ვარსკვლავთცვენა ვერსალში - Jacquemus-ის შოუ, ნავით მისული სტუმრები, დევიდ და ვიქტორია ბექჰემების მინი პაემანი და საღამოს დედოფალი, მონიკა ბელუჩი (ფოტოები)

ვერსალის სასახლის ტერიტორიაზე ფრანგი დიზაინერის, Simon Porte Jacquemus-ის საშემოდგომო კოლექციის ჩვენება გაიმართა, რომელიც პრინცესა დაიანასა და დედოფალ მარი ანტუანეტას შთაგონებით შეიქმნა.

დიზაინერის თქმით, შოუ ერთი წლის განმავლობაში იგეგმებოდა და სასახლის დაქირავება არც თუ ისე მარტივი საქმე იყო.

ჩვენებას არაერთი ვარსკვლავი ესწრებოდა, მათ შორის ემილი რატაკოვსკი, ევა ლონგორია, ვიქტორია და დევიდ ბექჰემები და მონიკა ბელუჩი. Jacquemus-ის მოდელებს შორის კი, ჯიჯი ჰადიდი და კენდალ ჯენერი იყვნენ.

დიზაინერის გადაწყვეტილებით, მოწვეული სტუმრები ნავებით მივიდნენ ჩვენებაზე და ასე ათვალიერებდნენ კოლექციას. ვიქტორია და დევიდ ბექჰემის წყალში გასეირნებამ ძალიან მალე მიიღო რომანტიკული პაემნის სახე - წყვილი ერთმანეთს თბილად უღიმოდა და ეხუტებოდა.

შოუს დასრულების შემდეგ დევიდმა "ინსტაგრამზე" პოსტიც მიუძღვნა Jacquemus-ს და დაწერა: ლამაზ კოლექციას გილოცავ Simon Jacquemus და გმადლობ, რომ ამ განსაკუთრებულ დღეს ჩვენც დაგვპატიჟე."

წყარო: pagesix

მოამზადა: ანა სიბოშვილმა