შსს-ის სასაზღვრო პოლიციის ვერტმფრენი, შოვში, სტიქიის ზონაში ჩაფრინდა - ადგილზე სამაშველო ოპერაცია იწყება
რაჭაში, სტიქიის ზონაში, სამაშველო ოპერაცია იწყება. როგორც შინაგან საქმეთა სამინისტროში აცხადებენ, ადგილზე ერთისასაზღვრო პოლიციის სამაშველო ვერტმფრენი უკვე ჩავიდა, მეორე ვერტმფრენს კი ადგილზე წუთი-წუთზე ელოდებიან.
მათივე ინფორმაციით, ადგილზე საგანგებო სიტუაციების მართვის სამსახურის უფროსი თემურ მღებრიშვილიც ჩავიდა.
ამასთან, არსებული ცნობით, მეწყრულ ზონაში სამაშველო ოპერაცია უახლოეს პერიოდში დაიწყება.
მეწყერი შოვში, სასტუმრო "სანსეტ შოვთან" ჩამოწვა, რამაც ათობით ადამიანი მოიყოლა.
გუბერნატორის მოადგილე აცხადებს, რომ მეწყრულ ზონაში, სასტუმრო "სანსეტ შოვის“ ტერიტორიაზე დაახლოებით 40 ადამიანი იმყოფება და ყველა მათგანი " ცოცხალი და საღსალამათია"
- "სანსეტ შოვის“ თანამშრომელის, ქეთი მაისურაძის განცახდებით, მეწყერს მსხვერპლი არ მოჰყოლია.
"ახლა კარგად ვართ, მეწყერიც შეჩერებულია. ყველაფერი კარგად არის. რაც მთავარია, მსხვერპლი არ არის. კიბით ჩამოვიყვანეთ სტუმრები, უკანა მხრიდან. ყველანი კარგად ვართ. დროულად იყოჩაღეს და კარგად არის ყველაფერი. მეწყერიც შეჩერებულია. ხიდები წაღებულია, ველოდებით ვერტმფრენს" - აცხადებს მაისურაძე.
ასევე იხილეთ: