ვმასპინძლობთ რაჭას – "ქართული კუთხეების ფესტივალი" წისქვილში

ამ შაბათ-კვირას, 1-2 ივლისს, „ქართული კუთხეების ფესტივალზე“ სტუმრების წინაშე რაჭის წარმომადგენლები წარდგებიან, გააცნობენ მათ თავიანთი კუთხის კულტურასა და უნიკალურ სამზარეულოს.

რაჭის ფოლკლორისა და ქორეოგრაფიის ავთენტურ ნიმუშებს შეასრულებს ქართული ანსამბლები „რაჭა“ და „ორბა“. გამორჩეულ რაჭულ კერძებს კი სტუმრებისთვის შეფ მზარეულები მოამზადებენ. მოეწყობა მასტერკლასებიც, რომელში მონაწილეობის მიღებაც ნებისმიერ მსურველს შეეძლება.

ეს დღეები არც გამოფენა-გაყიდვის გარეშე ჩაივლის. რაჭველები და ქართული კომპანიები სტუმრებს ადგილობრივ ნაწარმს, ღვინოსა და მრავალ საინტერესო ნივთს წარუდგენენ, რომელთა შეძენასაც მსურველები იქვე შეძლებენ. ბავშვებს კი შეეძლებათ დრო საინტერესოდ გაატარონ მათთვის სპეციალურად მოწყობილ საბავშვო ზონაში.

„ქართული კუთხეების ფესტივალი“ „წისქვილი ჯგუფის“ ინიციატივაა, რომლის მიზანიც ქართული კულტურის მრავალფეროვნების წარმოჩენა და პოპულარიზაციაა. სტუმრების წინაშე თავიანთი კუთხე უკვე წარადგინა იმერეთმა, სვანეთმა, კახეთმა და სამეგრელომ. რაჭის შემდეგ კი, სტუმრები გურიასა და აჭარაში იმოგზაურებენ.

რაჭის დღეებზე დასასწრებად, ეწვიეთ წისქვილი ეზოს, ბელიაშვილის 99-ში. ღონისძიებაზე მეტი დეტალის გასაგებად კი გადადით მოცემულ ბმულზე: https://www.facebook.com/events/633293815393410/?ref=newsfeed

NS