14
მაისიდღის ზოგადი ასტროლოგიური პროგნოზი
პარლამენტმა სამივე მოსმენით მხარი დაუჭირა “ადმინისტრაციულ სამართალდარღვევათა კოდექსში“ დაგეგმილ ცვლილებებს, რომლის საფუძველზეც ძაღლის ღია სივრცეში - მათ შორის ბულვარში, პარკებსა და სკვერებში საბელის ან ალიკაპის გარეშე ყოლაზე პასუხისმგებლობა მკაცრდება.
შესაბამისი საკანონმდებლო ცვლილებები, რომელიც “ქართული ოცნების“ დეპუტატებმა მოამზადეს, 76-ხმით, ერთხმად მესამე მოსმენით დაამტკიცეს.
მიღებული ცვლილებების თანახმად, ძაღლის საბელის ან ალიკაპის გარეშე ქალაქის ბულვარში, პარკში ან სკვერში ყოლა (გარდა სპეციალურად გამოყოფილი ადგილებისა), გაფრთხილების ან 20-ლარიანი ჯარიმის ნაცვლად, გამოიწვევს დაჯარიმებას 150 ლარის ოდენობით, ხოლო იგივე ქმედება ჩადენილი განმეორებით წლის განმავლობაში, გამოიწვევს მოქალაქის დაჯარიმებას 300 ლარის ოდენობით (ნაცვლად 50 ლარისა).
ამავე ცვლილებების გათვალისწინებით, თვითმმართველი ორგანოს მიერ დადგენილი წესების დარღვევით წვრილფეხა და მსხვილფეხა პირუტყვის მეთვალყურეობის ქვეშ ან მეთვალყურეობის გარეშე ყოფნა, გამოიწვევს მესაკუთრის დაჯარიმებას 50 ლარის ოდენობით, ნაცვლად 20 ლარისა.
ბულვარში, პარკში, სკვერში ან პლაჟზე წვრილფეხა ან/და მსხვილფეხა პირუტყვის მეთვალყურეობის ქვეშ ან მეთვალყურეობის გარეშე ყოფნა – გამოიწვევს მესაკუთრის დაჯარიმებას 100 ლარის ოდენობით, ნაცვლად არსებული 50 ლარისა.
პატრონიან ძაღლებს შემდეგ ეტაპზე მიზედეთ. ჯერ მაწანწალებს მოუხერხეთ რამე. ქუჩაში გადაადგილება შეუძლებელია ჯერ იმიტომ, რომ სახიფათოა, ჯგროდ არიან ყველგან. მერეც მაგათმა ფეკალიებმა ააქოთა მთელი ქალაქი. ორ ნაბიჯს ვერ გადადგამ, რომ არ შეგხვდეს. ანტისანიტარია და სიცოცხლის საფრთხე!
კიდევ ერთი კანონი ქაღალდზე, რომელსაც პოლიცია არ შეასრულებს. ან მხოლოდ ცენტრალურ უბნებში იმოქმედებს, როგორც ყველა კანონი ამ ქალაქში.