"მათ იქ კოტეჯები ჰქონდათ, რომელიც როგორც ვიცი, ახლა განადგურებულია" - სტიქიის ზონაში და-ძმას და მათ ნათესავებს ეძებენ

• ფოტოზე: მეგი გუტაშვილი და მისი ძმა, გიგი გუტაშვილი

შოვში, სტიქიის ზონაში ამ დრომდე გრძელდება სამაშველო ოპერაცია. ადგილზე 150-მდე მაშველი და პოლიციის თანამშრომელია მობილიზებული. ცოტა ხნის წინ მეწყრის ზონიდან მათ 140 მოქალაქე უვნებლად გამოიყვანეს, თუმცა ჯერ კიდევ არიან ისეთები, ვისთანაც კავშირი ამ დრომდე არ აღდგენილა.

მეგი გუტაშვილი, მისი ძმა, გიგი გუტაშვილი და მათი სხვა ნათესავები. ამის შესახებ დაკარგული მოქალაქეების ახლობელმა განგვიცხადა.

"მათ იქ კოტეჯები ჰქონდათ, როგორც ვიცი, ახლა ეს კოტეჯები განადგურებულია. კავშირი არ არის, შემთხვევის ადგილზე იმყოფებიან მეგის და მარიტა გუტაშვილი და მისი დედ-მამა" - გვეუბნება დაკარგული მოქალაქეების ახლობელი.

შოვში, მეწყერი დღეს ჩამოწვა. ბოლო ოფიციალური ინფორმაციით, შინაგან საქმეთა სამინისტროს საგანგებო სიტუაციების მართვის სამსახურის თანამშრომლების მიერ ონის მუნიციპალიტეტში მიმდინარე სამაშველო ღონისძიების შედეგად, ორი პირის ცხედარია ნაპოვნი.

წაიკითხეთ ასევე:

• "სტიქიის ზონაში ნაპოვნი ცხედრებიდან, ერთი 25 წლამდე გოგონასია. უამრავი დაკარგულია - ეძებენ და-ძმას, დედას, ქმარს..." - სტიქიური უბედურება რაჭაში: განადგურებული შოვი, დაღუპულები და 50-მდე დაკარგული ადამიანი
• "შვილსა და სამ შვილიშვილს ვეძებ, ცოცხლები არიან თუ მკვდრები არ ვიცი" - შოვში მყოფი მოქალაქე
• "რა უნდოდა კოტეჯებს ღვარცოფული მდინარეების პირას... არც ვჩერდები ხოლმე იქ" - თეა გოდოლაძე შოვის სტიქიაზე