაუტოვა როგორც მურატს, ასევე ალინას... 2006 წელს ალინა კაბაევამ, რომელმაც იმ დროს უკვე დატოვა დიდი სპორტი, სასიყვარულო ურთიერთობა დაიწყო რუსეთის პრეზიდენტ ვლადიმერ პუტინთან. რომანის პარალელურად, კაბაევა უკვე აყვანილი იყო სპეცსამსახურის მეთვალყურეობის ქვეშ. ერთ დღეს, ქალმა მეგობრებთან საუბრისას გაუფრთხილებლობა გამოიჩინა და მათთან ნასიროვთან რომანი გაიხსენა, მათ უთხრა, რომ მას ჯერ კიდევ უყვარდა ნასიროვი (ეს ხდებოდა უკვე პუტინთან ურთიერთობის დროს)", - ნათქვამია ტელეგრამის არხზე.

ჟურნალისტებმა დაამატეს, რომ პუტინს გაუჭირდა ამ ინფორმაციის „მონელება“. ის კაბაევაზე 31 წლით უფროსია, მასზე დაბალია, ამიტომ კომპლექსების მრავალი მიზეზი ჰქონდა. და როდესაც ამ ყველაფერს ნასიროვის ამბავიც დაემატა, ჟურნალისტებმა აღნიშნეს, რომ დიქტატორი უკიდურეს ზომებზე გადავიდა.

"კაბაევას მეგობრებთან საუბრების ჩანაწერი პუტინს 2006 წლის ნოემბრის ბოლოს მიაწოდეს. რამდენიმე დღის შემდეგ პუტინმა სთხოვა ნიკოლაი პატრუშევს, ერთხელ და სამუდამოდ მოეგვარებინა საკითხი ნასიროვთან," - წერია გავრცელებულ ინფორმაციაში.

მართალია თუ არა ვერსია შეკვეთილი მკვლელობის შესახებ, ძნელი სათქმელია, თუმცა ფაქტია, რომ ნასიროვი ნამდვილად იცნობდა კაბაევას. მას სიმღერა, სახელწოდებით „ალინა“ მიუძღვნა. იუთუბზე გამოქვეყნებულია ვიდეო, სადაც ალინა ვნებიანად ცეკვავს ნასიროვის გარშემო.

მურატ ნასიროვი 2007 წლის 19 იანვარს გარდაიცვალა. ნასიროვის ცხედარი „ხრუშჩოვკის“ ხუთსართულიანი შენობის ფანჯრების ქვეშ იპოვეს. ოფიციალური ვერსიით, ის ფანჯრიდან გადავარდა. ნასიროვს დარჩა ორი შვილი და ცოლი, რომელსაც ტრაგედიამდე ცოტა ხნით ადრე შესთავაზა, რომ ხელი ოფიციალურად მოეწერათ.