მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რუსეთი, აფრიკა და მათი "ისტორიული მეგობრობა" - რა სურს პუტინს და რას იღებს აფრიკისგან
13:37 / 31-07-2023
27 ივლისს რუსეთის ჩრდილოეთ დედაქალაქში, სანქტ-პეტერბურგში აფრიკული პოლიტიკის "ტალანტები" და ლიდერები ჩავიდნენ. 2022 წლის 24 თებერვლიდან, მას შემდეგ, რაც რუსეთი უკრაინაში შეიჭრა და დასავლურმა სამყარომ ზურგი აქცია, აღმოჩნდა, რომ რუსეთი თურმე აფრიკის ისტორიული პარტნიორი და მეგობარია.
გასული წლის განმავლობაში პუტინმა ლავროვი სად არ "ამოგზაურა" - ხანგრძლივ მივლინებაში გაუშვა და აფრიკის ბევრი ქვეყანა მოატარა. ლავროვს ხან ტოტებით დახვდნენ, ხან უცეკვეს, ხან ხმალი აჩუქეს, ზოგჯერ ოფიციალურ კაბინეტებში დასვეს და ისეთი მზერით იყურებოდა, თითქოს თვითონაც ვერ გაეგო რა ხალხში იყო ან რა მოლაპარაკებები უნდა ეწარმოებინა.
როგორც ჩანს, სერგეის კურიერის როლიც ჰქონდა შეთავსებული, მან სადაც კი ფეხი დადგა, ყველას მოწვევა დაურიგა. 28 ივლისს კი პეტერბურგში აფრიკის იმდენი წარმომადგენელი ჩავიდა, რომ ზოგიერთი ქვეყნის დელეგაციას ექსკურსიაც კი მოუწყვეს.
- რა ხდება რუსეთ-აფრიკის ურთიერთობაში და რა წიაღსვლები აქვთ მხარეებს?
ზოგადად, ისტორიულად, საბჭოთა კავშირი აფრიკასთან მჭიდროდ თანამშრომლობდა. ისინი ეხმარებოდნენ სურსათით, ფულით, შეიარაღებით, ექიმებით, მასწავლებლებით, ინჟინრებით, თუმცა კავშირის დაშლის შემდეგ, რუსეთს იმდენი პრობლემები ჰქონდა, რომ "ისტორიული მეგობრობა" ცოტა ხნით დაივიწყა.
2022 წლის თებერვლიდან, მას შემდეგ, რაც რუსეთს დასავლეთმა ზურგი შეაქცია, პუტინმა ჩათვალა, რომ დრო იყო "ისტორიული მეგობრობისთვის" მეორე სუნთქვა ჩაებერა. და მან საკმაოდ წარმატებულადაც ჩაჰბერა...
აფრიკა - მსოფლიო მოსახლეობის 17%-ია, თანაც "შავ კონტინენტზე“ შობადობის კოეფიციენტი საკმაოდ მაღალია. 2050 წლისთვის ვარაუდობენ, რომ მოსახლეობის რაოდენობა 2.5 მილიარდს მიაღწევს (ახლა 1.4 მილიარდია). ბოლო წლებში რუსეთმა მთლიანი ექსპორტის 3% აფრიკაში გაგზავნა, ხოლო შეტანით, 1%-ზე ნაკლები შეიტანა. თუმცა რუსებს უხარიათ, "სწრაფი ტემპით“ განვითარებადი კონტინენტისთვის იდეალური ბაზარი ვიპოვეთო.
აფრიკაში რუსეთის ერთ-ერთი ყველაზე დიდი მოკავშირე ეგვიპტეა. მისი გეოგრაფიული მდებარეობა რუსეთის მთავარი ინტერესია. ჩრდილოეთ აფრიკაში მჭიდროდ თანამშრომლობს ასევე ალჟირთან. დასავლეთ აფრიკაში თვალი უდგათ ნიგერიაზე, განასა და სენეგალზე. აღმოსავლეთში - ეთიპოიასა და კენიაზე. რა თქმა უნდა, ამ სიაშია სამხრეთ აფრიკის რესპუბლიკაც. სამომავლოდ განიხილება ზიმბაბვე, მალი და ბურკინა-ფასო.
- რა გააქვს რუსეთს აფრიკაში?
აფრიკის ზოგიერთი ქვეყანები, როგორიცაა საჰარის სამხრეთით მდებარე ქვეყნები, მსოფლიოში ერთ-ერთი ყველაზე ღარიბია. ისინი რუსეთს აღიქვამენ, როგორც წყაროს საკვებისთვის.
ნავთობპროდუქტები - აფრიკაში ნავთობგადამამუშავებელი ქარხნები მცირე რაოდენობითაა. ამიტომ რუსეთი იქ გზავნის ბენზინსა და დიზელს. 2022 წლიდან სიტუაცია შეიცვალა. ახლა რუსეთი ცდილობს აფრიკაში მეტალურგიული პროდუქციის გასაღების ბაზარიც იპოვოს. ფოლადისა და სპილენძის ექსპორტის წილი საგრძნობლად გაზრდილია.
ასევე სანქციების პერიოდმა რუსეთისთვის რაღაცები სასარგებლოდაც შეცვალა. მაგალითად, ადრე აფრიკიდან - ყავა, ჩაი, კაკაო, ყვავილები, ფორთოხალი, ლიმონი და თამბაქო ევროპული კომპანიის გავლით შედიოდა, ახლა კი ბიზნესი პირდაპირ დამკვეთთან თანამშრომლობს. რაც ამცირებს ხარჯებს.
.აფრიკული ქვეყნების ეკონომიკა შესაძლოა, მართლაც სწრაფად იზრდება, მაგრამ ევროპული და ამერიკული ქვეყნების ეკონომიკამდე ჯერ ხომ ძალიან შორს არიან? - იკითხავდა ეჭვიანი, "პროგრესულად მოაზროვნე" რუსი, რომელიც ხვდება, რომ რუსეთი ახლა აფრიკასთან იმიტომ აუმჯობესებს ურთიერთობას, რომ სხვა გზა ფიზიკურად აღარ არის.
რეალურად, რუსეთი ახლა ე.წ. ჩინური მოდელით მოქმედებს - ის ღარიბ ქვეყანას კრედიტის სანაცვლოდ აძლევს საჭირო რესურსებს, სანაცვლოდ, ისინი რუსულ კომპანიებთან მსხვილ კონტრაქტებს აფორმებენ.
ასეთი სქემით რუსეთმა წარმატებით შეიყვანა აფრიკაში: "ლუკოილი“, "როსნეფტი“, ვტბ, "ფოსაგრო“, "იანდექსი“, "კასპერსკი“ და სხვა კომპანიები. ეს თანამშრომლობა ეტაპობრივად იზრდება. აფრიკული ქვეყნები დაინტერესებული არიან, რომ რუსეთმა მათ ენერგეტიკის, პორტების, საავტომობილო და სარკინიგზო გზები გაუყვანოს/გაუუმჯობესოს.
საინტერესოა, რომ 15 წლის წინ რუსეთმა აფრიკას 15-მილიარდიანი ვალი ჩამოაწერა. ასეთი მოქმედებებით რუსეთი იქაურების გულის მოგებას აპირებს. მათი თქმით, გაეროს გადაწყვეტილებების დროს, აფრიკული ქვეყნები მუდმივად რუსეთის პოზიციებს იზიარებენ.
- რას იღებს რუსეთი?
გარდა იმისა, რომ რუსეთი ზრდის აფრიკაში გავლენას, ამასთანავე, გზა ეხსნება, რომ ბუნებრივი რესურსები შედარებით ნაკლებ ფასად მოიპოვოს. აფრიკის უმეტესი რესურსი მაღალტექნელოგიური სფეროებისთვის სასიცოცხლოდ აუცილებელია. აფრიკაში ბოქსიტების, მარგანეცის, პლატინისა და ურანის დიდი საბადოებია. მაგალითად, კონგოში მსოფლიოში არსებული კოლტანის 80%-ია. კოლტანი, რომელიც ნიობისა და ტანტალას შენადნობია, მის გარეშე არც ერთი ტელეფონი არ იმუშავებს. ასევე, იმავე კონგოში კობალტის 60%-ია. კობალტი ავიაციის ელემენტებში გამოიყენება. სხვა სიტყვებით, რომ ვთქვათ, ვერც ერთი გამანადგურებელი თვითმფრინავი ვერ იარსებებს კობალტის გარეშე, ხოლო ნიობის გარეშე პილოტი და დისპეჩერი ერთმანეთს ვერ დაუკავშირდებიან.
თანაც, აფრიკის ბევრ ქვეყანაში დიქტატორები "ნავარდობენ“. რუსეთმა მათ თვალში სირიის მაგალითზე ნდობა მოიპოვა, როდესაც რუსეთმა არ მისცა საშუალება, რომ ასადის რეჟიმი დამხობილიყო. ხელი - ხელს ჰბანს.
როგორ განვითარდება რუსეთ-აფრიკის ურთიერთობები, მხოლოდ დრო გვიჩვენებს. ერთი რამ ფაქტია, 27 ივლისს რუსეთში "რუსეთ - აფრიკის“ ფორუმზე აფრიკის 49 ქვეყნის წარმომადგენელი, ხოლო 17 ქვეყნის უმაღლესი პირები ჩავიდნენ. ეს კი სერიოზული განაცხადია, რომ რუსეთი აფრიკაში სერიოზული გავლენებისთვის დაიწყებს ბრძოლას, როგორც ფორუმმა აჩვენა, მას ამ ამბავში მოკავშირეებიც ჰყავს.
- ავტორი: ანრი კურტანიძე
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რუსეთს რა სურს კი არა ამერიკას რა სურს იმაზე ილაპარაკეთ მტელი ევროპა რო წაკუზული ჰყავს
ქართველი ჟურნალისტი ნიგერიის ,ეგვიპტის ან მით უმეტეს სამხრეთ აფრიკის რესპუბლიკის ეკონომიკაზე რომ დაიწყებს ირონიით საუბარს , ეგ მართლა საინტერესოა. :) ისე აშშ -ევროპის მიერ 30 წ განმალობაში ქართულ ეკონომიკაში ჩადებული ინვესტიციებსა და მათგან გამოწვეული აღმშენებლობაზეც დაგვეწერა ბარემ , ის 4 მილიარდი არ ითვლება ქალბატონი ღუბერნატორი რომ გავახსენებს ხოლმე, წელზე გადაანგარიშებით დიდი ვერაფერია საქართველოს კვალობაზეც კი,მით უმეტეს უდიდესი ნაწილი ისევ მაგათი გამოკვებილი ასო-ების ჯიბებში წავიდა!