"მარგველაშვილი ვინც არის, ყველამ კარგად იცის - როცა მას უთხრეს, რომ 10 500 დოლარი ჰქონდა აღებული სააკაშვილის ქომაგობაში, მხოლოდ ის თქვა, ამ თანხად როგორ გავიყიდებოდიო" - კობახიძე
მარგველაშვილი რაც არის და ვინც არის, ყველამ ძალიან კარგად იცის - როდესაც მას უთხრეს, რომ 10 500 დოლარი ჰქონდა აღებული სააკაშვილის ქომაგობაში, მან მხოლოდ ის თქვა, რომ ამ თანხად როგორ გავიყიდებოდიო, ეს ნიშნავს იმას, რომ ზოგადად, გაყიდვა დაუშვა, - ამის შესახებ "ქართული ოცნების“ თავმჯდომარემ ირაკლი კობახიძემ განაცხადა.
როგორც კობახიძემ აღნიშნა, ასეთი ადამიანი ქართულ პოლიტიკურ კულტურას არ შეესაბამება.
"მარგველაშვილი რაც არის და ვინც არის, ყველამ ძალიან კარგად იცის. როდესაც მას უთხრეს, რომ 11 500 დოლარი ჰქონდა აღებული სააკაშვილის ქომაგობაში, მან მხოლოდ ის თქვა, რომ ამ თანხად როგორ გავიყიდებოდიო. ეს ნიშნავს იმას, რომ ზოგადად, გაყიდვა დაუშვა. აქედან კარგად ჩანს მისი სახე. არ შეიძლება ასეთი ადამიანები ქართულ პოლიტიკაში იყვნენ. ის ქართულ პოლიტიკურ კულტურას არ შეესაბამება“,- განაცხადა კობახიძემ.
რაც შეეხება "ფარას" კანონის მოქმედებას, კობახიძემ აღნიშნა, რომ ამ კანონის წყალობით გამომჟღავნდა, რომ "ნაციონალური მოძრაობა“ არა მხოლოდ ომის, არამედ "ღალატის პარტიაც არის“.
"სრული კატასტროფაა, პირდაპირ გამომჟღავნდა ის, რომ "ნაცმოძრაობის“ წარმომადგენლები ფულს იხდიან საქართველოს დასანქცირებაში, ეს არის უბრალოდ კატასტროფა. ეს კიდევ ერთხელ აჩვენებს იმას, რომ "ნაცმოძრაობა“ არის როგორც ომის პარტია, ასევე ღალატის პარტია. პირდაპირ მოღალატეები არიან და პირდაპირ აგენტები არიან, სხვანაირად უბრალოდ წარმოუდგენელია. თქვენ იცით, რომ ამერიკაში მოქმედებს "რუსული კანონი“, ეს არის "ფარას" კანონი და მადლობა ამ კანონს იმისთვის, რომ გააშიშვლა "ნაცმოძრაობის“ სახე კიდევ ერთხელ. ამერიკაში მოქმედი "რუსული კანონის“ წყალობით გახდა ცნობილი, რომ "ნაცმოძრაობა“ ფულს იხდიდა ქვეყნის გაშავებაში. ეს არის უბრალოდ წარმოუდგენელი მოვლენა“,- განაცხადა კობახიძემ.
წაიკითხეთ ასევე: