პარტნიორები:
ავტორი:

"მესმოდა ბიძაჩემის განწირული ხმა, როგორ ეხუტებოდა ნაპოვნ ლუკაჩოს, რომელიც სულ ეკლებში იყო... ნუ ავრცელებთ ცრუ ინფორმაციას" - რას წერს შოვში, სტიქიის შედეგად გარდაცვლილი მოზარდის ნათესავი

"მესმოდა ბიძაჩემის განწირული ხმა, როგორ ეხუტებოდა ნაპოვნ ლუკაჩოს, რომელიც სულ ეკლებში იყო... ნუ ავრცელებთ ცრუ ინფორმაციას" - რას წერს შოვში, სტიქიის შედეგად გარდაცვლილი მოზარდის ნათესავი

შოვში, სტიქიის შედეგად 7 წლის ლუკა დუდაშვილის გარდაცვალება დადასტურდა. გარდაცვლილი ბავშვის ნათესავი სოციალურ ქსელში წერს, რომ ჯერეჯრობით მაშველებს არ უნახავთ ლუკას და-ძმა და დედა, რომლებიც შოვში, სტიქიის დროს გაუჩინარდნენ.

"გთხოვთ პატივი ეცით გარდაცვლილებს და მის ახლობლებს. ნუ ავრცელებთ ცრუ ინფორმაციას სოციალურ მედიაში (განსაკუთრებით FB - ზე) ჯერ მხოლოდ ლუკა არის ნაპოვნი. ნუ მწერთ ჟურნალისტები: "დარწმუნებული ხართ?!', 'ზუსტად იცით?!"...

იფიქრეთ და ადამიანის მდგომარეობაში შედით, გთხოვთ! ჩემით მესმოდა ბიძაჩემის განწირული ხმა და როგორ ეხუტებოდა ნაპოვნ ლუკაჩოს, რომელიც სულ ეკლებში იყო, თქვენი აზრით არვიცი ზუსტად? გთხოვთ, დაფიქრდეთ სანამ რამეს დაწერთ ან მოგვწერთ. მადლობა ყველას თანადგომისთვის ...ვეცდები, ახალი ინფორმაცია გაგაგებინოთ, რადგან სათითაოდ ყველას ვერ გწერთ." - წერს გარდაცვლილი ბავშვის ნათესავი.

ნატო ჭელიძესა და მის სამ მცირეწლოვან შვილს, ლუკას, ანდრიას და ანასტასიას მაშველები 3 დღის განმავლობაში ეძებდნენ. მათგან ამ დროისთვის მხოლოდ ლუკას პოვნა შეძლეს.

ცნობისთვის, 3 აგვისტოს რაჭაში, შოვში უდიდესი ტრაგედია მოხდა. იმ ადგილის მიმდებარედ, სადაც სასტუმრო "სანსეთ შოვი" და კოტეჯებია განთავსებული, მეწყერი ჩამოწვა. ადგილზე ათობით დამსვენებელი იმყოფებოდა.

ბოლო ინფორმაციით, მეწყერს 18 ადამიანი ემსხვერპლა. მაშველები 20-ზე მეტ დაკარგულს ეძებენ.

ასევე იხილეთ:

ტეგები თემაზე: