"ვის დაამტვრევენ ხელებს, გვითხრან!" - ხმაური კასპში: "ნაცმოძრაობისა" და "ოცნების" წარმომადგენლები ერთმანეთს დაუპირისპირდნენ (ვიდეო)
კასპში, სადაც "ნაციონალური მოძრაობის" თავმჯდომარე ლევან ხაბეიშვილი დღეს მოსახლეობას ხვდება, ვითარება კიდევ ერთხელ დაიძაბა. „ნაციონალური მოძრაობისა“ და „ქართული ოცნების“ წარმომადგენლები ერთმანეთს კვლავ დაუპირისპირდნენ.
"ავტომობილი დაგვილეწეს, ქვებს ისროდნენ. ჩვენ ვსაუბრობთ საპენსიო ასაკის დაწევაზე, ესენი ქვებს ისვრიან. ჟურნალისტურ საქმიანობაში გიშლიან ხელს, თავს გესხმიან. მართლა ბოლო ჟამი აქვს რუსულ ოცნებას, სრული ისტერიკა აქვთ. „ზონდერები“ კი არ არიან, სუს-ის „ნასედკები“ არიან“, - განაცხადა „ნაციონალური მოძრაობის“ თავმჯდომარემ, ლევან ხაბეიშვილმა „მთავარ არხთან“.
ამასთან, რამდენიმე პირი „მთავარი არხის“ გადამღებ ჯგუფსაც დაუპირისპირდა. ადგილზე იმყოფება პოლიცია.
როგორც შიდა ქართლის პოლიციის დეპარტამენტის დირექტორმა ვალერი თელიამ განაცხადა, პოლიცია შესაბამისად მოქმედებდა და ნებისმიერ კანონსაწინააღმდეგო ქმედებაზე იქნება პასუხი.
ნახეთ ვიდეო: