1 წლის ბავშვი მას შემდეგ გარდაიცვალა, რაც ბებიამ მანქანაში 8 საათის განმავლობაში დატოვა - აშშ-ში მომხდარი ტრაგედიის დეტალები
ნიუ-იორკში 1 წლის გოგონა მას შემდეგ გარდაიცვალა, რაც ბებიამ ის მანქანის უკანა სავარძელზე რვა საათის განმავლობაში დატოვა. შემთხვევა ორშაბათს მოხდა.
არსებული ინფორმაციით, 54 წლის ქალი სამსახურში მიდიოდა და შვილიშვილის საბავშვო ბაღში დატოვება დაავიწყდა.
”დაახლოებით რვა საათის შემდეგ, როცა ბავშვის სახლში წასაყვანად ბაღში დაბრუნდა, აღმოაჩინა, რომ 1 წლის გოგონა მანქანაში იყო“- ნათქვამია პოლიციის განცხადებაში.
ბავშვი საავადმყოფოში გადაიყვანეს, სადაც ის გარდაცვლილად გამოცხადდა. გარდაცვალების ფაქტზე გამოძიება მიმდინარეობს. ჯერჯერობით უცნობია, წარუდგენენ თუ არა ბებიას რაიმე სახის ბრალდებას.
აღსანიშნავია, რომ წელს აშშ-ში ბავშვის მანქანაში დაღუპვის 15 შემთხვევა დაფიქსირდა.