გლამურული წვეულება მსოფლიო ვარსკვლავების გარემოცვაში და ახლო მეგობრების გარეშე - რა ხდებოდა სელენა გომესის გრანდიოზულ იუბილეზე (ფოტოები)
სელენა გომესმა 31 წლის იუბილე გლამურულად აღნიშნა. გომესისთვის დაბადების დღის მისალოცად წვეულებაზე არაერთი ვარსკვლავი გამოჩნდა. მათ შორის იყო პარიზ ჰილტონი, კრისტინა აგილერა და ბენი ბლანკო.
სელენას ყვავილებით გაწყობილი Bottega Veneta-ს წითელი მინი კაბა ეცვა. მომღერალმა კაბას ბრილიანტის საყურეები და ქუსლიანი შავი ფეხსაცმელი შეუხამა. სელენას ტორტიც ყვავილების თემატიკით იყო გაფორმებული - ნამცხვარი უამრავი წითელი ყვავილით იყო მორთული.
დაბადების დღის წვეულებაზე გადაღებულ ფოტოებში, რომლებიც თავად იუბილარმა ატვირთა, სელენა ჰილტონთან, ქრისტინა აგილერასა და მოდელ კონორ ფრანკლინთან ერთად პოზირებს.
ყველასთვის შესამჩნევი იყო, რომ გომესის ახლო მეგობრები, ტეილორ სვიფტი და ნიკოლა პელცი, წვეულებას არ ესწრებოდნენ. სვიფტმა მეგობრის დაბადების დღე ტურზე ყოფნის გამო გააცდინა, პელცი კი მეუღლესთან, ბრუკლინ ბექჰემთან ერთად ისვენებს სენ-ტროპეში. თუმცა პელცმა საუკეთესო მეგობარს "ინსტაგრამზე" მისალოცი პოსტი მიუძღვნა: "დაბადების დღეს ვულოცავ ჩემს სულიერ დას, სელენას. იმაზე მეტად მიყვარხარ, ვიდრე გგონია. ძალიან ბედნიერი ვარ, რომ ჩემს გვერდით ხარ და მადლობელი ვარ, რომ ასე ალამაზებ სამყაროს",- დაწერა პელცმა.
ამავე დღეს, გომესმა თავის ფანებს გადაუხადა მადლობა: "ბევრი რამისთვის ვგძნობ თავს მადლიერად, თუმცა ყველაზე მეტად Rare beauty-ს ფონდის მიერ გაწეული სამსახურისთვის ვარ. თქვენი წყალობით შევძელით ცნობიერების ამაღლება და ახალგაზრდებისთვის ფსიქიკური ჯანმრთელობის სერვისებზე ხელმისაწვდომობის გაზრდა. ეს ჩემი ცხოვების ერთ-ერთი მამოძრავებელი ძალაა", - წერდა "ინსტაგრამზე" 31 წლის ვარსკვლავი.
Rare beauty სელენა გომესის მიერ 2019 წელს დაფუძნებული კოსმეტიკის ბრენდია. მისი მესამე სტუდიური ალბომით, Rare (2020)-ით შთაგონებული კომპანია მიზნად ისახავს "დაარღვიოს სრულყოფილების არარეალური სტანდარტები" - ხელს უწყობს ინკლუზიურობას და ფსიქიკური ჯანმრთელობის შესახებ ცნობიერების ამაღლებას.
წყარო: pagesix
მოამზადა: ანა სიბოშვილმა