მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ისეთი რა ხაჭაპური ან ხინკალი უნდა ჭამოთ, რომ ამად გიღირდეთ?!" - როგორ ეხმაურებიან რუსეთში ბათუმის მოვლენებს?
09:24 / 01-08-2023
უკვე მეორედ, საკრუიზო ლაინერმა "ასტორია გრანდემ" ბათუმის ნავსადგური პროტესტის ფონზე დატოვა. გემბანზე მყოფი რუსეთის მოქალაქეები ბათუმის დატოვებისას სკანდირებდნენ - "რასია!" "რასია!", რამაც აქტივისტების უფრო მეტი გაღიზიანება გამოიწვია...
ლაინერი ბათუმში 31 ივლისს გამთენიას შემოვიდა, რა დროსაც მას ქალაქში უკვე საპროტესტო აქციით დახვდნენ. ამიტომაც, რუსეთის მოქალაქეებს იქიდან გადმოსასვლელად პოლიცია დასჭირდათ, შემდეგ კი, ასევე პოლიციის დახმარებით, ავტობუსებითა და მიკროავტობუსებით დატოვეს ნავსადგურის ტერიტორია. დემონსტრანტებმა ისინი კვერცხებისა და წყლის ბოთლების კორიდორში გაატარეს.
პალაუს დროშით მცურავი გემი "ასტორია გრანდე", რომელსაც თურქული საკრუიზო კომპანია Miray Cruises Internationa-ი ემსახურება, ბათუმის ნავსადგურში პირველად 27 ივლისს შევიდა, თუმცა მას, იქაურობის დატოვება, ასევე საპროტესტო აქციის ფონზე მოუწია...
- სოჭიდან გამოსული ლაინერის საქართველოში დახვედრის ფორმა რამდენიმე დღეა, რუსეთის მოქალაქეების აქტიური განხილვის თემაა. მათი ნაწილი აღშფოთებულია იმით, რომ რუსეთში ქართველები თავისუფლად აწარმოებენ ბიზნესს, ლამის ყველა ცენტრალური ქალაქის მთავარ ქუჩაზე ქართული სამზარეულო და რესტორნებია გახსნილი, ისინი თავისუფლად, შეუზღუდავად მუშაობენ რუსეთში და ამ დროს თუნდაც ერთი დღით ჩასულ რუს ტურისტებს საქართველოში ავიწროებენ.
"ჩემთვის ის ერთადერთი მოხუცია ადეკვატური, რომელიც ვიდეოში ამბობს, ომთან ტურისტები რა შუაშიაო... ჩავუყევი კომენტარებს, ქართველებიც აკრიტიკებენ ასეთ დახვედრას, კარგია, რომ ადეკვატური ხალხი კიდევ ჰყავთ" - მიაჩნია ინტერნეტმომხმარებელ ერიკ ერისონს.
სხვების თქმით, მათი თანამემამულეების უთავმოყვარეობას საზღვარი არ აქვს, რადგან ისინი არაფრად აგდებენ მოსახლეობის პროტესტს და საქართველოში მაინც ჩადიან...
"არ ვიცი, ვინ იყო ბათუმში ჩასული, რომელი არტისტები და რა მნიშვნელოვანი ღონისძიება ჰქონდათ ასეთი, რომ აუცილებლად უნდა წასულიყვნენ. ვიცი, რომ ჩვენს არტისტებს მორალი ხშირად კარგ ანაზღაურებაში ეშლებათ, თუმცა ეს ახლა არც მაინტერესებს, უბრალოდ კითხვა მაქვს ყველასთან, არტისტთან, უბრალო ტურისტთან, თუ ვაჭართან, განა ისეთი რა ხაჭაპური ან ხინკალი უნდა ჭამოთ, რომ ამად გიღირდეთ?! უკან რომ ბრუნდებით, კმაყოფილი ხართ, მერე რა, რომ კვერცხები გვესროლეს, ხაჭაპური მაინც ხომ ვჭამეთო?!. რა უსამართლობაა, რომ ეს ხალხი და ჩვენ ერთ ქვეყანაში ვცხოვრობთ" - წერს სვეტლანა რეტროსვკა.
"ჩვენი ბიჭები ომში იხოცებიან. ყოველდღე ათობით დაღუპულზე ვრცელდება ინფორმაცია, ესენი კი ერთ კვირაა, გემებით მიაწყდნენ საქართველოს, გინდა თუ არა, მეგობრები ვართ და გასაყოფი არაფერი გვაქვსო. არადა, სულ ახლახან იყო 2008 წელი... ჩემი თანამშრომლები იყვნენ აფხაზეთში და უკმაყოფილო ჩამოვიდნენ, 30 წელი გავიდა, ქალაქის ცენტრალური ქუჩების მიღმა ისევ უფანჯრებო სახლებიაო. ეს რომ სხვებმა გაიგეს, მაშინ ჩვენ ბათუმში წავალთო, წავიდნენ და გალანძღული, ნაგინები დაბრუნდნენ, გვეჩხუბნენ, მაგრამ იქაურობა ძალიან ლამაზიაო. ასეთი მარტივი ერი ვართ ჩვენ" - წერს ნიკალაი პეტროვსკი.
"27 ივლისის ვიდეო ვნახე ბოლო კადრები, როდესაც უკრაინის ჰიმნი ჩართეს... სირცხვილის და შიშის გრძნობა ერთდროულად მქონდა, სირცხვილის ჩვენი ზომბი მთავრობის და მისი მსხვერპლი ხალხის, შიში კი იმიტომ, რომ რაც დრო გადის, მეტ ხალხს და ქვეყანას ვძულდებით. მეზობელ ქვეყანაში, სადაც ტურიზმი პრიორიტეტია, ჩვენი ფულიც კი არ სჭირდებათ, ისე ვძულვართ" - წერს პლუშანოვაკი.
წაიკითხეთ ასევე:
- "საქმე გვაქვს რუსეთისგან კარგად დაგეგმილ ჰიბრიდულ ომთან" - რა შედეგი შეიძლება მოჰყვეს რუსებისთვის დისკომფორტის შექმნის პოლიტიკას? ექსპერტი ბათუმის აქციების მნიშვნელობაზე
- "იარეთ კვერცხების კორიდორში. უარესის ღირსი ხართ... რუსი ტურისტი არის ტურისტი, რომელიც არსად არ უყვართ" - როგორ ეხმაურებიან აფხაზები ბათუმის მოვლენებს?
მკითხველის კომენტარები /
77 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
უგრძვნიაზოგიერთ რუსს და ზოგიერთი ქართველუს რა მოგახსრნოთ🙄
რიჟვაძე არ გამინაწყენოთ, ის პალმის კუნძული ხომ ააშენა.. მერე ბათუმელები ყოველი წვიმის მერე რომ დატბორილები არიან. და თავად რომ რუსებს ეფარცქვალება. ასეთი კაცი უნდა ხელის გულზე ატაროთ. ვნახოთ ამ არჩევნებზე თურმე დამატებით ბაობაბის კუნძულსსაც გპირდებათ ქოცებო და მიეცით ხმა ფიჟვაძეს...