ლუკაშენკო შუამავლად - ვრცელდება ინფორმაცია, რომ პრიგოჟინი ბელარუსის პრეზიდენტთან მოლაპარაკების შემდეგ შეჩერდა
ბელორუსის პრეზიდენტმა, ალექსანდრე ლუკაშენკომ მოლაპარაკება გამართა "ვაგნერის" ჯგუფის ხელმძღვანელ ევგენი პრიგოჟინთან, რომლის დროსაც პრიგოჟინი ჯარების შეჩერებას და „სიტუაციის დეესკალაციას“ დათანხმდა. ამის შესახებ საინფორმაციო არხი „Rossiya 24“ იტყობინება.
"პრიგოჟინმა მიიღო ლუკაშენკოს წინადადება ვაგნერის გადაადგილების შეჩერების შესახებ რუსეთის ტერიტორიაზე და შემდგომი ნაბიჯების გადადგმა დაძაბულობის დეესკალაციისთვის“, - ამბობს "Rossiya 24“ ლუკაშენკოს პრესსამსახურზე დაყრდნობით.
მათივე თქმით, საუბარი პუტინთან შეთანხმებული იყო.
ცოტა ხნის წინ თავად პრიგოჟინმაც დაადასტურა ინფორმაცია, რომ მოსკოვისკენ სვლას აჩერებს და უკრაინაში ბრუნდება.
"ვაგნერის” კერძო სამხედრო კომპანიის დაშლა სურდათ. 23 ივნისს სამართლიანობის მარშზე გამოვედით. ერთი დღის განმავლობაში იმდენი გავიარეთ, რომ მოსკოვამდე 200 კილომეტრში ვართ. ამ დროის განმავლობაში ჩვენ ჩვენი მებრძოლების სისხლის ერთი წვეთის არ დავღვარეთ.ახლა ისეთი მომენტი დადგა, როდესაც სისხლი შესაძლოა დაიღვაროს.
ამიტომ, ვინაიდან სრული პასუხისმგებლობა გვესმის იმისთვის, რომ რუსული სისხლი დაიღვრება ერთ-ერთი მხრიდან, ჩვენ ვტრიალდებით და საპირისპირო მიმართულებით საველე ბანაკებში ვბრუნდებით გეგმის შესაბამისად,” - განაცხადა პრიგოჟინმა.
წაიკითხეთ ასევე: