"ჩვენ არავისი შეგვშინებია და ახლაც ასე იქნება" - რა თქვა საქართველოს ახალგაზრდული ნაკრების მთავარმა მწვრთნელმა ნიდერლანდებთან მატჩის წინ?
21 წალმდელთა ევროპის ჩემპიონატზე, ნიდერლანდებთან ჯგუფური ეტაპის ბოლო ტურის მატჩის წინ საქართველოს ახალგაზრდული ნაკრების მთავარმა მწვრთნელმა რამაზ სვანაძემ გუნდში არსებულ ვითარებასა და თამაშისთვის მზადებაზე ილაპარაკა:
- ძალიან რთული თამაში გველოდება. დაგვრჩა ერთი ნაბიჯი მიზნის მოახლოებამდე, მაგრამ ეს ყველაზე რთული ნაბიჯი იქნება. შევეცდებით, სასურველ შედეგს მივაღწიოთ და ხალხი ისევ გავახაროთ...
სამწუხაროდ, გაგნიძე ვერ დაგვეხმარება. მისი ჩანაცვლება ახლა შეუძლებელია და დავრჩებით იმავე შემადგენლობით და ვიმოქმედებთ ვითარებიდან გამომდინარე...
ჩვენ ყოველთვის გვაქვს სათადარიგო ვარიანტი, ეგრეთ წოდებული გეგმა B - ბელგიასთან თამაში სწორედ ამის ხარჯზე გადავარჩინეთ. ეს დიდი გამოცდილება იყო გუნდისთვის. ევრო 2023-ზე ყოფნა ჩვენთვის სიამოვნებაა და ასეც უნდა გავაგრძელოთ თამაში...
ვახერხებთ თუ არა ფიზიკურად ძალების აღდგენას? ტურნირი ძალიან დამღლელი გრაფიკით მიმდინარეობს - ეს რთულია ფიზიკურადაც და მენტალურადაც...
მაგრამ ძალიან დიდი შანსი გვაქვს, პლეი-ოფში მოვხვდეთ. ამიტომ, ყველანაირი დაღლა გვერდით უნდა გადავდოთ და მთავარ მიზანზე ვიფიქროთ... გააგრძელეთ კითხვა
შეგახსენებთ, საქართველოსა და ნიდერლანდების დაპირისპირება 27 ივნისს, "დინამო არენაზე", თბილისის დროით 20 საათზე გაიმართება.
იხილეთ ასევე:
- ვინ არის მწვრთნელი, ვინც "ქართული კატენაჩო“ დადგა? - რა უთხრა გამარჯვების შემდეგ შეგირდებს რამაზ სვანაძემ: "ეს მხოლოდ დასაწყისია, არავის მივცემთ უფლებას, რომ ამ მატჩში "ჩარჩეს"
- სასწაული მეორე ტაიმი, ქართველებმა ბელგიას გაუთანაბრეს და ჯგუფის ლიდერობას ინარჩუნებენ - წიტაიშვილის და გულიაშვილის უმნიშვნელოვანესი გოლები