მნიშვნელოვანი ინფორმაცია
15
ივლისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 23:45-ზე, მთვარე თევზებშია – კარგია: ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. შეგიძლიათ დაიწყოთ ახალი საქმეები. მოუფრთხილდით ღვიძლს. კარგია სისხლის გაწმენდა. რეკომენდებულია აბაზანები, ნებისმიერი გამწმენდი პროცედურა. ივარჯიშეთ, იყავით სუფთა ჰაერზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"90-იანების შემდეგ პირველად გავიგონე ტანკების გუგუნი მოსკოვის ქუჩებში... ვიღას ახსოვს უკრაინა" - რუსეთი პანიკამ მოიცვა: რას ამბობენ ადგილობრივები?
08:30 / 24-06-2023
რამდენიმეთვიანი მუქარის შემდეგ, კერძო სამხედრო დაჯგუფება "ვაგნერის" ხელმძღვანელს, ევგენი პრიგოჟინსა და რუსეთის სახელისუფლებო ინსტიტუტს "როსგვარდიას" შორის პირველი შეიარაღებული შეტაკებაც მოხდა. რუსული ანტიკრემლისტური მედიის ცნობით, შეიარაღებული ნაწილები ერთმანეთს მოსკოვი-როსტოვის ტრასაზე, დასახლებულ პუნქტს კაზაჩი ლაგერიასთან დაუპირისპირდნენ, "ვაგნერმა" "როსგვარდია" უკუაქცია, თუმცა როგორც სახელისუფლებო მხარე ამბობს, დროებით, რადგან ევგენი პრიგოჟინის წინააღმდეგ, შეიარაღებული აჯანყების მოწყობის ბრალდებით, სისხლის სამართლის საქმე აღიძრა.
პრიგოჟინსა და თავდაცვის სამინისტროს, შოიგუსა და მის გენერალიტეტთან დაპირისპირება, უკრაინის ომის პარალელურად დაიწყო და ამის შესახებ არაერთხელ დაგვიწერია. 23 ივნისს, დღის მეორე ნახევარში, პრიგოჟინმა გაავრცელა მიმართვა, რომელშიც ის თავდაცვის სამინისტროს "ვაგნერის" ბანაკებზე სარაკეტო თავდასხმაში ადანაშაულებდა. ტელეგრამ არხზე "პრიგოჟინის პრესსამსახურის" აუდიოჩანაწერი გაჩნდა.
"მოგვატყუეს და ცდილობდნენ საკუთარი სახლების დაცვის შესაძლებლობა წაერთმიათ. მზად ვიყავით თავდაცვის სამინისტროსთან დათმობებზე წავსულიყავით, გამოსავალი გვეპოვა, თუ როგორ გაგვეგრძელებინა ქვეყნის დაცვა. მაგრამ ეს ნაძირალები არ გაჩერდნენ... მეტიც, როდესაც დაინახეს, რომ მაინც არ გავტყდით (ის იარაღისა და საბრძოლო მასალის სიმცირეს გულისხმობს, რომელსაც რამდენივე კვირაა გენერალურ შტაბს სთხოვს) ჩვენს ბანაკებზე, სარაკეტო თავდასხმები განახორციელეს. გვაქვს დიდი მსხვერპლი, რამდენიმე ათეული ან მეტი დაღუპული...
ამიტომ, საპასუხო ზომების მიღება გადავწყვიტეთ. ბოროტება, რომელიც ჩვენი ქვეყნის სამხედრო ხელმძღვანელობას მოაქვს, უნდა შევაჩეროთ. ვითხოვ, არავის გაუწიოთ წინააღმდეგობა. ყველა ვინც წინააღმდეგობას გაგვიწევს, ამას საფრთხედ მივიღებთ!" - თქვა პრგოჟინმა.
პუტინის მარჯვენა ხელის თქმით, მის განკარგულების ქვეშ 25 ათასი მებრძოლია და ყველა მსურველს, მათ შორის რეგულარული არმიის სამხედრო მოსამსახურეებს, შეუძლიათ, შეუერთდნენ მათ.
რუსეთის თავდაცვის სამინისტრო საპასუხოდ აცხადებს, რომ პრიგოჟინის სახელით სოციალურ ქსელებში გავრცელებული ყველა გზავნილი და ვიდეომასალა "ვაგნერის" ბანაკებზე დარტყმის შესახებ, მხოლოდ ინფორმაციულ პროვოკაციას წარმოადგენს.
- ამის შემდეგ, ინტერნეტში ინტენსიურად ვრცელდებოდა ცნობები, თუ რა ხდებოდა რუსეთში - "როსგვარდიასა" და "ეფესბეში" სამხედრო განგაშის მდგომარეობა გამოცხადდა.
"როსგვარდიამ" სამთავრობო შენობების დასაცავად, დამატებით ძალების გადაისროლა.
პერიოდულად ვრცელდებოდა პრიგოჟინის მიერ გავრცელებული ინფორმაციები, თუ როგორ უმალავდა თავდაცვის სამინისტრო პუტინს, ბრძოლის ხაზზე არსებულ ვითარებას.
გვიან ღამე, არმიის გენერალმა სუროვიკინმა, რომელიც იარაღით ხელში იმყოფებოდა, საგანგებო ვიდეომიმართვა გაავრცელა, სადაც სამხედროებს, მათ შორის "ვაგნერელებს" სთხოვდა, არ აჰყოლოდნენ პრიგოჟინის მოწოდებებს და ყველაფრის მოგვარების შესაძლებლობა მხოლოდ და მხოლოდ რუსეთის შეიარაღებულ ძალებს ჰქონდათ.
"ჩვენ ამ დროის განმავლობაში ერთად ვიომეთ, ერთად გავიმარჯვეთ, ერთად გავრისკეთ. ჩვენ ერთი სისხლის ვართ, მეომრები ვართ. მოგიწოდებთ შეწყვიტოთ" - ამბობდა სუროვიკინი მიმართვაში.
თუმცა, პარალელურად, ვრცელდებოდა ინფორმაციები იმის შესახებ, რომ რუსი სამხედროების დიდმა ნაწილმა ბრიგადის ყაზარმებიდან გამოსვლასა და პრიგოჟინის წინააღმდეგ ბრძოლაზე უარი თქვეს.
რუსი მოსახლეობა სოციალურ ქსელში ისტერიულად ეხმაურებიან მიმდინარე პროცესებს, მათ ნაწილს 90-იანი წლები ახსენდებოდა, როდესაც მოსკოვის ქუჩებში ტანკები დადიოდნენ... გავრცელდა ინფორმაცია, თითქოს რუსეთი რუსული გუგლისა და დარჩენილი სოციალური ქსელების დაბლოკვას აპირებდა.
"იმ ავადსახსენებელი 90-იანების შემდეგ, პირველად გავიგონე ტანკების გუგუნი მოსკოვის ქუჩებში. ამასაც მოვესწარით?.. შემდეგი რა იქნება? თქვეს, რომ სროლების ხმა ისმოდა. ბატონო პრეზიდენტო, ახლა ხვდებით რა საფრთხე მოაქვს ბოროტმოქმედის კალთის ქვეშ შეფარებას და პრივილეგიების მინიჭებას?.. ესეც თქვენი "მარჯვენა ხელი" - წერს სვეტლანა კანევსკა.
"არ მჯერა, რომ ამ ყველაფრის საქმის კურსში პუტინი არ იყო, თუ ასეა, ის მართლა დაბერდა და იმაზე უარესს უნდა ველოდოთ, ვიდრე სანქციებით გამოწვეული პრობლემები იყო. რუსი რუსს ტყვიას ესვრის? უარესი რა შეგვიძლია წარმოვიდგინოთ? მეუბნებოდნენ ჩემი ახლობლები, ცოტა ხნით გავრიდებოდი აქაურობას, მაგრამ სად უნდა წავსულიყავით? პოსტსაბჭოთა ქვეყნებში ცხვირს გვიბზუებენ, ევროპა დაკეტილია... ვფიქრობ, ამ ვითარებაში სახლის დატოვებაც არ არის მართებული" - მიაჩნია ტატიანა პალკინას.
"ომი და სისხლისღვრა არ გვინდა, არაფრის გამო. ეს რომ არ გვინდოდა, იმიტომ ვითმენდით ამდენ უსამართლობას, "ეფესბეს" თავდასხმებს, ომს, მის შედეგებს... პუტინმა იმდენად ცუდ მდგომარეობაში ჩააგდო ქვეყანა, თავისი პრივილეგირებული კასტით, პრიგოჟინი, კადიროვი და მათნაირი ყველაფერზე წამსვლელი პირებით, რომ ეს გარდაუვალი იყო. თუ პრიგოჟინის გავლენები სამხედროებსა და მოხალისეებში უფრო შორს არ არის წასული, იმედია, მას დააკავებენ. ვიღას ახსოვს უკრაინა, დენაციფიკაცია... ახლა მხოლოდ თვითგადარჩენაზე ფიქრობენ", - წერს კონსტანტინ ტუჩინსკი.
წაიკითხეთ ასევე:
- "არ არის გამორიცხული, ამ ამბის ფონზე პრიგოჟინის დაკავება ან მოკვლა სცადოს შოიგუ-გერასიმოვის კლანმა" - რა ხდება და რა პროცესები შეიძლება განვითარდეს რუსეთში?
- რამდენიმე BTR და ჯავშანტრასპორტიორი - მოსკოვში სამხედრო ტექნიკა გამოჩნდა: რა კადრები ვრცელდება სოციალურ ქსელში (ვიდეო)
მკითხველის კომენტარები /
65 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მხოლოდ 5 თვეში, თბილისში მილიარდ 200 მილიონი დოლარის ბინები გაიყიდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რუსეთმეებო წადით პუტინს დაეხმარეთ.
მართალია ჯერ ბევრი საქმე აქვს პრიგოჟინს გასაკეთებელი. მანამდე მაიტერესებს რუსეთის უძლეველობის სექტანტები სადახართ, ხომ მშვიდობა გაქვთ?