საბერძნეთში გარდაცვლილი მარიკუნა მიქატაძე სამშობლოში ჩამოასვენეს - "დე, გემშვიდობები..."

14 ივლისს საბერძნეთში გარდაცვლილი, მსახიობ გია ფერაძის ქალიშვილი მარიკუნა მიქატაძე სამშობლოში ჩამოასვენეს. მარიკუნას შვილი ირინა ქიქოძე სოციალურ ქსელში პოსტს აქვეყნებს და წერს, რომ გარდაცვლილ ქალს კვირას, ამაღლების ტაძრიდან გაასვენებენ.

"დე, გემშვიდობები, თუმცა ამას ვერასოდეს ვერ შევძლებ“, - წერს ირინა ქიქოძე.

"მარიკუნას პანაშვიდები: პარასკევი, შაბათი. მისამართი, შარტავას 18 ბ დაკრძალვა კვირას, ამაღლების (გაზდელიანის) ეკლესიიდან. 15:00 საათზე“, - წერს სოციალურ ქსელში ჟურნალისტი ნანუკა ჟორჟოლიანი, რომელიც მარიკუნას მეგობარი იყო.

მარიკუნა გარდაცვლილი იპოვეს საბერძნეთში. გამოძიების თითქმის დადასტურებული ვერსიით, ის მოტოციკლზე დაჯდომას ცდილობდა, როცა მოაჯირიდან ჩავარდა და ხერხემლის მძიმე დაზიანებით გარდაიცვალა. როგორც ambebi.ge-სთან საუბარში ნანუკა ჟორჟოლიანმა აღნიშნა, ეს საბოლოო ვერსიაა და საბერძნეთის მხარემ, საქართველოს ელჩს პირადად დაუდასტურა.

მსახიობ გია ფერაძეს ოთხი შვილი ჰყავდა. მარიკუნა მიქატაძე მას მესამე მეუღლისგან, ირინა მიქატაძისგან შეეძინა. მარიკუნა მცირეწლოვანი იყო, როდესაც დედის გარეშე დარჩა, რის მერეც ბაბუამ და ბებიამ - ჯუნა მიქატაძემ და მისმა მეუღლემ მარიკა საყვარელიძემ შვილად აიყვანეს და გაზარდეს.

წაიკითხეთ ასევე:

• ცნობილი ხდება მარიკუნა მიქატაძის გარდაცვალების ვერსია - "ის მოტოციკლზე დაჯდომას ცდილობდა, როცა მოაჯირიდან ჩავარდა..."
• "როგორც ვიცი, ოთხშაბათს ჩამოასვენებენ. გულგახეთქილი ვარ, ჩემი ძმისშვილი იყო..." - რას ამბობს ილია ფერაძე მარიკუნა მიქატაძის გარდაცვალებაზე?
• გია ფერაძის ოჯახის ტრაგედია და რუსეთში დაბადებული მეოთხე შვილი, რომელიც ცნობილი მამის ასლია