"დავდიოდი პროკურატურაში, ვუხსნიდი რატომ არ იყო არამიზნობრივი ხარჯი... არაო, გვაქვსო საბჭოთა დროინდელი ვერტფრენებიო" - რას წერს ვერა ქობალია?
ეკონომიკის ყოფილი მინისტრი, ვერა ქობალია სოციალურ ქსელში გუშინ, რაჭაში მომხდარ ტრაგედიას ეხმაურება და წერს, რომ მათი მმართველობის დროს შეძენილი სუპერ პუმები ახალი მთავრობისთვის არამიზნობრივი ხარჯი აღმოჩნდა.
ვერა ქობალია:
- საფრანგეთში, სუპერ პუმების შეძენამდე მოლაპარაკებები. ჩამოვიყვანეთ ორი, ჩვენც რომ გვქონოდა ევროპული დონის სამაშველო ვერტმფრენები. შემდეგ მთავრობა შეიცვალა და დავდიოდი პროკურატურაში, ვუხსნიდი, რატომ არ იყო არამიზნობრივი ხარჯი. არაო, გვაქვსო საბჭოთა დროინდელი ვერტმფრენებიო. ესენი არ გვჭირდებაო.
ქობალია მანამდე ნაციონალური მოძრაობის წევრ გიორგი ჩალაძის განცხადებასაც გამოეხმაურა, ჩალაძე წერდა - „მიშა ახლა როგორ მოიქცეოდა, მხოლოდ წარმოიდგინეთ...“ ექსმინისტრმა სტატუსი გაიზიარა და დაწერა, „არა მარტო იქ იქნებოდა, ამერიკით დაწყებული თურქეთით დამთავრებული, გადაურეკავდა ყველას. თურქეთიდან და აზერბაიჯანიდან მაშველები უკვე ადგილზე იქნებოდნენ ქართველი მაშველების გვერდით. ასეთ დროს ყოველი წუთი მნიშვნელოვანია.“
შეგახსენებთ, რომ შოვში მეწყერი გუშინ ჩამოწვა. ბოლო ოფიციალური ინფორმაციით, შინაგან საქმეთა სამინისტროს საგანგებო სიტუაციების მართვის სამსახურის თანამშრომლების მიერ ონის მუნიციპალიტეტში მიმდინარე სამაშველო ღონისძიების შედეგად, 7 პირის ცხედარია ნაპოვნი.
წაიკითხეთ ასევე:
- "მსგავსი სტიქია დასავლეთ საქართველოში არასოდეს მომხდარა, თუ არ ჩავთვლით 1991 წლის მიწისძვრას, როცა სოფელი ხახიეთი ჩაიმარხა... 5 მილიონ კუბურ მეტრზე მეტი მასა მოვიდა დინამიკაში" - გეოლოგი
- "კახა კალაძის ოჯახმა "სანსეტ შოვი" გუშინ, სტიქიის დაწყებამდე რამდენიმე საათით ადრე დატოვა" - რას ჰყვება სასტუმროს წარმომადგენელი
- "ვინც ღამით მთებში შვეულმფრენების გაგზავნას ითხოვდა, ვერ ერკვევა ფრენების უსაფრთხოების წესებში" - მეწყერი რაჭაში და სამაშველო შვეულმფრენების "დაფასება" გაჭირვებისას