ახალი ზელანდიაში სასამართლომ სამუდამო პატიმრობა მიუსაჯა ქალს, რომელმაც სამი მცირეწლოვანი ქალიშვილი მოკლა.
42 წლის ლორენ დიკასონმა თავისი ტყუპი ქალიშვილები მაია და კარლა და მათი 6 წლის და ლიანე ბალიშით გაგუდა, შემდეგ კი თავის მოკვლა სცადა. განაჩენი 4-კვირიანი სასამართლო პროცესის შემდეგ გამოიტანეს. ბრალდებულს თავისუფლების უვადოდ აღკვეთა მიესაჯა.
შემთხვევა 2021 წლის 16 სექტემბერს მოხდა. ლორენმა შვილები მაშინ მოკლა, როცა მისი ქმარი, გრეჰემ დიკასონი საქმიან ვახშამზე იმყოფებოდა.
პროკურორმა ენდრიუ მაკრეიმ სასამართლო განხილვის პირველ დღეს განაცხადა, რომ ქალმა ბავშვების დახრჩობა კაბელების საშუალებით სცადა, როდესაც ამ მეთოდით ვერ მოახერხა, ლორენმა მათ მოსაკლავად ბალიშები გამოიყენა. გარდაცვლილი შვილები სახლში მამამ იპოვა. მოგვიანებით მან პოლიციას განუცხადა, რომ ცოლის ფსიქიკური ჯანმრთელობის შესახებ იცოდა, თუმცა ვერასდროს წარმოიდგენდა, რომ ბავშვების მოკვლას შეძლებდა.
დიკასონის ადვოკატი ამტკიცებდა, რომ ლორენის საქციელი მშობიარობის შემდგომი დეპრესიის შედეგი იყო - პროკურორების განცხადებით, ეს არგუმენტი სამედიცინო გარანტიის მოსაპოვებლად საკმარისი არ აღმოჩნდა.
დიკასონის მშობლებმა გამოაქვეყნეს განცხადება, სადაც ნათქვამია, რომ მათი ქალიშვილი ფსიქიკური დაავადებით იტანჯებოდა:
"ჩვენ გვსურს მოვუწოდოთ ოჯახებს და ინდივიდებს მთელს მსოფლიოში, რომ გაზარდონ ცნობიერება მშობიარობის შემდგომი დეპრესიის სიმპტომების შესახებ, ეს მნიშვნელოვანია როგორც თქვენთვის, ასევე თქვენი ოჯახის წევრებისა და მეგობრებისთვის“, - ნათქვამია მშობლების განცხადებაში.
თავად ბრალდებული თავს დამნაშავედ არ ცნობდა. New Zealand Herald-ის ცნობით, მან პოლიციას განუცხადა, რომ ბავშვები "ველურები" იყვნენ, რამაც მისი გაბრაზება გამოიწვია.
ჩრდილოურ უჟმურს სამხრეთი ვერ შველის.
საშინელად არასიმპათიურია, საერთოდ არ გავს ქალს. საწყალი ანგელოზები, რა დედა არგუნათ ბედმა.