17
ივნისიდღის ზოგადი ასტროლოგიური პროგნოზი
82 წლის აირის ჯონსი და 36 წლის მოჰამედ იბრაჰიმი ეყრებიან. ასაკობრივი სხვაობა წყვილმა 2021 წელს გადალახა და მათი სიყვარულის ამბავი სხვადასხვა გამოცემის "ჰედლაინებზე" მოხვდა. ახლა, ორწლიანი ქორწინების შემდეგ, მათ დაშორება გადაწყვიტეს. "მუჰამედში ყველაფერი მომწონდა, მაგრამ ბოლო პერიოდში ჩვენი ურთიერთობა გართულდა",- განუცხადა ჯონსმა ბრიტანულ ჟურნალს, Closer-ს.
"ადრე გადასარევი სექსუალური ცხოვრება გვქონდა, მაგრამ გარკვეული პერიოდის შემდეგ ყველაფერზე ვკამათობდით", - ამბობს 82 წლის აირი ჯონსი. პენსიონერმა ქალმა იბრაჰიმი "ფეისბუქზე" 2019 წელს გაიცნო და მათი რომანი მალევე დაიწყო. ჯონსი მალევე გაფრინდა ეგვიპტეში ახალგაზრდა კაცთან შესახვედრად.
წყვილმა 2020 წელს იქორწინა და იბრაჰიმი დიდ ბრიტანეთში გადავიდა საცხოვრებლად, რათა მეუღლესთან ერთად ყოფილიყო. 2021 წელს ბრიტანულ თოქ-შოუში ვიზიტისას იბრაჰიმმა მტკიცედ უარყო, რომ ჯონსს ხელი ვიზის ან ფულის გამო სთხოვა.
ახლა ამ ორ ადამიანს შორის ყველაფერი დასრულდა და ჯონსმა თავისი კატის, ბატონი ტიბსის სახით ახალი კომპანიონი იპოვა. "ტიბსი მუჰამედთან დაშორებიდან რამდენიმე დღეში მოვიყვანე სახლში და ის საუკეთესო კომპანიონია. არასდროს წუწუნებს, ჩუმია და შესახედავად ლამაზი - მე მას ვაღმერთებ, ის კი ჩემთან ბედნიერია და არაფერს ურევს", - ყვებოდა 82 წლის ქალი გადაცემაში სტუმრობისას.
ჯონსი ამტკიცებს, რომ ყოფილი ქმარი არც კი ენატრება: "მუჰამედი საერთოდ არ მენატრება. მისი წასვლისას ყველაზე მეტად იმან გამაღიზიანა, რომ თან ჩემი ტემპურას კრევეტები წაიყოლა, რომელიც იმ საღამოს სადილად უნდა შემეწვა".
იბრაჰიმს მათ კონფლიქტზე ჯერ კომენტარი არ გაუკეთებია.
წყარო: nypost
მოამზადა: ანა სიბოშვილმა
მარტო კრევეტები???
დრო უნდა და შერიგდებიან))))))