მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სტამბოლის აეროპორტში ინალ არძინბას დაკავება სცადეს - რისთვის ჩავიდა აფხაზეთის ე.წ. საგარეო საქმეთა მინისტრი თურქეთში?
09:47 / 01-07-2023
თურქეთში ოკუპირებული აფხაზეთის ე.წ. საგარეო საქმეთა მინისტრის დაკავება სცადეს. ამის შესახებ აფხაზური მედია წერს. მათივე ცნობით, უკრაინის მოთხოვნის შესაბამისად, ინალ არძინბა, სტამბოლის აეროპორტში თურქეთის სპეცსამსახურების თანამშრომლებმა დააკავეს.
"ჯერჯერობით, სხვა დეტალები უცნობია, თუმცა ვრცელდება ინფორმაცია, რომ ყველაფერი გაირკვევა და ახსნა-განმარტებასაც მივიღებთ... აღნიშნულ ინფორმაციაზე არაფერს წერს აფხაზეთის საგარეო საქმეთა სამინისტრო. თუმცა, იმაზე გაავრცელეს ინფორმაცია, რომ სტამბოლის აეროპორტში, მას თურქეთში აფხაზური დიასპორის წარმომადგენელი, იბრაჰიმ ავიძბა დახვდა" - წერს ტელეგრამ არხი Легитимный.
მისივე ცნობით, ინალ არძინბა პარტია სამშობლოს ლიდერს, დოგუ პერინჩეკს, თურქეთის პარლამენტის დეპუტატს თალიხ ხვატიშს (ოზჯანს) და თურქეთში რუსეთის ელჩს ალექსეი ერხოვის შეხვდა.
"აფხაზეთის ე.წ. საგარეო უწყების ინფორმაციით, არძინბამ თურქეთში მცხოვრებ თანამემამულეებთან თანამშრომლობის გაღრმავების მნიშვნელობაზე და რუსი კოლეგების ჩართულობით აფხაზეთის საერთაშორისო კონტაქტების გაფართოებისა და საინფორმაციო პოლიტიკის გააქტიურების აუცილებლობაზე ისაუბრა" - წერს გამოცემა
ადგილობრივების თქმით, პარტია, რომელსაც ე.წ. საგარეო საქმეთა მინისტრი შეხვდა, მკვეთრად გამოხატული ანტი-ამერიკული პოზიციის მქონე პარტიაა. მან და მისმა ლიდერმა, პერინჩეკმა თურქეთის მიერ აფხაზეთის ე.წ. სუვერენიტეტის აღიარებას დაუჭირეს მხარი.
მისივე თქმით, თურქეთის მოქალაქეების 90% მხარს უჭერს რუსეთის ფედერაციის საგარეო პოლიტიკას“. მასთან საუბარში, არძინბამ აღნიშნა, რომ რუსეთის "უკრაინაში სპეციალური სამხედრო ოპერაცია, ახალი, უფრო სამართლიანი საერთაშორისო ურთიერთობების სისტემის ჩამოყალიბებისკენ გადადგმული ნაბიჯია“.
უკრაინამ ინალ არძინბაზე საერთაშორისო ძებნა 2015 წელს გამოაცხადა, მაშინ ის სურკოვთან ერთად, უკრაინის მტრების სიაში მოხვდა. მას სამხრეთ უკრაინაში ვითარების დესტაბილიზაციაში დასდეს ბრალი...
არძინბას თურქეთში ვიზიტს ადგილობრივები გამოეხმაურნენ. ნაწილის თქმით, აღმაშფოთებელია, როდესაც სხვა ქვეყნის აეროპორტში შენი ქვეყნის მაღალჩინოსანს აკავებენ.
"ეს უფრო რუსეთის საელჩოს პასუხისმგებლობა მგონია, ვიდრე თურქეთის, რადგან ამ ქვეყანას აფხაზეთი არ უღიარებია, იქ მასპინძელი რუსეთის ელჩი იყო და ღირსეული დახვედრაც მას ევალებოდა, მაგრამ როგორც წესი, ისინი მეგობრობას ჩვენს სახლში გვეფიცებიან, სხვაგან - არა, დისკომფორტს არ იქმნიან" - მიაჩნია თენგიზ აგრბას.
"ნეტავ დაეტოვებინათ პრო-რუსებს არძინბა თავისთან, იქ უფრო გამოადგებათ, ვიდრე აქ ჩვენ... იმათთან უფრო გამოსდის კომუნიკაცია, ვიდრე ჩვენთან. რამდენიმე წლის წინ, თურქულ სავაჭრო ორგანიზაციებს ებრძოდა, იქიდან შემოსულ ინვესტორებს ომი გამოუცხადა და ახლა ეტყობა, კუთხეში მიიმწყვდიეს. რუსეთისთვის დაწესებული სანქციების ფონზე, აფხაზეთში ყველაფერი გაძვირდა, უმძიმესი მდგომარეობაა და არძინბამაც - თურქეთთან სავაჭრო ურთიერთობის გასააქტიურებლად, დიპლომატია ჩართო, იქნებ რამეში შეგვეშველოთო და კინაღამ დააკავეს. ეს აბსურდის თეატრი, უბრალოდ, ამაზრზენ სახეს იღებს, მაგრამ ოპოზიციას სძინავს ღრმა ძილით. აქციები ჩავარდა, ისევე, როგორც ბჟანიას წინააღმდეგ მიმართული რეფერენდუმი", - წერს ლარისა ჩამაგუა.
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
პირველებმა ბექა ონიანზე სასტიკი ანგარიშსწორების პირველი კადრები მოიპოვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჩვენი (კაი ბიჭები) კი ამასობაში ოპოზიციას არბევენ და აგინებენ / სანარცხვინოების დაკვეთა/
და ჩვენმა "სახელმწიფომ" რაო?!??