კევინ სპეისს ოთხ მამაკაცზე სექსუალურ ძალადობაში ედება ბრალი
"სექსუალური მოძალადე“ და "კაცი, რომელიც სექსუალურად ძალადობს სხვა მამაკაცებზე“ - ასე დაახასიათა ბრიტანელმა პროკურორმა ოსკაროსანი მსახიობი კევინ სპეისი სასამართლო პროცესის დაწყებისას. მსახიობს ოთხი მამაკაცის მიმართ სექსუალურ ძალადობაში ედება ბრალი.
ბრალდებები ეხება ლონდონში, 2000-2010 წლებში მომხდარ სავარაუდო ინციდენტებს, როდესაც სპეისი ლონდონის Old Vic თეატრის სამხატვრო ხელმძღვანელად მუშაობდა.
"2005 წლის ინციდენტების სავარაუდო მსხვერპლი ახლა 40 წლისაა, ხოლო ორი მამაკაცი, რომლებიც სავარაუდოდ 2008 და 2013 წლების ინციდენტებში მონაწილეობდნენ, ახლა უკვე 30 წლის არიან“ - განაცხადა ლონდონის მეტროპოლიტენმა შარშან ბრალდებების წაყენებისას.
სპეისის ბრალი შარშან წაუყენეს. მსახიობი ყველა ბრალდებას უარყოფს. სასამართლო პროცესი ლონდონში გრძელდება.