მნიშვნელოვანი ინფორმაცია
26
ივნისიდღის ზოგადი ასტროლოგიური პროგნოზი
ხუთშაბათი, მთვარის მეორე დღე დაიწყება 04:52-ზე, მთვარე კირჩხიბშია – რეკომენდებულია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. კარგია მოგზაურობა, მივლინებები. პირი და კბილები აქტიურია. კარგია ვარჯიშის დაწყება. რაც უფრო მარტივი და მსუბუქი იქნება დღეს საკვები, მით უკეთესია. არ არის მიზანშეწონილი ალკოჰოლისა და ხორცის მოხმარება. ერთ-ერთი საუკეთესო დღეა ქორწინებისთვის. დღეს შექმნილი ოჯახი ძლიერი და მეგობრული იქნება. კარგია პაემნის მოწყობა და საყვარელი ადამიანისთვის საჩუქრის მირთმევა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ბიჭები გეგუთელები არიან, უფროსი 34 წლის იყო, დანარჩენები 20-24 წლისანი თუ იქნებოდნენ, გოგონებს არ ვიცნობთ" - რას ჰყვებიან უმძიმეს ავარიაზე დაღუპულთა ახლობლები?
17:42 / 03-07-2023
- ფოტო: სოციალური ქსელიდან
დღეს გამთენიისას უმძიმესი ტრაგედია დატრიალდა ქუთაისის აეროპორტთან, სადაც ავტოსაგზაო შემთხვევას 5 ადამიანი ემსხვერპლა. გავრცელებული ინფორმაციით, მანქანაში 6 ადამიანი იმყოფებოდა. როგორც თვითმხილველები აცხადებენ, ავტომანქანა ბეტონის კონსტრუქციას შეეჯახა, გზიდან გადავარდა და აფეთქდა. არსებული ინფორმაციით, 4 ადამიანი ადგილზე დაიღუპა, მეხუთე - კლინიკაში, გადარჩენილი და მძიმედ დაშავებული გოგონა ამ ეტაპზე თბილისის ერთ-ერთ კლინიკაშია გადმოყვანილი.
როგორც გაირკვა, ოთხივე გარდაცვლილი ბიჭი წყალტუბოს მუნიციპალიტეტის სოფელ გეგუთის მკვიდრი იყო.
ნიკა მჟავია, სოფელ გეგუთის რწმუნებული:
"არავინ იცის, რა და როგორ მოხდა, მთელი სოფელი ამ ახალგაზრდა ბიჭებს გლოვობს. ბიჭები გეგუთელები არიან, გოგონები - არა. როგორც გავრცელდა, ერთი გოგონა გარდაცვლილა, მეორე კი თბილისში გადაუყვანიათ, ისიც მძიმედ არის. გოგონების ვინაობა არ ვიცით, ჩვენებურები არ არიან. ოთხივენი - ლაშა წიქორაძე, მამუკა ბრეგვაძე, ჯუბა კუხიანიძე, გიორგი მამისეიშვილი კარგი ახალგაზრდები იყვნენ. მათგან ჯუბა ყველაზე უფროსი (34 წლის) იყო, არცერთი მათგანი დაოჯახებული არ არის, 20-24 წლისანი არიან. ოთხივენი ადგილზე დაიღუპა, საშინელება ტრიალებს გეგუთში“.
დანიელ შალიკაშვილი ლაშას და ჯუბას მეგობარი:
"სიტყვებს თავს ვერ ვუყრი, არ შემიძლია, მთელი დღეა სამსახურში ცრემლებს ვიშრობ. სამწუხაროდ, ჯერჯერობით, ვერ ვახერხებ გეგუთში ჩასვლას, იქ მინდა ვიყო, მაგრამ სამსახურის გამო არ გამოდის. ლაშა წლების წინ გავიცანი, ტანვარჯიშზე ერთად დავდიოდით ადრე. ასეთი ხალისიანი, მუდამ ღიმილიანი და ერთგული მეგობარი ცოტა მინახავს. მას პატარა ძმა ჰყავს, მახსოვს, როგორი ბედნიერი იყო ძმას რომ ელოდებოდა, მზე და მთვარე ამოსდიოდა მასზე. ჯუბა ჩემი მეზობელი და ფაქტობრივად, ჩემი ოჯახის წევრი იყო, მის ხელში გავიზარდე.. ორივე ძალიან კარგი ადამიანი იყო, მძიმეა მათზე წარსულში საუბარი. ჯუბა იყო ყველას გაჭირვების ტალკვესი, ოღონდ ვინმეს რამე დასჭირებოდა, მზად იყო დასახმარებლად, თან ჰყვებოდა ადამიანებს, სიცოცხლე უყვარდა ძალიან. ლაშაც და ჯუბაც (დანარჩენებს შორიდან ვიცნობ) ყველას ძალიან უყვარდა..."
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რატომ გაგიჟდა მსოფლიო labubu-ს თოჯინებზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გადამეტებული სიჩქარეა ყოველთვის ესეთი შედეგის მომტანი, ნელა ვინც დადის ყველა ასწრებს შესაბამის რეაგირებას და ცუდი შედეგის თავიდან არიდებას.
ოი.რა ხდება ეს...ვუსამძიმრებ ოჯახს და საქართველოს ....სადაა ამდენი დასაკარგი შვილები....