საცურაო აუზი - შავი თუ თეთრი?
თუ წლების წინ საცურაო აუზები უმეტესად ლურჯ ან ცისფერ ტონალობაში იყო გადაწყვეტილი, დღეს ეს ტენდენცია მნიშვნელოვნად შეიცვალა და უპირატესობა ბუნებრივთან მიახლოებულ ფერებს ენიჭება.
ცხადია, კლასიკური ფერი და დიზაინი კვლავ მოთხოვნადია, თუმცა მსოფლიო ბაზარზე არსებული ტრენდები, მოსაპირკეთებელი მასალების მრავალფეროვნება და უახლესი ტექნოლოგიები მეტი ექსპერიმენტის ჩატარების საშუალება იძლევა.
ბოლო პერიოდში საქართველოში დიდი პოპულარობით სარგებლობს თეთრი და შავი ფერის მასალით მოპირკეთებული აუზები. აღნიშნულ ფერებზე მომხმარებელთა მხრიდან მოთხოვნა მზარდია. მიზეზებზე სასაუბროდ, თუ რამ განაპირობა აღნიშნული ფერების აქტუალობა, დავუკავშირდით შპს „აკვალაინს“, რომელიც 17 წელზე მეტია წარმოადგენს ლიდერ კომპანიას საცურაო აუზების და სპა სივრცის მოწყობის სფეროში.
„აკვალაინის“ პროექტების დეპარტამენტის ხელმძღვანელის განმარტებით, აღნიშნული ტრენდი რამდენიმე წლის წინ დამკვიდრდა საქართველოში და ბოლო პერიოდში მეტ პოპულარობას იძენს. თეთრი და შავი მასალით მოპირკეთებულ აუზებზე მოთხოვნა თანაბრად მაღალია, როგორც კერძო, ისე ბიზნეს სექტორში. „აკვალაინი“ მომხმარებლებს სთავაზობს თეთრი და შავი ფერის მოზაიკას, ფილას და PVC მემბრანას. მოსაპირკეთებელი მასალების მრავალფეროვნება განსხვავებული დიზაინის შექმნის საშუალებას იძლევა, პროექტს კი ექსკლუზიურობასა და ინდივიდუალიზმს სძენს.
თეთრი ფერის აუზი და მისი უპირატესობები
თეთრი ფერი სისუფთავესა და სიახლესთან ასოცირდება. საერთო ინტერიერში კი მისი სხვა ფერებთან შეხამება მარტივია.
როგორც სპეციალისტები განმარტავენ, თეთრი ფერის მასალით მოპირკეთებული აუზი განსხვავებულად ირეკლავს მზის სინათლეს, რის გამოც აუზის წყალი განსაკუთრებულად „ბრწყინავს“ და მასში ჩასვლა კიდევ უფრო სასურველი ხდება.
შავი ფერის აუზი და მისი უპირატესობები
შავი ფერის მასალით მოპირკეთებული აუზი მინიმალისტურია და ბუნებრივი წყალსაცავის ასოციაციას იწვევს. წყლის ზედაპირი სარკისებრ ეფექტს იძლევა, რაც, თავის მხრივ, მეტ ელეგანტურობას ანიჭებს აუზს. სივრცე, სადაც შავი მასალით მოპირკეთებული აუზია, განსაკუთრებულად დახვეწილი და შთამბეჭდავია.
რა ფერის აუზს მიანიჭებთ უპირატესობას, ეს სრულად თქვენს გემოვნებსა და მოთხოვნებზეა დამოკიდებული, თუმცა ნებისმიერ შემთხვევაში რაც აუცილებლად უნდა გაითვალისწინოთ არის ის, რომ პროექტირება და მშენებლობა პროფესიონალებს უნდა მიანდოთ. „აკვალაინის“ მაღალკვალიფიციური პროფესიონალების გუნდი შემოგთავაზებთ თქვენს გემოვნებაზე მორგებულ დიზაინს, სწორ ტექნიკურ გადაწყვეტებს, მაღალი ხარისხის, უსაფრთხო მოსაპირკეთებელ მასალებს და დანადგარებს, რაც თქვენთვის საუკეთესო შედეგის მიღების გარანტია იქნება.
R