საქართველოს ძიუდოისტთა ნაკრები პოლონეთის ქალაქ კრაკოვში გამართული ევროპული თამაშების გამარჯვებული გახდა. ფინალში ქართველებმა გერმანელები 4:1 დაამარცხეს.
ფინალურ დაპირისპირებაში იმარჯვეს: გურამ თუშიშვილმა, ეთერ ლიპარტელიანმა, ლაშა შავდათუაშვილმა, ლაშა ბექაურმა.
შეგახსენებთ, საქართველოს ნაკრებმა მერვედფინალში ხორვატია 4:1 დაამარცხა, მეოთხედფინალში თურქეთის ნაკრებს ამავე ანგარიშით სძლია, ნახევარფინალში კი იტალია დაძაბულ ბრძოლაში 4:3 დაამარცხა.
