ბოლო 20 წლის განმავლობაში პირველად, სინგაპურში ქალს სიკვდილით დასჯიან - რას ედავებიან მას სამართალდამცველები

სინგაპურში ბოლო 20 წელიწადში პირველად, ქალს სიკვდილით დასჯიან. სინგაპურის მოქალაქეს სარიდევი ჯამანს 2018 წელს სასიკვდილო განაჩენი გამოუტანეს. მას 30გ ჰეროინის შენახვა ედება ბრალად.

მანამდე, 2004 წელს, სინგაპურში, 36 წლის ქალი იენ მეი ვუნი ნარკო-ტრეფიკინგის ბრალდებით ჩამოახრჩვეს.

სასიკვდილო განაჩენის მოლოდინშია 56 წლის მამაკაციც,მოჰდ აზიზ ბინ ჰუსეინი 2018 წელს ჰეროინის შენახვის ბრალდებით დააკავეს. არსებული ინფორმაციით, ჰუსეინი ამტკიცებდა, რომ მისი ჩვენებების უმეტესი ნაწილი სიმართლეს არ შეესაბამებოდა.

ოფიცერი მას ჩვენების სანაცვლოდ, სასიკვდილო განაჩენის თავიდან აცილებას ჰპირდებოდა. გამომძიებელმა ეს ინფორმაცია უარყო. მოსამართლის განცხადებით, ყველა ჩვენება ნებაყოფლობით იყო მიცემული.

სინგაპურს მსოფლიოში ნარკოდანაშაულისთვის ყველაზე უკომპრომისო კანონები აქვს, რის გამოც საერთაშორისო უფლედამცველი ორგანიზაციები ხშირად აკრიტიკებენ.

მთავრობა ამტკიცებს, რომ სიკვდილით დასჯა ნარკოდანაშაულის წინააღმდეგ ბრძოლის ეფექტური საშუალებაა და სახელმწიფოს უსაფრთხოებას უზრუნველყოფს. აქტივისტები კი ამბობენ, რომ ყველაზე დაუცველები სიკვდილმისჯილი პატიმრები არიან, რადგან მათ ადვოკატის აყვანის უფლებასაც არ აძლევენ.

ბოლო ორი წლის განმავლობაში, სინგაპურში ნარკოდანაშაულის ბრალდებით მინიმუმ 13 ადამიანი ჩამოახრჩვეს.