მნიშვნელოვანი ინფორმაცია
11
ივლისიდღის ზოგადი ასტროლოგიური პროგნოზი
შაბათი, მთვარის მეთვრამეტე დღე დაიწყება 23:22-ზე, მთვარე მერწყულშია – იმუშავეთ მშვიდად და საფუძვლიანად. მოაგვარეთ მარტივი ფინანსური საკითხები. გადადეთ მნიშვნელოვანი საქმეები. იყავით ყურადღებიანი იმის მიმართ, რაც ხდება და მოუსმინეთ რას გეუბნებათ ხალხი. იყავით ფხიზლად და მოერიდეთ კონფლიქტს. გამოიჩინეთ მოქნილობა და ორიგინალურობა ადამიანებთან ურთიერთობისას. სამსახურში გამოავლინეთ თქვენი საუკეთესო მხარე. ზედმეტი აქტიურობა შედეგს არ მოიტანს. არ აიღოთ ზედმეტი სამუშაო და რთული პროექტები. ხორცზე უარის თქმა ჯობია. გამოიყენეთ მცენარეული ზეთი. ალკოჰოლური სასმელები უნდა გამოირიცხოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დაკარგული "ტიტანის" კაპიტნის ცოლი "ტიტანიკის" ჩაძირვისას დაღუპული წყვილის შთამომავალია - შტრაუსების საუკუნის წინანდელი ტრაგედია და იდუმალი კავშირი დღევანდელობასთან
13:23 / 22-06-2023
19 ივნისს ცნობილი გახდა, რომ კანადაში, ნიუფაუნდლენდის სანაპიროსთან, "ტიტანიკის" ნამსხვრევების სანახავად ექსპედიციაში წასული ტურისტული წყალქვეშა ნავი გაუჩინარდა.
ჯერ კიდევ გაურკვეველია, რა მოხდა და რატომ გაწყდა კონტაქტი, ან რამდენად ახლოს იყო "ტიტანიკთან". ცნობილი მხოლოდ ისაა, რომ ნავთან კონტაქტი ექსპედიციის დაწყებიდან 1 საათისა და 45 წუთის შემდეგ დაიკარგა.
"ტიტანის" ძებნის სამუშაოები ამ დრომდე გრძელდება.
ექსპედიციას OceanGate-ი უწევდა ოპერირებას, რომლის აღმასრულებელი დირექტორიც სტოკტონ რაშია. აღსანიშნავია, რომ "ტიტანს" სტოკტონი თვითონვე კაპიტნობდა და შესაბამისად, ის დაკარგულებს შორისაა.
საინტერესო კავშირებია აღმოჩენილი სტოკტონის მეუღლეს, ვენდი რაშსა და 1912 წელს ჩაძირულ "ტიტანიკზე" დაღუპულთა შორის.
ვენდი რაში "ტიტანიკის" ჩაძირვის შედეგად დაღუპული მაგნატების, ცოლ-ქმრის, ისიდორ და იდა შტრაუსების შვილთაშვილის შვილია.
ისინი "ტიტანიკის" პირველი კლასის მგზავრები, შესაბამისად, გემზე უმდიდრესი ადამიანები იყვნენ. საინტერესოა, რომ თავად ვენდი რაშს სამჯერ აქვს "ტიტანიკის" შესასწავლად წყალქვეშა ექსპედიციაში მონაწილეობა მიღებული.
ვენდი OceanGate-ის კომუნიკაციების დირექტორი და კომპანიის საქველმოქმედო ფონდის საბჭოს წევრია.
რაშის წინაპრები "ტიტანიკის" ჩაძირვის შედეგად დაღუპულთა შორის ყველაზე ცნობილები არიან თავიანთი ტრაგიკული ისტორიითა და სიყვარულის ამბით.
კატასტროფას გადარჩენილი ხალხის ნაამბობის მიხედვით, ისიდორ შტრაუსმა უარი თქვა სამაშველო ნავში ჩაჯდომაზე, რადგან ქალები და ბავშვები ჯერ კიდევ ეძებდნენ ჩაძირვისთვის განწირული ლაინერიდან გასაქცევ გზას.
თავის მხრივ, იდა შტრაუსმა მეუღლის დატოვებაზე უარი თქვა. მოგვიანებით კი ხალხმა დაინახა, როგორ იდგა წყვილი "ტიტანიკის" გემბანზე ხელჩაკიდებული იმ დროს, როცა გემი იძირებოდა.
შტრაუსების ისტორია "ტიტანიკის" 1997 წლის ფილმში ჯეიმს კამერონმა უკვდავყო. ფილმის კადრებში ხანდაზმულ წყვილს ვხედავთ, რომლებიც ჩახუტებულები წვანან საწოლში, პარალელურად კი მათი კაბინა წყლით ივსება.
ისიდორ შტრაუსის ცხედარი ზღვაში "ტიტანიკის" ჩაძირვიდან დაახლოებით ორი კვირის შემდეგ იპოვეს, იდას ნეშტი კი, სამწუხაროდ, დღემდე დაკარგულად მიიჩნევა.
წყარო: nytimes
ნახეთ ასევე:
მოამზადა: ანა სიბოშვილმა
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საზოგადოების დიდი ნაწილი ჩვენზე ლიბერტიანული შემოტევის ოცი წლის თავზე ნელ-ნელა უბრუნდება ნორმალური ადამიანური გრძნობების და ადამიანების მიმართ პატივისცემის პერიოდს.ამას მათთვის ვწერ ვისაც გრძნობები ცხოველურ ინსტიქტებამდე აქვთ დასული,კერძოდ კარგით რა-ს.
მათი სახლის მეზობლები, ვისი შთამომავლებია?