მნიშვნელოვანი ინფორმაცია
10
ივლისიდღის ზოგადი ასტროლოგიური პროგნოზი
10 ივლისი, ხუთშაბათი, მთვარის მეთექვსმეტე დღე დაიწყება 22:46-ზე – დაასრულეთ დაუსრულებელი დავალებები. მიღწეული პოზიციების გაძლიერება. უფროსებმა არ მოსთხოვოთ ზედმეტ მიღწევები ქვეშევრდომებს. გადადეთ სერიოზული საქმეები. მოერიდეთ აურზაურსა და სტრესს. ყურადღება მიაქციეთ თქვენი სამუშაო ადგილის კომფორტულ მოწყობას. დაკავდით შემოქმედებით, მუსიკით და პოეზიით. არ არის რეკომენდებული ფულადი ოპერაციები. დოკუმენტების, კონტრაქტებისა და ხელშეკრულებების გაფორმება. მივლინება. მოლაპარაკებების წარმოება. მუშაობის დაწყება ახალ ადგილას. უარყოფითი ემოციების გამოვლენა. არ არის რეკომენდებული ცხოველური საკვების მიღება. დღის მენიუ უნდა შედგებოდეს ხილისა და ბოსტნეულისგან. დღეს ურთიერთობების დალაგებას და კამათს აზრი არა აქვს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მასშტაბური არეულობა გრძელდება: თავდასხმა ერთ-ერთი მერის სახლზე და მოკლული ბიჭის ბებიის მოწოდება სიმშვიდისკენ - რა ხდებოდა გასულ ღამეს საფრანგეთში?
09:56 / 03-07-2023
საფრანგეთში გრძელდება არეულობა, რომელიც პოლიციელის მიერ 17 წლის მოზარდის, ნაჰელის მოკვლას მოჰყვა. პროტესტმა ძალადობრივი ფორმა მიიღო, დემონსტრატებმა დაარბიეს სხვადასხვა საზოგადოებრივი შენობები. იყო შეტაკებები სამართალდამცველებთან, თუმცა შაბათთან შედარებით, კვირას მთელი საფრანგეთის მასშტაბით, ვითარება ნაკლებად დაძაბული იყო. ელისეს სასახლის განცხადებაში ნათქვამია, რომ 3 ივლისს, საფრანგეთის პრეზიდენტი ემანუელ მაკრონი ქვეყნის პრემიერს, შინაგან საქმეთა და იუსტიციის მინისტრებს ადგილობრივი დროით 19:00 საათზე შეხვდება, რათა ქვეყანაში მიმდინარე საპროტესტო აქციების შესახებ დაილაპარაკონ.
კვირას, წინა ღამით მომხდარი არეულობის შემდეგ, უშიშროების ძალებს, საფრანგეთის მასშტაბით, 45,000-ზე მეტი პოლიციელი და ჟანდარმი ჰყავთ განლაგებული.
საინტერესოა, რომ ნაჰელ მერზუკის ბებიამ კვირას აქციის მონაწილეებს მიმართა თხოვნით, რომ "არ დააზიანონ სკოლები, არ დაამტვრიონ ავტობუსები, რადგან იმ ავტობუსებში შესაძლოა დედები და ბავშვებიც იყვნენ.”
სამშაბათიდან მოყოლებული, საპროტესტო აქციების დაწყების შემდეგ, დაკავებულთა შორის ბევრი არასრულწლოვანია. ამის თაობაზე განაცხადა შინაგან საქმეთა მინისტრმა ჟერალდ დარმანინმა და აღნიშნა, რომ 2000-ზე მეტი დაკავებულის საშუალო ასაკი 17 წელია.
- "მკვლელობის მცდელობა"
კვირას, პარიზის ერთ-ერთი გარეუბნის მერმა განაცხადა, რომ მის სახლს თავს დაესხნენ და ამას მისი ოჯახის "მკვლელობის მცდელობა" უწოდა.
”დილის 1:30 საათზე, როცა მერიაში ვიყავი, უცნობი პირები მანქანით შეეჯახნენ ჩემს საცხოვრებელ სახლს, შემდეგ კი ცეცხლი წაუკიდეს. ამ დროს შენობაში ჩემს მეუღლეს და ორ მცირეწლოვან შვილს ეძინათ”, - განაცხადა პარიზის სამხრეთ გარეუბანში მდებარე კომუნის L'Haÿ-les-Roses-ის მერმა, ვინსენტ ჟანბრუნმა.
"ბავშვების დაცვისას და თავდამსხმელებისგან თავის დაღწევის მცდელობისას, დაშავდა ჩემი მეუღლე და შვილი“.
ჟანბრუნმა დაამატა, რომ ამ საშინელი ტრაგედიის აღსაწერად სიტყვები არ ჰყოფნის და პოლიციას და სამაშველო სამსახურებს დახმარებისთვის მადლობა გადაუხადა.
კრეტეილის პროკურატურამ ინციდენტი "მკვლელობის მცდელობად" შეაფასა. პროკურორ სტეფან ჰარდუინის თქმით, ცეცხლმოკიდებული მანქანა ჟანბრუნის საკუთრებაში ადგილობრივი დროით დაახლოებით 1:30 საათზე შეიჭრა.
მერის მეუღლე და ორი შვილი - 5 და 7 წლის, უკანა ბაღში გაიქცნენ. პროკურორის თქმით, გაქცევისას მერის მეუღლემ წვივი დაიზიანა.
"ყველაფერი გაკეთდება იმისათვის, რომ დამნაშავეები დაისაჯონ“, - განაცხადა პროკურორმა.
- ასობით დაკავებული
მიუხედავად იმისა, რომ საფრანგეთის მთავრობამ უსაფრთხოების ძალები და სპეცრაზმი მთელი ქვეყნის მასშტაბით განათავსა, არეულობა კვლავ გაგრძელდა.
შინაგან საქმეთა სამინისტროს მონაცემებით, საფრანგეთში 3 ივლისის ღამით 700-ზე მეტი ადამიანი დააკავეს. განცხადებაში ნათქვამია, რომ დაშავდა 45 პოლიციელი და ჟანდარმი, დაზიანდა 74 შენობა, მათ შორის 26 პოლიციისა და ჟანდარმის განყოფილება, დაიწვა 577 მანქანა.
ამავდროულად, ჩინეთმა საფრანგეთში მცხოვრებ თავის მოქალაქეებს სიმშვიდის შენარჩუნებისკენ მოუწოდა მას შემდეგ, რაც ქალაქ მარსელში ჩინური ტურისტული ჯგუფის ავტობუსის მინები ჩაამტვრიეს, შედეგად რამდენიმე ტურისტი მსუბუქად დაშავდა.
მარსელში ჩინეთის გენერალურმა საკონსულომ ოფიციალური საჩივარი შეიტანა და საფრანგეთის ხელისუფლებას მოუწოდა, უზრუნველყოს ჩინეთის მოქალაქეებისა და მათი ქონების უსაფრთხოება არეულობის ფონზე.
სამინისტროში არ აკონკრეტებენ, როდის მოხდა ინციდენტი და რამდენი ადამიანი დაშავდა. ნათქვამია, რომ შემთხვევის შემდეგ ტურისტული ჯგუფის ყველა წევრმა საფრანგეთი დატოვა.
შეგახსენებთ, საფრანგეთში საპროტესტო აქციები გასულ კვირას მას შემდეგ დაიწყო, რაც პოლიციელმა 17 წლის ახალგაზრდა, ნაჰელ მერზუკი საგზაო წესების დარღვევის გამო გააჩერა და ცეცხლსასროლი იარაღიდან ესროლა, რის შედეგადაც მოზარდი გარდაიცვალა. ლოზუნგით - "სამართალი ნაჰელისთვის“ დაწყებული საპროტესტო მსვლელობები არეულობასა და ძალადობაში გადაიზარდა. დემონსტრანტების ნაწილი ანადგურებს მაღაზიებსა და სხვა შენობებს, ავტომობილებს, საზოგადოებრივ ტრანსპორტს.
ახალგაზრდის სიკვდილმა გააჩინა კითხვები იმის შესახებ, იყო თუ არა მისი მკვლელობა რასობრივად მოტივირებული.
პოლიციის ოფიცერს ბრალი წაუყენეს ნებაყოფლობით მკვლელობაში და წინასწარი პატიმრობა შეუფარდეს.
მკითხველის კომენტარები /
25 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
Დღეს ველაპარაკებოდი ერთ მაროკოელს და მითხრა ფრანგები მაგარი რასისტები არიანო, ჩვენ მუსლიმებს სრული უფლება უნდა გვქონდესო,
Ეგ იცის ზედმეტმა თავისუფლებამ და დემოკრატიამ, იმედია საქართველოში იგივე არ მოხდება...
ჯერ სად ხართ უკრაინის ომი მოგონება იქნება რაც ევროპას და ამერიკას ელის შიდაარეულობებით, ნელ-ნელა ძალას იკრებს ისე რომ ვერაფერი ვერ შეაჩერებს პროცესებს.