ულამაზესი ცერემონია კახეთში და მოძღვარი უკრაინის ეკლესიიდან - ფოტოები თამარ ჩერგოლეიშვილის ქალიშვილის ქორწილიდან
თამარ ჩერგოლეიშვილის უფროსმა ქალიშვილმა, კატო კოპალეიშვილმა ჯვარი დაიწერა. ცერემონია კახეთში, თელავის რაიონში Silver lakes farm-ში გაიმართა. ცერემონია უკრაინის მართლმადიდებელი ეკლესიის მღვდელს, მამა ლეონ გელოვანს მიჰყავდა. კატო საკურთხეველთან მამამ, კოტე კოპალეიშვილმა მიიყვანა. მშობლების ჯვრისწერის დროს მოინათლა კატოსა და ლევანის შვილიც, ალექსანდრა-მარიამი.
საღამოს კატოს დეიდები, დეიდაშვილები, მამინაცვალი გიგა ბოკერია და სხვა სტუმრები ესწრებოდნენ.
თამარ ჩერგოლეიშვილს უფროსი ქალიშვილი კატო კოპალეიშვილი პირველი ქორწინებიდან ჰყავს. გოგონამ განათლება საფრანგეთში მიიღო, მუშაობდა რამდენიმე საერთაშორისო ორგანიზაციაში და მათ შორის "თავისუფლების ინსტიტუტში...“
კატოს რჩეული ლევან ბასილაშვილია. წყვილმა ურთიერთობის შესახებ 2020 წელს განაცხადა. 2022 წლის ზაფხულში კი შვილი შეეძინათ.
„კატოზე ორსულად დაუგეგმავად, მოულოდნელად და შოკისმომგვრელად დავრჩი. თავს ვიცავდი და ამიტომ - შოკისმომგვრელად. LSE-ში (ლონდონის ეკონომიკური სკოლა) მივდიოდი (გავლილი მქონდა საფეხურები) და ვეღარ წავედი, იმიტომ, რომ ლოგიკურად - კატოს გაჩენა გადავწყვიტე. ძალიან მეცინება, რომ კატომ აიღო და LSE დაამთავრა, ოღონდ ეგეც ორსულადაა“ - წერდა მაშინ თამარ ჩერგოლეიშვილი.