"ვიფრინე, მოვიტეხე მაჯაში ხელი... მოტეხილობა აღმოჩნდა ერთობ ურთულესი" - რა შეემთხვა თამარ მაყაშვილს და რა წერს მსახიობი
რამდენიმე დღის წინ, მსახიობმა თამარ მაყაშვილმა ფოტო გამოქვეყნა, სადაც ჩანდა, რომ ხელი ჰქონდა შეხვეული. საზოგადოების ინტერესიდან გამომდინარე კი, მან სოციალურ ქსელში ვრცელი პოსტი გამოაქვეყნა, სადაც წერს, თუ რა შეემთხვა:
"ჩემო მეგობრებო! რაც ფოტოები დავდე, ყველას ინტერესი გაუჩნდა თუ რა დამემართა.
ე.ი ბათუმსა ვიყავ, ვხეხავდი აბაზანის ჭერს "ტაბურეტზე" შემხტარი, ჰოოდა ვიფრინე, მოვიტეხე მაჯაში ხელი, ერთობ ცუდად. გამაქანეს ბათუმის" რეფერალურ საავადმყოფოში იქ კი გენიალური ახალგაზრდა ტრავმატოლოგი, ექიმი ხვიჩა ბოლქვაძე შემხვდა, მოტეხილობა აღმოჩნდა ერთობ ურთულესი!
მან კლასიკურად ჩამისვა მაჯა,თაბაშირიც დამადო და გამიმისტუმრა!
შემდგომ ვითარება ისევ დაიძაბა და ახლა ბატონ გია ხაბაზთან ვაგრძელებ მკურნალობას, ეგებ და თავი დავაღწიოთ ურთულეს ოპერაციას!
აი ასეა საქმე! გვერდით კი ჩემი თამუნა ზაზუკა და ია მყავდა, რომლებმაც მომიარეს იმ მძიმე წუთებში! ახლა კი ქუთაისში ჩემი დიდი არმია მიდგას ჩემი მარიკას მეთაურობით! მადლობა მათ", - წერს თამარ მაყაშვილი.