"როსტოვში შევდივართ... თუ ვინმე წინ დაგვიდგება, ყველაფერს გავანადგურებთ" - პრიგოჟინი
"ვაგნერის“ ლიდერის, ევგენი პრიგოჟინის განცხადებით, „ვაგნერმა” სახელმწიფო საზღვარი გადაკვეთა და როსტოვში შედიან. ამის შესახებ ინფორმაციას ევგენი პრიგოჟინის პრესსამსახური “ტელეგრამში” ავრცელებს. „ამ მომენტისთვის სახელმწიფო საზღვარი ყველა ადგილას გადავკვეთეთ.
"მესაზღვრეები ჩვენთან მოდიოდნენ და ჩვენს მებრძოლებს ეხუტებოდნენ. ახლა როსტოვში შევდივართ.
[რუსეთის] თავდაცვის სამინისტროს ქვედანაყოფებმა, უფრო სწორად კი ახალწვეულებმა, რომლებიც გადმოისროლეს ჩვენთვის გზის გადასაკეტად, გვერდზე გაიწიეს. ჩვენ ბავშვებს არ ვებრძვით, ბავშვებს არ ვკლავთ. ბავშვებს შოიგუ კლავს იმით, რომ გაუწვრთნელებს ომში აგდებს.
ამიტომ ჩვენ მხოლოდ პროფესიონალებს ვებრძვით, მაგრამ წინ თუ დაგვიდგება ვინმე - ყველაფერს გავანადგურებთ, რაც წინ დაგვიდგება…
ჩვენ წინ მივდივართ, ბოლომდე მივდივართ. რაც შეეხება დაპატიმრების შესახებ განცხადებებს, ეს ძმობაა, ეს სამართლიანობაა, ეს ღირსებაა, ეს ნამუსია, რაც ჩვენ გვაქვს და როდესაც ამ განცხადებებს აკეთებთ, თქვენ ეს გრძნობები არ გაქვთ, განადგურებული გაქვთ ეს გრძნობები, ამიტომ შეუძლებელია ღალატის მეტი რამე გესმოდეთ,” - განაცხადა პრიგოჟინმა.
წაიკითხეთ სრულად:
- "არ არის გამორიცხული, ამ ამბის ფონზე პრიგოჟინის დაკავება ან მოკვლა სცადოს შოიგუ-გერასიმოვის კლანმა" - რა ხდება და რა პროცესები შეიძლება განვითარდეს რუსეთში?
- პრიგოჟინი ირწმუნება, რომ რუსეთის თავდაცვის სამინისტროს ძალებმა "ვაგნერი" დაბომბეს და "შოიგუს განდევნის ოპერაციას" იწყებს - როგორია კრემლის პასუხი და რა ხდება რუსეთში? ყველა დეტალი
- მოსკოვში, ძალოვან უწყებებში მზადყოფნა გამოცხადდა, აწყობენ საგუშაგოებს - რას წერს BBC-ი