მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
პარასკევი, მთვარის ოცდამეცხრე დღე დაიწყება 06:58-ზე, მთვარე თევზებშია
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია დაიცვათ მარხვა. ძილის წინ მიიღეთ შხაპი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ისე გამოიყვანეს, თითქოს გიორგი დადის, ხელმოწერებს აგროვებს და ამაში საფასურს იღებს. თან ასე პატარა თანხას. მეტი კომედია რა გინდათ?!" - მაკა ჩიჩუა ექსპრეზიდენტის მიმართ მმართველი გუნდის ბრალდებაზე
17:14 / 25-07-2023
"მარგველაშვილი რაც არის და ვინც არის, ყველამ ძალიან კარგად იცის - როდესაც მას უთხრეს, რომ 10 500 დოლარი ჰქონდა აღებული სააკაშვილის ქომაგობაში, მან მხოლოდ ის თქვა, ამ თანხად როგორ გავიყიდებოდიო, ეს ნიშნავს იმას, რომ ზოგადად, გაყიდვა დაუშვა", - ამის შესახებ "ქართული ოცნების“ თავმჯდომარემ ირაკლი კობახიძემ განაცხადა... გიორგი მარგველაშვილის ირგვლივ ასეთი კომენტარები ორი დღეა არ წყდება, რაზეც სასაუბროდ ყოფილ პირველ ლედის - მაკა ჩიჩუას დავუკავშირდით...
- ეს ამბავი კომედიაა, გიორგი იცინოდა, რაღა 11-ათასი დოლარიდან დავიწყე კარიერა ქრთამის აღებაშიო, მე და გიორგიმ ძალიან ბევრი ვიშაყირეთ...
- ანუ, ამ ყველაფერს იუმორით შეხედეთ?
- რა თქმა უნდა, გვეცინებოდა! ასეთ ამბავში 11-ათასი დოლარის ქრთამად აღება, იმდენად ცოტაა, ეს თემა იმდენად არასერიოზულია, უაზრობა, რომ არც შეფასებას, არც კომენტარს გავაკეთებდი, მაგრამ აუცილებელია... "ქართული ოცნების" წარმომადგენლები ისეთ რამეს ამბობენ, მათთან დისკუსიაში შესვლა არც შეიძლება! როგორ უნდა ველაპარაკო ვინმეს ასეთ თემაზე, როგორიც არის გიორგისთან ასეთი საქმეების დაკავშირება?! ფულის გადახდა გიორგისთვის - ეს იმდენად დიდი აბსურდია, კომედიაა! თუმცა მათი ტვინი რომ ამ მდგომარეობაშია, ეს ქვეყნისთვის ძალიან დიდი ტრაგედიაა!
- რა მოხდა რეალურად?
- გიული ალასანია ტელევიზიით გამოვიდა და ყველაფერი ძალიან ნათლად ახსნა... მან გარკვეულ პიარკომპანიას გადაუხადა საფასური, რომ ინფორმაცია მსოფლიოში მკაფიოდ გაეჟღერებინათ. როგორც ხდება დღეს, მე თუ ნახატის გაყიდვა მინდა, ამისთვის ხომ სპეციალურ სამსახურს ვუკავშირდები, რომელიც ინფორმაციას გააჟღერებს?!
ჩვენი ქვეყანა რომ ასეთ უბედურ დღეში არ ყოფილიყო, სადაც ქვეყნის პრეზიდენტს ყველას თვალწინ აწამებენ, კლავენ, გიორგი ამისთვის რამდენიმე ქვეყნის ყოფილ პირველ პირს, პრეზიდენტებს დაუკავშირდა. დაახლოებით ოცი ქვეყნის პრეზიდენტის ხელმოწერა შეაგროვა, ეს არის ძალიან ცუდი პრეცედენტი და თქვენ რას ფიქრობთო? რასაკვირველია, მათაც დაუდასტურეს...
შემდეგ, როგორც გაირკვა, ამ ხელმოწერების შესახებ რომ ხმამაღლა გაჟღერებულიყო, გიული ალასანიამ (რომელთანაც ჩვენ პირდაპირი კავშირი არასოდეს გვქონია) გადაუხადა პიარკომპანიას...
თავისი ერთადერთი შვილისთვის, მისი სიცოცხლის გადასარჩენად იბრძვის, დედაა!
აგერ ყველა ვხედავთ, მიხეილ სააკაშვილი რა შესახედიც არის. მიუხედავად ჩემი ოპონირებისა მის მიმართ, როგორც ამ ქვეყნის მოქალაქემ და მით უმეტეს, ყოფილმა პრეზიდენტმა, ხმა უნდა ამოიღო! გიორგიმ მიმართა იმ პრეზიდენტებს, რომლებთანაც მეგობრობა აკავშირებდა, ისინიც აღშფოთდნენ და თანადგომა დაუდასტურეს, ჩვენი ქვეყნის პრეზიდენტი რომ არ უნდა აწამონ! ცივილურ ქვეყნებში პრეზიდენტებს არ აწამებენ. სასამართლოს წინაშე გვარდება ყველაფერი, ასე პირველყოფილი წამება და ინკვიზიცია სხვა დროს ჩაბარდა. ამ რეჟიმში აღარ ვცხოვრობთ.
ყველაფერი ღიად, გამჭვირვალედ არის, სად რა გადაიხადა გიული ალასანიამ... გიორგი მხოლოდ იმის ინიციატორი იყო, რომ საქართველოს სახელით კიდევ ერთი პრეზიდენტი არ მოვკლათ... მე არც ვიცოდი, რაზე იყო ლაპარაკი და გადავირიე, რომ ვისმენდი, რას ბოდავენ-მეთქი... გიული ალასანიამ ტელევიზიით განაცხადა, არც გიორგიმ, არც ჟურნალისტებმა არაფერი იცოდნენ, მე პირდაპირ პიარკომპანიას დავუკავშირდი, ამდენი პრეზიდენტების ხელმოწერები რომ მქონდაო...
- რომ დავაზუსტოთ, როდესაც ბატონმა გიორგიმ ხელმოწერები შეაგროვა, ქალბატონ გიულის გადასცა?
- პირადად ქალბატონი გიულისთვის არ გადაუცია... გადასცა იმ ადამიანებს, ვინც პრეზიდენტის ინტერესებს იცავენ. თუ არ ვცდები, ზურაბ ჭიაბერაშვილს და სხვებს...
სულ ეს იყო და ისე გამოიყვანეს, თითქოს გიორგი დადის, ხელმოწერებს აგროვებს და ამაში საფასურს იღებს. თან ასე პატარა თანხას. მეტი კომედია რა გინდათ?!
ყველაფერი ძალიან ნათელია, კითხვის ნიშანი საერთოდ არ არსებობს! "ქართული ოცნება" მტრებს აქეთ ეძებს, რეალურ მტერს კი კარს უღებს და შემოჰყავს. მობრძანდით, აქ რაც გინდათ, ის აკეთეთო... თანაც იმ ქვეყანას, რომელსაც ჩვენი ქვეყნის დიდი ნაწილი ოკუპირებული აქვს და კიდევ ზემოდან გვემუქრება, თუ ისე არ მოვიქცევით, როგორც სურს! ესენიც ამბობენ, ჰო, აბა, როგორ, ომი გინდათო?! რაღაც აბსურდის თეატრში მოგვახვედრეს და უძლურად ვგრძნობთ თავს მთელი ამ უბედურების წინაშე. ყველამ ერთხმად უნდა ვთქვათ, ეს რა ჯოჯოხეთში გვაცხოვრებთო! თან ყველაზე კრიტიკულ მომენტში, როცა მსოფლიო გადაეწყო და შავ-თეთრი ნათლად ჩანს... რა გაუკეთა რუსეთმა ჩეჩნეთს? - საშინელება მოუწყვეს! აქაც კადიროვიზაცია მიდის, კადიროვს უღებენ ფართოდ კარს! ნორმალურებს კარს უხურავენ... განაგრძეთ კითხვა
ასევე იხილეთ:
მკითხველის კომენტარები /
45 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ფუ თქვენი!!
გიორგი მარგველაშვილი, ისევე, როგორც სალომე ზურაბიშვილი და სახალხო დამცველები დასავლეთის რეკომენდაციით არჩეული(დანიშნული) კანდიდატებია. მარგველაშვილმა პრეზიდენტობის პერიოდში სწორედ მისი მეუღლის, მაკა ჩიჩუას ოჯახის კრიმინალი წევრების, ნათესავების და მეგობრების შეწყალებით და პატიმრობიდან გათავისუფლებით იყო დაკავებული. ასე რომ, მაგ ქალბატონს ხმა საერთოდ არ ამოეღება. რაც შეეხება ფინანსებს. პრეზიდენტის თანამდებობის დატოვების შემდეგ გიორგი მარგველაშვილი და მაკა ჩიჩუა მუდმივად არასაკმარის შემოსავლებზე წუწუნებდნენ. ალბათ, გახსოვთ, ცოლ-ქმარი სხვადასხვა ოპოზიციურ ტელეარხებზე ჩნდებოდნენ, რაშიც ანაზღაურებას იღებდნენ. 11 500 დოლარი მხოლოდ ის თანხაა, რაც აშშ-ს მხრიდან ოფიციალურად გაოქვეყნდა.