მნიშვნელოვანი ინფორმაცია
20
ივლისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 00:44-ზე, მთვარე ტყუპს ესტუმრება 13:21-ზე – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. კარგი დღეა კონტაქტებისა და გაცნობისთვის. ინფორმაციის, იდეების გაცვლა. ხელსაყრელია შეხვედრები და მოლაპარაკებები. აქტიური ორგანოებია: მხრები, მკლავები, თითები, ფილტვები, ენდოკრინული სისტემა. გაწმინდეთ ფანჯრები. გაანიავეთ სახლი. მოერიდეთ მძიმე საკვების მიღებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ბიბლიური წვიმა" გლაზგოში და მოედნის თანამშრომლები საწმენდი ჯოხებით - რას წერს მედია და როგორ ეხმიანებიან შოტლანდიელები სიურეალისტურ მატჩს
10:50 / 21-06-2023
"ევრო 2024-ის" საკვალიფიკაციო მატჩი 20 ივნისს საქართველოს ეროვნულმა საფეხბურთო ნაკრებმა სტუმრად, შოტლანდიის წინააღმდეგ გამართა. ჩვენმა გუნდმა თამაში ანგარიშით 0-2 დათმო, თუმცა საფეხბურთო საღამო ისეთი სიურეალისტური გამოდგა, რომ წაგებული თამაში უმეტესობას ყურადღების მიღმა დარჩა. შეუძლებელიც კი არის აქცენტი ვინმემ არ მიმართოს იმ გარემოზე, სადაც სპორტსმენებს თამაში მოუწიათ.
მატჩი გლაზგოში, Hampden Park-ზე გაიმართა. კოკისპირული წვიმის გამო მოედნის საფარი ისეთ მდგომარეობაში იყო, რომ თამაშის გაგრძელება შეუძლებელი გახდა.
ამიტომ, მატჩის მთავარმა არბიტრმა, მატჩის დაწყებიდან მეათე წუთზე, თამაშის რამდენიმე წუთით გადადების გადაწყვეტილება მიიღო. მინდორზე კი მოედნის მომსახურე პერსონალს უხმეს, რომლებიც შესაძლოა, შოტლანდიელებისთვის თამაშის მთავარი გმირებიც კი იყვნენ, რადგან თავდაუზოგავად მუშაობდნენ მინდვრის წყლისგან გასაწმენდად (ცნობისთვის, როდესაც თამაში შეჩერდა, მეტოქე უკვე 0-1-ს გვიგებდა, თამაშის გადადების შემთხვევაში, ეს გოლი გაუქმდებოდა, ამიტომ შოტლანდიელებისთვის განსაკუთრებით მნიშვნელოვანი იყო, რომ მატჩი გაგრძელებულიყო).
მართალია, ეს ბიჭები არაერთი სახალისო მიმის შთაგონების წყარო გახდნენ, მაგრამ ამავდროულად, თავიანთი საყვარელი გუნდის ფეხბურთელებს მათი მონდომების შემხედვარე, არათუ შეუნარჩუნდათ ის მუხტი, რომლითაც მატჩი დაიწყეს, არამედ კიდევ უფრო გაუმძაფრდათ და ყველაფერი გამარჯვებამდე მიიყვანეს.
აღსანიშნავია შოტლანდიელი ქომაგიც. მიუხედავად წვიმისა, მათ სტადიონი არ დაუტოვებიათ და თემატურად, ტრევის სკოტის სიმღერას, why does it always rain on me (ყოველთვის მე რატომ მაწვიმს) მღეროდნენ.
მატჩის ბოლოს, პრესკონფერენციაზე, შოტლანდიის ნაკრების მთავარმა მწვრთნელმა სტივ კლარკმა მოედნის პერსონალი და გულშემატკივარი შეაქო.
"აუცილებლად უნდა ვისაუბრო გულშემატკივარზე. ვნახეთ, რამდენჯერ მოუწიათ ფეხბურთელებს გასახურებლად გამოსვლა და ყოველთვის, როცა გამოდიოდნენ, გულშემატკივარი მღეროდა და აცნობებდა მოთამაშეებს, რომ იქ იყვნენ მათ დასახმარებლად, მხარდასაჭერად. შეიძლებოდა ადვილი ყოფილიყო ხალხისთვის გაქცევა, მაგრამ დარჩნენ გუნდთან და ჩვენ ამას ძალიან ვაფასებთ", - თქვა სტივ კლარკმა.
Rain stopped play at Hampden. 🎼 Why does it always rainnnn on meee? pic.twitter.com/q1SlnAB0dI
— Kelly Cates (@KellyCates) June 20, 2023
კლარკმა ასევე იმ ბიჭებზეც ისაუბრა, რომლებიც თავგანწირვით მუშაობდნენ, რათა მოედანი წყლისგან გაეწმინდათ. ამ საქმეში მოხალისეებად მოედანზე მყოფი გულშემატკივრებიც ჩაერთნენ. მწვრთნელის თქმით, შოტლანდიის გამარჯვება დიდწილად ამ ბიჭების დამსახურებაა.
გუშინდელ მატჩს არაერთმა გამოცემამ სტატია მიუძღვნა. წვიმის გამო თამაშის შეჩერების შესახებ წერდნენ "როიტერსი", "ბიბისი", "გარდიანი" და სხვები.
"ბიბლიური წვიმის" გამო შეჩერებულ თამაშში გამარჯვება შოტლანდიამ მოიპოვა", - წერს "გარდიანი".
გარდა ამისა, ამ დრომდე ეს თამაში "ტვიტერზე" მთავარი ტრენდია. ჩვენმა მკითხველმა უკვე იცის, რომ სოციალური ქსელების ქართულ სივრცეში წყლით სავსე სტადიონის თემაზე არაერთი ხუმრობა დაიწერა. ამ თემას არაერთი პოსტი მიეძღვნა შოტლანდიაშიც.
- შოტლანდია-საქართველო: პირველი ტაიმის "ჰაილაითი":
Only in scotland would we use a leaf blower to dry the pitch at #hampden #Scotlandvsgeorgia #Glasgow pic.twitter.com/E8UNFD5P3t
— Amy Robertson (@3v3rythingflows) June 20, 2023
- მხოლოდ შოტლანდიაში ვიყენებთ ამას მოედნის გასაშრობად:
Scotland vs Georgia 1st half highlights: #Scotlandvsgeorgia #scotland #Georgia #water pic.twitter.com/FmfnQw7hO0
— Zoe Marcell (@ZoeMarcell_) June 21, 2023
ცნობისთვის, ევროპის ჩემპიონატის საკვალიფიკაციო ეტაპზე საქართველო A ჯგუფში ასპარეზობს. ამ ჯგუფში ასევე არიან შოტლანდია, ესპანეთი, ნორვეგია და კვიპროსი. ამ მომენტისთვის 12 ქულით შოტლანდია ჯგუფის ერთპიროვნული ლიდერია, მეორე ადგილზეა საქართველო - 3 თამაშში მოპოვებული 4 ქულით, მესამე ადგილზეა ნორვეგია, რომელსაც 4 თამაშში 4 ქულა დაუგროვდა, მეოთხე ადგილზე ორ თამაშში მოპოვებული სამი ქულით ესპანეთია, ხოლო ბოლო ადგილს კვიპროსი იკავებს, რომელსაც ჩატარებული სამი მატჩიდან არცერთი ქულა არ აქვს.
ნახეთ ასევე:
- ლამის წყალბურთად ქცეული ფეხბურთი, ხვიჩას გაფუჭებული თერთმეტმეტრიანი და წაგებული მატჩი: რა თქვა სანიოლმა თამაშის შემდეგ - "ფეხბურთი მეტ პატივისცემას იმსახურებს"
- "ჩაგენაცვლებით, ბიჭებო!" - წყალბურთელების შეთავაზება საფეხბურთო ნაკრებს, იან გილანის ხუმრობა და ქართველების ხალისი საქართველო-შოტლანდიის უამინდობის გამო შეწყვეტილ მატჩზე
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ლევან ხაბეიშვილს პირდაპირ ეთერში თავს დაესხნენ - დაპირისპირების ამსახველი კადრები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჩვენი ნაკრების ფრანგმა მწვრთნელმა ვერაფერი გაიმეტა გარდა იმისა რომ თურმე ფეხბურთი მეტს იმსახურებს და პირველი ბურთის ჩვენ კარში მოხვედრას 100% სტიქიამ შეყწყო ხელი არაფერი.მოკითხვა შენ ფრანგ დედას. ჩაიდე ქართველ ხალხს დაწერებული ფული ჯიბეში ნაწილი დატოვე ფედერაციაში და დაახვიე საქართველოდან. შენნაირი 0 მწვრთნელი ჯერ არ ჩამუთრევიათ. ალბათ ყველაზე მეტს შენ დაგატოვებინებენ ფედერაციის ვირთხები
ერთია თუ როგორ ითამაშა ნაკრებმა, მაგრამ ეს უეფას წარმომადგენელი, მატჩის დირექტორი და არბიტრები საქართველოს ადგილზე გერმანია, იტალია ან ესპანეთი ყოფილიყო მოიქცეოდნენ ასე? მე ეჭვი მეპარება რომ ეს გრანდები აიძულებინათ ასეთ სტადიონზე გასულიყვნენ სათამაშოდ, მერე 5-ე წთ-ზე გოლის შემდეგ თამაში შეეწყვიტათ და ა.შ. შოტლანდია ძლიერია გასაგებია, მაგრამ სტადიონი რომ ნორმალური ყოფილიყო შეიძლება სულ სხვა თამაში გვენახა. ჩვენები ასე თუ ისე მაინც ტექნიკურ ფეხბურთს თამაშობენ და ვფიქრობ ჩვენ უფრო დავზარალდით.