20 წლიანი ურთიერთობის დასასრული: ვალერი მელაძე ცოლს შორდება - "ჯანაბაევა განქორწინებაზე უარს ამბობდა, რადგან თვლიდა, რომ ეს ფინანსურად მტკივნეული საკითხი იქნებოდა"
ვალერი მელაძე 9 წლიანი ოფიციალური ქორწინების შემდეგ მეუღლეს ალბინა ჯანაბაევას შორდება. ამის შესახებ პროდიუსერმა ლეონიდ დიუნიკმა რუსული მედიისთვის მიცემულ ინტერვიუში განაცხადა.
მისი თქმით, მომღერალს დიდი ხანია სურდა ოჯახის დატოვება, მაგრამ ჯანაბაევა განქორწინებაზე უარს ამბობდა, რადგან „ვიაგრას“ ყოფილი სოლისტი ფიქრობდა, რომ განქორწინება მისთვის ფინანსურად მტკივნეული საკითხი იქნება.
დიუნიკი ამბობს, რომ ჯანაბაევა მთლიანად მელაძეზეა დამოკიდებული. კონსტანტინე მელაძის მეუღლის, ვერა ბრეჟნევასგან განსხვავებით, მას სოლო კარიერა არ აქვს. ამიტომ მას არც დამოუკიდებელი შემოსავალი გააჩნია.
"ვერას ჰქონდა გასტროლები მელაძის გარეშეც, და ჟანაბაევა - ვინ არის ის? მას არ აქვს სოლო კარიერა და არც კლიპები? უბრალოდ „ვიაგრას“ ყოფილი სოლისტია. და მხოლოდ ვალერის ხარჯზე ცხოვრობს", - ამბობს პროდიუსერი.
ვალერი მელაძისა და ალბინა ჯანაბაევას ურთიერთობა თითქმის 20 წელს ითვლის. 2004 წელს მათ ვაჟი კონსტანტინე შეეძინათ, 10 წლის შემდეგ კი მეორე შვილი - ლუკა, რის შემდეგაც ისინი ოფიციალურად დაქორწინდნენ.
2021 წელს პანდემიის პერიოდში წყვილის ოჯახში კიდევ ერთი შვილი, გოგონა აგატა გაჩნდა. ცნობილია, რომ წყვილი მესამე შვილს დიდი ხნის განმავლობაში გეგმავდა.
განქორწინების შესახებ წყვილი ოფიციალურ კომენტარს არ აკეთებს. შეგახსენებთ, რომ რამდენიმე დღის წინ გავრცელა ინფორმაცია, რომ ვალერი მელაძის ძმა, კომპოზიტორი კონსტანტინე მელაძე მეუღლეს ვერა ბრეჟნევას გაშორდა. მედიის ინფორმაციით, წყვილს შორის უთანხმოების მიზეზი რუსეთ-უკრაინის ომზე განსხვავებული შეხედულებები გახლდათ.