ქართული გვარის რუსი ოკუპანტი გლობალურ ეკოკატასტროფაში - ვინ არის კახოვკის კაშხლის აფეთქებაში დადანაშაულებული არსენ ფიცხელაური?
"რადიო თავისუფლების" ჟურნალისტური საგამოძიებო პროექტის "Схемы" -ს და უკრაინული სააგენტო "Слідство.Інфо" -ს ერთობლივი ჟურნალისტური გამოძიების შედეგად (რომელიც ეყრდნობა კახოვკის კაშხლის რაიონში რუსი ოკუპანტების რადიოსაუბრების გადაჭერისა და მათი შინაარსიის გაანალიზებას), მათ მოიპოვეს ინფორმაცია იმის შესახებ, რომ კახოვკის კაშხლის აფეთქება განახორციელეს მანამდე იქ დისლოცირებულმა რუსეთის საოკუპაციო ძალების 205-ე ცალკეული მოტომსროლელი ბრიგადის სამხედრო მოსამსახურეებმა, რომელთა შორის ფიგურირებს ქართული წარმოშობის გვარიც - ფიცხელაური
არსენ ფიცხელაური, სახმისით "Грузин"-ი კახოვკის კაშხლის აფეთქების შემდეგ თურმე რუსეთშიც გაიწვიეს დასაჯილდოებლად, თუმცა, ახლა, ისევ ახალ კახოვკაში იმყოფება თავის ბრიგადასთან ერთად - აცხადებენ ამ ჟურნალისტური გამოძიების ჩამტარებლები.
ინტერნეტსივრცეში მართლაც მოიპოვება იმის დამადასტურებელი ფოტომასალები, რომ პიროვნება სახელითა და გვარით არსენ ფიცხელაური, მართლაც მსახურობს რუსეთის შეიარაღებული ძალების 205-ე ცალკეულ მოტომსროლელ ბრიგადაში, იმყოფებოდა კახოვკის კაშხალზე რუსეთის საოკუპაციო ძალების შემადგენლობაში და ჯავშანჟილეტზე მიკრული აქვს წარწერა დიდი რუსული ასოებით ГРУЗИН...წაიკითხეთ ვრცლად