მნიშვნელოვანი ინფორმაცია
16
ივნისიდღის ზოგადი ასტროლოგიური პროგნოზი
ორშაბათი, მთვარის მეოცე დღე დაიწყება 01:14-ზე, მთვარე მერწყულშია – რეკომენდებულია კოლექტიური მუშაობა, ერთობლივი პრობლემების გადაჭრა. ფინანსური საკითხების მოგვარება. მშენებლობის დაწყება. ძველი კავშირების გაძლიერება. გამოავლინეთ ლიდერის თვისებები. არ არის რეკომენდებული შურისა და ბოროტების გამოვლენა. ეგოიზმის და საკუთარი შესაძლებლობების გადაჭარბებული შეფასება. გაუფრთხილდით ხერხემალს. დღე კარგია მარხვისთვის. კარგია რომანტიკული შეხვედრა წყნარ ატმოსფეროში.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
პრინცი უილიამი უსახლკაროების პრობლემის მოგვარებას იწყებს, თუმცა ოპონენტები ფარისევლობაში ადანაშაულებენ: "ის 3 უშველებელი სახლის და უზარმაზარი ქონების მეპატრონეა..."
12:06 / 26-06-2023
პრინც უილიამის აზრით, თანამედროვე და პროგრესულ საზოგადოებაში არ უნდა არსებობდეს უსახლკარობის პრობლემა, ამიტომ მის გადასაჭრელად ხუთწლიან კამპანიას იწყებს. ოფიციალური მონაცემებით, დიდ ბრიტანეთში ამჟამად 300 000-ზე მეტი უსახლკარო ადამიანი ცხოვრობს.
პრინცის საქველმოქმედო ფონდი 3 მილიონი ფუნტის ოდენობის თანხას გაიღებს, რათა ადამიანებისთვის უსახლკარობა "იშვიათი და ხანმოკლე" გახდეს. პრობლემის გადასაჭრელად იდეების განხილვა და გამოცდა დიდი ბრიტანეთის მასშტაბით 6 ლოკაციაზე დაიწყება. უილიამი გეგმავს, რომ ადგილობრივი ექსპერტები, საქველმოქმედო ორგანიზაციები და კერძო ინდუსტრიები გააერთიანოს, რათა დაბინავების პროექტები და დამხმარე სერვისები განავითარონ. ასევე ამ 6 ლოკაციაზე განიხილება უსახლკარობის მიზეზები.
- უილიამმა ინსპირაცია ფინეთისგან მიიღო, რომელიც უსახლკარობის მინიმუმამდე შემცირებით არის ცნობილი. "ყველას უნდა ჰქონდეს უსაფრთხო, დაცული სახლი", - ამბობს პრინცი.
ეს ინიციატივა უილიამისთვის პირადულიც კია, რადგან ის დედას, პრინცესა დაიანას უკავშირდება. როგორც ცნობილია, პრინცესას პატარა უილიამი ხშირად დაჰყავდა უსახლკარობის აღმოფხვრასთან დაკავშირებულ საქველმოქმედო ორგანიზაციებში.
- სულ ახლახან, დასაქმებული ახალგაზრდებისთვის, რომელთაც მაინც უჭირდათ ბინის ქირის გადახდა, პრინცმა ხელმისაწვდომი საცხოვრებლების პროექტიც წამოიწყო.
მიუხედავად ყველაფრისა, პრინცი გარკვეულ გამოწვევებსაც აწყდება.
"უილიამის ამ საკითხში ჩარევა ახლა ყველაზე ნაკლებად გვჭირდება. ის სამი უშველებელი სახლის და უზარმაზარი ქონების მეპატრონეა, რომელიც მას სახელმწიფომ აჩუქა", - ამბობს გრეჰემ სმიტი, ანტი-მონარქიული ჯგუფ "რესპუბლიკის" წევრი. სმიტი ირწმუნება, რომ უსახლკარობა სამთავრობო პოლიტიკას და ინვესტიციებს შეეხება და ქველმოქმედებით ან სამეფო მფარველობით, ის ვერ მოგვარდება, ამიტომ პრინც უილიამს თვალთმაქცობაში ადანაშაულებს.
ამ აზრს არ ეთანხმება მეთ დაუნი, საქველმოქმედო ფონდ Crisis -ის აღმასრულებელი დირექტორი:
"მე მკვეთრ განსხვავებას ვამჩნევ იმ ადამიანებს შორის, რომელთაც ამ საკითხთან ასოცირება პიარის მიზნებისთვის სურთ და მათ შორის, რომელთაც საზოგადოების ერთ-ერთი შეცდომის გამოსწორება უნდათ. ეს უკანასკნელი ღრმად ვიგრძენი უილიამთან საუბრისას".
პრინცი საკუთარ წამოწყებაში თავდაჯერებულია და სწამს, რომ ფუნდამენტურად შეამცირებს უსახლკაროთა რაოდენობას:
"მინდა, ეს რეალობად ვაქციო და მომდევნო 5 წლის განმავლობაში ბრიტანელებს იმედი მივცე, რომ თუ ერთმანეთთან ვითანამშრომლებთ, შეგვიძლია უსახლკარობისგან თავი დავიზღვიოთ", - აცხადებს უელსის პრინცი.
წყარო: bbc
მოამზადა: ანა სიბოშვილმა
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისრაელმა ირანზე მასშტაბური დარტყმები განახორციელა: განადგურებულია ბირთვულ იარაღი, დაიღუპნენ სამხედრო მეთაურები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აფრიკა არის ამათი სახლი და იქ განვითარებაში თუ დაეხმარებიან კაია....ევროპაში ამ აფრიკელებს არაფერი ესაქმებათ....