"კახა კალაძის ოჯახმა "სანსეტ შოვი" გუშინ, სტიქიის დაწყებამდე რამდენიმე საათით ადრე დატოვა" - რას ჰყვება სასტუმროს წარმომადგენელი
სასტუმრო "სანსეტ შოვის" მმართველი კომპანიის წარმომადგენელი ანა მურადაშვილი აცხადებს, რომ სასტუმრო დედაქალაქის მერის, კახა კალაძის ოჯახმა სტიქიის დაწყებამდე რამდენიმე საათით ადრე დატოვა.
ანა მურადაშვილი, რომელიც სტიქიის დროს თავადაც "სანსეტ შოვში" იმყოფებოდა, "რუსთავი 2"-თან ამბობს, რომ თბილისის მერის ოჯახმა სასტუმრო გუშინ, საკუთარი ავტომობილით დატოვა.
"კახი კალაძის ოჯახის წევრები ნამდვილად იყვნენ ჩვენი სტუმრები, თუმცა მათ სტიქიის დაწყებამდე რამდენიმე საათით ადრე დატოვეს სასტუმრო. ამ დრომდე ჰქონდათ მათ ჯავშანი და 12:00 საათისთვის უკვე მოხდა ჩექაუთი. ისინი ჩვეულებრივ საკუთარი ავტომობილით გაემგზავრნენ. რაც შეეხება უკვე სტიქიის შემდგომ პერიოდს, მე პირადად ვიყავი ადგილზე, სულ ვიმყოფებოდით 40 ადამიანი, პერსონალის და სტუმრების ჩათვლით, მათ შორის იყვნენ ბავშვებიც. ვერტმფრენი რომ მოვიდა, პირველ რიგში მოხდა იმ ადამიანების ევაკუაცია, რომელთაც გადაუდებელად ესაჭიროებოდათ დახმარება, შემდეგ კი გამოგვიყვანეს სხვები. ამჟამად ყველა უვნებლად არის და საბედნიეროდ, მშვიდობიანად გამოვედით," - ამბობს ანა მურადაშვილი.
შოვში მეწყერი გუშინ ჩამოწვა. ბოლო ოფიციალური ინფორმაციით, შინაგან საქმეთა სამინისტროს საგანგებო სიტუაციების მართვის სამსახურის თანამშრომლების მიერ ონის მუნიციპალიტეტში მიმდინარე სამაშველო ღონისძიების შედეგად, 6 პირის ცხედარია ნაპოვნი.
ასევე იხილეთ:
- "3 დღის წინ ჩავიდნენ შოვში დასასვენებლად და "მამისონის კოტეჯებში" დაბინავდნენ... აღარაფერი ვიცით მათ შესახებ" - რას ჰყვებიან სტიქიის ზონაში დაკარგულ და-ძმასა და მათ მეგობარზე
- "ზაზა მეუღლესთან და 3 შვილთან ერთად ჩემს კოტეჯში იყო... ვეღარ ვუკავშირდებით" - შოვში დაკარგულ ოჯახს ეძებენ
- "მსგავსი სტიქია დასავლეთ საქართველოში არასოდეს მომხდარა, თუ არ ჩავთვლით 1991 წლის მიწისძვრას, როცა სოფელი ხახიეთი ჩაიმარხა... 5 მილიონ კუბურ მეტრზე მეტი მასა მოვიდა დინამიკაში" - გეოლოგი