ბრიტნი სპირსის თქმით, მას ცნობილი კალათბურთელის დაცვამ სახეში ხელი გაარტყა - რა მოხდა ლას ვეგასში

პოპ ვარსკვლავი ბრიტნი სპირსი ამბობს, რომ ფრანგი კალათბურთელის, ვიქტორ ვემბანიამას დაცვის წევრმა სახეში დაარტყა. ინციდენტი ლას ვეგასის ერთ-ერთ რესტორანთან მოხდა. ადგილზე გამოიძახეს პოლიცია, თუმცა არავინ დაუკავებიათ.

ბრიტნიმ მომხდარის შესახებ სოციალურ ქსელშიც გამოაქვეყნა ინფორმაცია და დაწერა, რომ ინციდენტი მისთვის "ტრავმული გამოცდილება“ იყო, რომლისთვისაც მოუმზადებელი აღმოჩნდა.

კალათბურთელის თქმით კი, არ დაუნახავს რა მოხდა. 19 წლის ვემბანიამა NBA-ის დრაფტზე ახლახან აირჩიეს, რის შემდეგაც სპორტსმენი რესტორან Aria-ში მიდიოდა ამ ამბის აღსანიშნავად, რა დროსაც სქვე მყოფმა ბრიტნიმ შენიშნა.

"გადავწყვიტე მივსულიყავი და წარმატება მიმელოცა, ხმაური იყო, ყურადღების მისაქცევად მხარზე ხელი დავადე“, - ჰყვება მომღერალი. მისივე თქმით, ამ დროს კალათბურთელის დაცვამ მას სახელი დაარტყა, ბრიტნის სათვალე ჩამოვარდა, ხოლო თვითონ, კინაღამ ძირს დაეცა.

ვემბანიამამ ინციდენტის შესახებ ადგლობრივ მედიასთან ისაუბრა. მისი თქმით, "ვიღაც მხარზე ხელს უჭერდა, რის შემდეგაც, დაცვამ შესაბამისი ზომები მიიღო".

"ეს ადამიანი მეძახდა, - სერ, სერ და უკნიდან მხარზე ხელს მიჭერდა. მივდიოდი და ვერ ვხედავდი ჩემს უკან რა ხდებოდა უბრალოდ ვიცი, რომ დაცვამ აიძულა გაჩერებულიყო, თუმცა როგორ აიძულა, არ დამინახავს, მე არ გავჩერებულვარ, რომ შემეხედა“, - ამბობს კალათბურთელი.