პროექტის "ფინჯანი ჩაი ავტორთან" ფარგლებში მკითხველი ამჯერად "ბნელია გზის" ავტორს - გიორგი ხარაიშვილს შეხვდება
როდესაც მკითხველი ხვდება მწერალს, წიგნის ფურცლები იქცევა პორტალად, რომელიც აღებს კარს იმ ჯადოსნური ისტორიისკენ, რომელიც თქვენს თვალწინ გაცოცხლდება. მწერალთან შეხვედრა არის შესაძლებლობა იმოგზაურო ავტორის სამყაროში, გაიცნო მისი შთაგონების წყარო და შემოქმედების საიდუმლოებები. ეს მოგზაურობა განსაკუთრებით საინტერესოა, როცა წიგნი ფენტეზის ჟანრშია და ავტორის წარმოსახვა - უსაზღვროა.
„ფინჯანი ჩაი ავტორთან“ გამომცემლობა „პალიტრა L“-ის ახალი პროექტია, რომელიც მკითხველისა და თანამედროვე ავტორების შეხვედრებს მოიცავს. ამჯერად, ფინჯან ჩაისთან მკითხველი გიორგი ხარაიშვილს შეხვდება, რომელიც საკუთარ შემოქმედებაზე ისაუბრებს.
„ბნელია გზა“ ქართველი თანამედროვე ავტორის გიორგი ხარაიშვილის რომანია, რომელიც ლიტერატურული პრემია „საბას“ 2022 წლის ფინალისტთა სიაში მოხვდა. დარქ ფენტეზის ჟანრის ნაწარმოები, რომელიც შუა საუკუნეების სტილის დაუნდობელ სამყაროში ვითარდება, გამოცდას უწყობს პერსონაჟებსაც და მკითხველსაც. საინტერესო სიუჟეტის გარდა, წიგნი მოიცავს დაფარულ ხაზებს და გამოცანებს, საიდანც დამატებითი შინაარსის ამოკითხვა მკითხველებს თავად შეუძლიათ.
გიორგი ხარაიშვილი თარგმნის უცხოურ ლიტერატურას ქართულ ენაზე. მისმა წიგნმა ''ბნელი გზა'' მალევე მოიპოვა აღიარება მკითხველში. გიორგი ასევე ინტელექტუალური კლუბის '' რა? სად? როდის?'' მონაწილე და გუნდის კაპიტანია.
შეხვედრა ავტორთან ტრადიციულად, კაფე „პიატოში“ 6 ივლისს 19:00 საათზე გაიმართება, რომელიც კანდელაკის 7 ნომერში, „ბიბლუსი გალერეაში“ მდებარეობს.
შეხვედრაზე საშუალება გექნებათ, გაესაუბროთ ავტორს, დაუსვათ კითხვები და მიიღოთ ავტოგრაფი.
შეხვედრაზე დასწრებას შეძლებს პირველი 20 ადამიანი, რომელიც მოცემულ სარეგისტრაციო ფორმას შეავსებს: https://forms.gle/kfwSzsitSbbmWvej7
იხილეთ ღონისძიების ბმული
R