25
მარტიდღის ზოგადი ასტროლოგიური პროგნოზი
დერმატო-კოსმეტოლოგი მონიკა პაკელიანი უკვე წლებია, რაც პაციენტების სილამაზეზე ზრუნავს. Ambebi.ge სპეციალისტს იმ შეზღუდვებზე ესაუბრა, რა დროსაც აკრძალულია ნებისმიერი ინექციური ჩარევა. ასევე მონიკა გვიყვება, როგორ უნდა შევინარჩუნოთ გრძელვადიანი ეფექტი ნებისმიერი ინექციური პროცედურის შემდეგ...
- მონიკა, რა ასაკიდან შეიძლება ფილერით სარგებლობა?
- ზოგადად, ნებისმიერი ინექციური პროცედურის ჩატარება რეკომენდირებულია 18+ ასაკიდან, მაგრამ არსებობს გამონაკლისი პროცედურები, მაგალითად, როგორიც არის მეზოთერაპია აკნეს და თმის ცვენის სამკურნალოდ, რომელსაც ვატარებთ 18 წლამდე ასაკში საჭიროებისამებრ.
- დღეს, ყველაზე პოპულარულია ფილერით ტუჩის ფორმის შეცვლა, რა რისკი ახლავს თან ამ პროცედურას, თუ არის შემთხვევები, როდესაც არ ურჩევთ პაციენტს?
- დიახ, რა თქმა უნდა, ყველანაირ სამედიცინო პროცედურას აქვს რისკ ფაქტორები. პირველ რიგში ვკრებთ პაციენტის ანამნეზს და იმის შესაბამისად ვუტარებთ პროცედურებს. უარს ვეუბნებით იმ პაციენტებს, რომლებსაც აქვთ რაიმე ქრონიკული დაავადებები, მაგალითად: შაქრიანი დიაბეტი, ასევე ფილერი უკუნაჩვენებია სიმსივნეების დროს, ჰორმონალური დისბალანსის ან ლაქტაციის პერიოდში. ასევე ფეხმძიმე ქალებს უარს ვეუბნებით ნებისმიერ ინექციურ ჩარევაზე.
- არ შეიძლება არ გკითხოთ E ვიტამინის გამოყენებაზე, რომლის საშუალებითაც თვითნებურად იდიდებდნენ ტუჩებს. რა რისკი ახლავს ამ პროცედურას?
- E ვიტამინის გამოყენება ძალიან სადავო საკითხია. როდესაც პაციენტს არ აქვს საშუალება, მიმართოს ფილერით ტუჩის აუგმენტაციას, ამ შემთხვევაში კეთდებოდა ადრეც და ახლაც გრძელდება მისი გამოყენება. E ვიტამინი არის ზეთოვანი სითხე რომლის გაკეთებაც არავითარ შემთხვევაში არ შეიძლება! რამდენიმე ხანში შეიძლება პაციენტს დაეწყოს ტუჩის შეშუპება და ალეგიული რეაქციები - სამომავლოდ იწვევს ფიბროზული ქსოვილის ჩამოყალიბებას ტუჩში და მთელ რიგ გართულებებს!
- მამაკაცები რამდენად ხშირად გაკითხავენ ინექციურ პროცედურებზე?
- რა თქმა უნდა, მამაკებიც ხშირად მიმართავენ მსგავს პროცედურებს. განსაკუთრებით ის მამაკაცები, რომლებიც არიან მეტროსექსუალები. უვლიან თავს საკმაოდ აქტიურად. მე პირადად ამისი მომხრე ვარ, როგორც ქალი, ასევე მამაკაცი, ვფიქრობ, უნდა იყოს ესთეტიურად ლამაზი და გამოიყურებოდეს კარგად. მყავს მამაკაცი პაციენტები და ძირითადად მიმართავენ ბოტულინოტოქსინის ინექციებს.
- ასევე ძალიან პოპულარული პროცედურაა ფილერით ცხვირის კორექცია. რამდენად გრძელვადიანია ეფექტი და მართალია, რომ ინექციის შემდეგ ერთი წელი პლასტიკური ოპერაციის გაკეთება არ შეიძლება?
- დიახ, ბოლო პერიოდში დაახლოებით 5-6 წელია, რაც ცხვირის არაოპერაციულ რინოპლასტიკას ვაკეთებთ კოსმეტოლოგები. რა თქმა უნდა, ამ დროს ვერ დგება სრული შედეგი, როგორც ქირურგიული ოპერაციის დროს, თუმცა კოსმეტიკურად ბევრად ლამაზად გამოიყურება. რაც შეეხება ეფექტს, ინდივიდუალურია და დაახლოებით 1 წელი ძლებს. ხოლო რაც შეეხება ცხვირის არაოპერაციულ რინოპლასტიკას, არასებობს ასეთი მოსაზრებაც, რომ დაახლოებით 5-6 გაკეთების შემდეგ ცხვირი აღარ უბრუნდება პირვანდელ ფორმას.
რაც შეეხება ოპერაციულ რინოპლასტიკას, დიახ ფილერით ცხვირის კორექციის შემდეგ, როგორც ვიცი, პლასტიკური ქირურგებისგან, აუცილებლად უნდა მოხდეს მისი ბოლომდე დაშლა, რომ ოპერაცია იყოს შესაძლებელი. თუ არ არის 1 წელი გასული პროცედურიდან, არსებობს ამისთვის ჰიარულონიდაზა (პრეპარატი), რომელიც სრულიად შლის ჰიარულონის მჟავას ანუ ფილერს. რის შემდეგაც ხდება ოპერაციული ჩარევა.
- მონიკა, ბოტოქსზეც გკითხავთ, გარდა იმისა, რომ მისი საშუალებით ხდება ღრმა ნაოჭების გასწორებაც კი, ბოლო დროს, ძალიან პოპულარულია ასევე როგორც სამკურნალო საშუალება. ბოტოქსის ინექციების შემდეგ პაციენტები ამარცხებენ შაკიკს, თქვენს პრაქტიკაში თუ ყოფილა მსგავსი შემთხვევა?
- სანამ დერმატო-კოსმეტოლოგები დავიწყებდით ბოტულინო ტოქსინით მიმიკური ნაოჭების გასწორებას, მანამდე ძალიან ფართოდ იყენებდნენ ნერვოლოგები, ასევე რეაბილიტოლოგებიც. მაგალითად ნევროლოგიური პრობლემა არის შაკიკი, ასევე ნერვ კუნთოვანი პათოლოგიების დროს ბავშვებში, ძალიან აქტიურად გამოიყენება ბოტულინოტოქსინი. რაც შეეხება შაკიკის მკურნალობას, ბოტულინო ტოქსინი გამოიყენება მის სამკურნალოდ და 21-ე საუკუნეში ითვლება, რომ შაკიკის მკურნალობის ერთადერთი საშუალებაა. თუმცაღა მე მიმაჩნია, ყველამ თავის საქმე უნდა აკეთოს და ეს საქმე არის ნევროლოგის, რასაც ძალიან კარგად უძღვებიან ამ პრობლემის სპეციალისტები.
- ბოტოქსს რა შეზღუდვები აქვს, როდის არის კატეგორიულად აკრძალული მისი გამოყენება პაციენტზე?
- მხოლოდ რამდენიმე შემთხვევაში, მაგალითად ტოქსინის გაკეთების შემდეგ არ შეიძლება ფიზიკური აქტივობა რადგან ოფლის გამოყოფის შემდეგ, შეიძლება ტოქსინიც გამოვიდეს ორგანიზმიდან და არ დადგეს ისეთი შედეგი, როგორიც საჭიროა! ასევე იკრძალება ალკოჰოლის მიღება, თავი უნდა შეიკავოს პაციენტმა ფრენისგან, რადგან წნევის ცვალებადობის დროს შეიძლება არ დადგეს სასურველი შედეგი. მოკლედ რომ ვთქვა, არის რაღაც შეზღუდვები რაზეც პაციენტს ვურჩევთ თავი შეიკავოს.
- დასასრულს ზოგადად ინექციურ ჩარევებზე გკითხავთ. ხშირია შემთხვევა, როდესაც პაციენტს ზომიერების გრძნობა ღალატობს და დამატებით ითხოვს სხვადასხვა პროცედურებს?
- დიახ, ინექციებზე ამბობენ, რომ არის ნარკოტიკივით და იწვევს შეჩვევას, მაგრამ ეს არის სრული სიცრუე. არცერთი პრეპარატი არ შეიცავს მსგავს ნივთიერებას, რომ დამოკიდებულება გამოიწვიოს. უბრალოდ, განმეორებითი ვიზიტებით ინარჩუნებენ პაციენტები მიღწეულ სასურველ შედეგს.
მაგარი სტანოკია
ნევროლოგები და არა ნერვოლოგები.