მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მესათბურეობა ბოსტნეულ კულტურებში – "აგროსფერომ" ქართველი ფერმერებისთვის მორიგი ტრენინგი ჩაატარა
16:23 / 30-06-2023
„აგროსფეროს“ ინიციატივითა და ორგანიზებით ქართველ ფერმერებსა და აგრონომებს ორდღიანი ტრენინგი ჩაუტარდათ, რომლის ფარგლებშიც მონაწილეები გაეცვნენ სათბურებში ბოსტნეული კულტურების მოყვანისა და მოვლის მოწინავე მიდგომებსა და თანამედროვე ტექნოლოგიებს.
ტრენინგი ჰოლანდიურ კომპანიასთან, HollandDoor-თან პარტნიორობით ჩატარდა. ის აერთიანებს სოფლის მეურნეობის დარგის საერთაშორისო ექსპერტებს და უზრუნველყოფს ტრენინგებს სხვადასხვა ქვეყნის აგრონომებისა და ფერმერებისთვის.
„ქვეყანაში სასათბურე მეურნეობა ახლა განსაკუთრებით ვითარდება და სულ უფრო მეტი ადამიანი ცდილობს ამ მიმართულებით ძალების მოსინჯვას. ამიტომ, ვფიქრობ, HollandDoor-ის ექსპერტების მრავალწლიანი გამოცდილება და ცოდნა ქართველ ფერმერებს დიდ დახმარებას გაუწევს. იმედი გვაქვს, მონაწილეები ამ ტრენინგის დახმარებით, მნიშვნელოვნად გააუმჯობესებენ მოსავლის ხარისხსა და რაოდენობას“, – ამბობს „აგროსფეროს“ ტრენინგ ცენტრ „აგრარიუმის“ ხელმძღვანელი, მარიამ მერაბიშვილი.
საქართველოში ტრენინგის დაგეგმვასა და ორგანიზებაში, „აგრარიუმთან“ ერთად, აქტიურად იყო ჩართული HollandDoor-ის წარმომადგენლობაც.
„მახარებს ის ფაქტი, რომ „აგროსფეროსთვის“ პრიორიტეტულია ცოდნის გაზიარება და ამგვარი ტრენინგებით ფერმერების უნარების განვითარების ხელშეწყობა. საქართველოში სასათბურე მეურნეობას დიდი პოტენციალი აქვს, თუმცა ამისთვის საჭიროა ძველიდან ახალ პრაქტიკებზე გადასვლა და თანამედროვე ტექნოლოგიებში ინვესტიციის განხორციელება. ფერმერებს უნდა სჯეროდეთ, რომ მათ მიერ გაღებული თავდაპირველი ხარჯები, საბოლოოდ, ფინანსურ მოგებაში აისახება.
მართალია HollandDoor საქართველოსგან მოშორებითაა, თუმცა ჩვენი კომპანია ყოველთვის მზადაა, თავისი წვლილი შეიტანოს საქართველოს სოფლის მეურნეობის განვითარებაში“, – ამბობს იოშ ლიითერსი, HollandDoor-ის წარმომადგენელი და ხილისა და ბოსტნეულის წარმოების სპეციალისტი.
მიკრო-კლიმატის შექმნა და მართვა სათბურებში და სასუქების სწორად გამოყენება – ტრენინგი ამ ორ ძირითად თემას მოიცავდა. ერთი დღე თეორიულ სწავლებას დაეთმო, მეორე დღე კი მიღებული ცოდნის პრაქტიკაში განხორციელებას. ამასთან, ტრენერებმა დაათვალიერეს მონაწილე ფერმერების სათბურები და გასცეს რეკომენდაციები.
„სასურველია, ქართველმა ფერმერებმა მეტად გაიაზრონ მონაცემების შეგროვებისა და თანამედროვე ტექნოლოგიების მნიშვნელობა. მათი გამოყენება ძალიან მნიშვნელოვანია, როგორც კლიმატის რეგულირების, ისე სხვა ღონისძიების დაგეგმვისათვის. მონაცემების დახმარებით, ფერმერებს შეეძლებათ არა მხოლოდ უხვი მოსავალი მიიღონ, არამედ გააუმჯობესონ მისი ხარისხი“, – ამბობს მარკ ვან სტოკუმი, HollandDoor-ის ტრენერი მიკროკლიმატისა და მავნებლების ინტეგრირებული მართვის საკითხებში.
მოწვეულმა ტრენერებმა აღნიშნეს ისიც, რომ ქართველ ფერმერებს აქვთ პოტენციალი ქვეყანა სრულად უზრუნველყონ ადგილობრივი წარმოების პროდუქციით, თუ ისინი ორიენტირებული იქნებიან ახალი მიდგომების დანერგვაზე.
„ვფიქრობ, საქართველოში აგრომეურნეობის მომავალი ძალიან დამაიმედებელია, თუ ის სწორი მიმართულებით განვითარდება. ქართველ ფერმერებს აქვთ დიდი პოტენციალი, გააუმჯობესონ მოსავალი, გაზარდონ თავიანთი სარგებელი და ქვეყანა სრულად უზრუნველყონ ადგილობრივი წარმოების ბოსტნეულით. შესაძლოა, სამომავლოდ საქართველომ არა მხოლოდ თვითკმარი პროდუქტების წარმოება, არამედ რეგიონის სხვა ქვეყნებში ექსპორტიც შეძლოს“, – ამბობს გირთენ ვან დერ ლუჰტი, კონსულტანტი მცენარის კვებისა და ირიგაციის მიმართულებით.
მეტი ხელმისაწვდომობისთვის ტრენინგი „მესათბურეობა ბოსტნეულ კულტურებში“ ორჯერ ჩატარდა – 30-31 მაისს ლაგოდეხში, 1-2 ივნისს კი მარნეულში.
„სასოფლო-სამეურნეო ტრენინგ ცენტრი „აგრარიუმი“, რომელიც „აგროსფეროს“ ინიციატივით არც თუ ისე დიდი ხანია შეიქმნა, ფერმერებს კიდევ მრავალ პრაქტიკულ ტრენინგს შესთავაზებს. ჩვენი პროექტები გათვლილი იქნება არა მხოლოდ პარტნიორ ფერმერებზე, არამედ ნებისმიერ დაინტერესებულ პირზე, რომელსაც სურს შეიძინოს პრაქტიკული ცოდნა და გამოიყენოს ის საკუთარ მეურნეობაში“, – ამბობს მარიამ მერაბიშვილი.
NS
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
