ავსტრალიის სანაპიროზე უცნობი ობიექტი გამოირიყა - ხელისუფლება მისი წარმომავლობის დადგენას ცდილობს
კვირას, ავსტრალიის სანაპიროზე ადგილობრივებმა 2,5 მეტრის სიგრძის ოქროსფერი ცილინდრი იპოვეს. როგორც ჩანს, იგი ლითონისგანაა დამზადებული. ხელისუფლება ამ დრომდე ცდილობს მისი წარმომავლობის დადგენას. Sky News-ის ცნობით, გამოძიების პროცესში სამხედროებიც ჩაერთნენ.
ავსტრალიის კოსმოსური სააგენტოს განცხადებით, უცნობი ობიექტი შეიძლება უცხოური რაკეტის ნაწილი იყოს.
„ობიექტი შეიძლება უცხოური კოსმოსური რაკეტის ნაწილია. ამჟამად კონტაქტი გვაქვს გლობალურ კოლეგებთან და მეტი ინფორმაციის მოპოვებას ვცდილობთ“ - ნათქვამია ორგანიზაციის განცხადებაში.
პოლიციის განმარტებით, სახანძრო და გადაუდებელი დახმარების დეპარტამენტისა და დასავლეთ ავსტრალიის ქიმიის ცენტრის მიერ ჩატარებულმა ანალიზმა დაადგინა, რომ ობიექტი საზოგადოებისთვის საფრთხეს არ წარმოადგენს.