მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ეს საშინელი ირონიაა, ძვლებში ვიგრძენი რა შეიძლებოდა მომხდარიყო... კომპანიას დიდი ხანია აფრთხილებდნენ" - "ტიტანიკის" რეჟისორი ჯეიმს კამერონი "ტიტანის" შესახებ
11:25 / 23-06-2023
აშშ-ის სანაპირო დაცვის სამსახურმა 22 ივნისს დაადასტურა, რომ წყალქვეშა ნავმა "ტიტანმა" კატასტროფა განიცადა და ბორტზე მყოფი ხუთივე ადამიანი დაიღუპა. ადმირალ ჯონ მაუგერის განცხადებით, შესაძლოა, ცხედრები ვერ იპოვონ, რადგან ოკეანეში, კატასტროფის ადგილას, "წარმოუდგენლად მკაცრი გარემოა".
ბრიფინგისას აშშ-ის სანაპირო დაცვის წარმომადგენლებმა განაცხადეს, რომ საძიებო არეალში “ტიტანის” ხუთი ნაწილი აღმოაჩინეს და ჯერ ადრეა საუბარი იმაზე, თუ როდის მოხდა აფეთქება. მათი თქმით, ჯერ კიდევ ბევრი კითხვა არსებობს იმაზე, თუ როგორ, რატომ და როდის მოხდა ეს კატასტროფა.
მედია ამ თემაზე კინორეჟისორ ჯეიმს კამერონის კომენტარით დაინტერესდა (კამერონმა 1997 წელს ლეგენდარული ფილმი "ტიტანიკი" გადაიღო).
როგორც რეჟისორმა BBC-სთან თქვა, როცა შეიტყო, რომ ნავმა ნავიგაციაც და კომუნიკაციაც ერთდროულად დაკარგა, მაშინვე ეჭვი გაუჩნდა, რომ კატასტროფა მოხდა.
"ძვლებში ვიგრძენი, რაც მოხდა. მისი ელექტრონიკის და კომუნიკაციის მწყობრიდან გამოსვლის და GPS-ის სისტემის ჩავარდნის შემდეგ, წყალქვეშა ნავი გაქრა. ეგრევე ტელეფონი ავიღე და ზოგიერთ ჩემს ნაცნობს დავურეკე, ისეთებს, ვინც წყალქვეშა ნავების საკითხში გარკვეულია.
დაახლოებით ერთ საათში შემდეგი ფაქტები გავიგე: ისინი სიღრმეში ეშვებოდნენ, 3800 მეტრის სიღრმის ფსკერზე. კომუნიკაცია და ნავიგაცია, რაიმე კატასტროფა რომ არ მომხდარიყო, ისე არ დაიკარგებოდა. პირველი, რაც გავიფიქრე, აფეთქება იყო", - ამბობს კამერონი.
რეჟისორმა ასევე თქვა, რომ საშინელი ირონიაა "ტიტანის" და მისი ეკიპაჟის ასეთი განადგურება და მას ტიტანიკის ისტორიას ადარებს: "კიდევ ერთი კატასტროფა გვაქვს, რომელიც იმავე გაუფრთხილებლობის პრინციპზეა დაფუძნებული. OceanGate გაფრთხილებული იყო საფრთხეების შესახებ", - თქვა კამერონმა.
კამერონმა ისიც დასძინა, რომ მისი ინფორმაციით, წყალქვეშა მოგზაურობით დაინტერესებული საზოგადოებისგან კომპანიამ წერილიც მიიღო, რომელშიც ნათქვამია, რომ ის "კატასტროფისკენ მიმავალ გზას ადგა".
კამერონი პირველი არაა, ვინც კომპანიის ფუნქციონირებასთან დაკავშირებით შეშფოთებას გამოთქვამს. აშშ-ის სასამართლოს დოკუმენტები აჩვენებს, რომ Oceangate-ის საზღვაო ოპერაციების ყოფილმა დირექტორმა წყალქვეშა ნავის უსაფრთხოების პოტენციური პრობლემების შესახებ ჯერ კიდევ 2018 წელს გამოთქვა პრეტენზია.
ცნობისთვის, 19 ივნისს გავრცელდა ინფორმაცია წყალქვეშა ნავის, "ტიტანის" გაუჩინარების შესახებ. ბორტზე ხუთი ადამიანი იმყოფებოდა - ბრიტანელი მილიარდერი ჰამიშ ჰარდინგი, პაკისტანელი ბიზნესმენი შაჰზადა დავუდი და მისი ვაჟი, OceanGate Expeditions-ის დამფუძნებელი და აღმასრულებელი დირექტორი სტოკტონ რაში და წყალქვეშა ნავების პილოტი, მეცნიერი პოლ-ანრი ნარგეოლე. ისინი 1912 წელს ატლანტის ოკეანეში ჩაძირული გემის, "ტიტანიკის" ნამსხვრევების სანახავად, ექსპედიციაში მიდიოდნენ. ექსპედიციისთვის ბორტზე მყოფმა თითოეულმა ადამიანმა 250 000 დოლარი გადაიხადა.
22 ივნისს ამერიკის შეერთებული შტატების სანაპირო დაცვის სამსახურმა დაადასტურა, რომ "ტიტანმა" კატასტროფა განიცადა და ბორტზე მყოფი ხუთივე ადამიანი დაიღუპა.
ნახეთ ასევე:
- "ეს იქნებოდა მყისიერი სიკვდილი" - რას ამბობენ ექსპერტები წყალქვეშა ნავის კატასტროფის შესახებ და რა მოხდა ოკეანის სიღრმეში
- ხელმოწერა სიკვდილზე და ექსპერიმენტული წყალქვეშა ნავი? - რაზე აწერინებდნენ ხელს ექსპედიციის მსურველებს: OceanGate-ის ყოფილი თანამშრომლის აღიარება და გაუჩინარების ვერსიები
წყარო: BBC
მოამზადა: ანა სიბოშვილმა
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ზოგადად 1912 წელს იმ სიტუაციაში გარდაცვლილთა გზის ჩაყოლა არაა გონივრული, ბედისწერას ასეთი რამეები არ უყვარს და არ სწყალობს!!!
ასე გაურკვეველი მიზეზით გაუჩინარება და თანაც განცხადება იმისა რომ ცხედრების ამოღებაც შეუძლებელია და დიდი ალბათობით, ვერც(არც?) აპარატის ამოღება იქნება შესაძლებელი, ძალიან დიდი ალბათობით(შეთქმულების თეორია), ძალიან წააგავს სპეცსამსახურების ჩატარებულ სპეცოპერაციას. გავლის გარკვეული, ალბათ არც ისე ცოტა დრო, სანამ ვიღაც "ექს" არ ანთება "გულახდილობის სინდრომით" და სადმე ინტერვიუში განაცხადებს, ან დაწერს მემუარებს და ამ ფაქტსაც ახსნის. არარის გამორიცხული, ამ ფაქტს შემდგომში მოჰყვეს კვალის დაფარვის ან არევის მიზნით, რაიმე ძალისმიერი აქცია. მოკლედ ძალიან კარგი სცენარია დეტექტიური რომანისთვის ან სერიალისთვის.