შოვში, სტიქიის ზონაში და-ძმას და მათ მეგობარს ეძებენ
შოვში, სტიქიის ზონაში და-ძმას და მათ მეგობარს ეძებენ. ინფორმაციას ახლობლები სოციალურ ქსელში ავრცელებენ და დახმარებას ითხოვენ:
"სტიქიის ზონაში იმყოფებოდნენ და-ძმა სოფი და გიორგი ყარალაშვილები, Giorgi Karalashvili Sophie Karalashvili თან ახლდათ მეგობარი.ამდენი ხნის მანძილზე კავშირზე არ გამოსულან თუ ვინმეს გეცნობათ ან რაიმე ინფორმაციას ფლობთ გთხოვთ შემეხმიანეთ" - წერენ ისინი სოციალურ ქსელში.
- ინფრასტრუქტურის მინისტრის, ირაკლი ქარსელაძის განცხადებით, უახლესი ინფორმაციით, შოვში, სტიქიის ზონაში 6 ადამიანი, რომელთაც ვერ უკავშირდებოდნენ, უკვე კავშირზე არიან.
მინისტრის თქმით, სტიქიის ადგილას ამ დროისთვის 150-მდე მაშველი რჩება.
“არიან ადამიანები, რომლებსაც ვერ ვუკავშირდებით, დაახლოებით 50-მდე ადამიანი იყო, თუმცა უახლესი ინფორმაცია არის ის, რომ 6 ადამიანი, რომელსაც ვერ ვუკავშირდებოდით, უკვე კავშირზეა და უსაფრთხოდ არიან. ეს პროცესი გრძელდება, მიუხედავად ღამის საათებისა, 150 მაშველი იმყოფება უშუალოდ სტიქიის არეალში სამძებრო სამუშაოების განსახორციელებლად”,- განაცხადა ქარსელაძემ.
- საგანგებო სიტუაციების მართვის სამსახურის ინფორმაციით, შეიქმნა ცხელი ხაზი, რომელიც 24 საათის განმავლობაში იმუშავებს.
უწყება მოუწოდებს მოსახლეობას, თუ ფლობენ ინფორმაციას დაკარგული პირების შესახებ დაუკავშირდნენ ნომერზე: 598 913 089.
- "სტიქიის ზონაში ნაპოვნი ცხედრებიდან, ერთი 25 წლამდე გოგონასია. უამრავი დაკარგულია - ეძებენ და-ძმას, დედას, ქმარს..." - სტიქიური უბედურება რაჭაში: განადგურებული შოვი, დაღუპულები და 50-მდე დაკარგული ადამიანი
- "მეუღლე და სამი მცირეწლოვანი შვილი მყავს იქ ჩარჩენილი, არ ვიცი, როგორ არიან... ხალხო, რამე ქენით, გთხოვთ! გამოგზავნეთ ვერტმფრენი, რათა ვიპოვოთ" - მეწყერში მოყოლილი პირების ოჯახის წევრი