"მიშამ იცოდა, რომ ვიოლონჩელო ჩემი საყვარელი მუსიკალური ინსტრუმენტია და 12 წლის წინ დაბადების დღეზე მაჩუქა" - რას წერს სანდრა რულოვსი?
რამდენიმე საათის წინ ყოფილმა პირველმა ლედიმ სანდრა რულოვსმა სოციალურ ქსელში ვიდეოკლიპი გამოაქვეყნა, სადაც ის ვიოლონჩელოზე საქართველოს ჰიმნს უკრავს. კლიპი მშვიდობის ხიდზეა გადაღებული.
აქვე რულოვსი დასძენს, რომ ვიოლონჩელო, რომელზეც კლიპში უკრავს მიხეილ სააკაშვილმა 12 წლის წინ, იუბილეზე აჩუქა.
"მშვიდობის ხიდზე გადაღებული კლიპის მომზადებაში მეხმარებოდნენ ერთგული მეგობრები ზურა და ზვიო (ვიდეო), დათო და გიორგი (აუდიო) და ჩემი ვიოლონჩელოს პედაგოგი გიორგი (აკომპანემენტი ცალკე აუდიო ჩანაწერში).
ვიოლონჩელო ჩემი საყვარელი მუსიკალური ინსტრუმენტია. მიშამ ეს იცოდა და 12 წლის წინ დაბადების დღეზე მაჩუქა. მართალი გითხრათ, ხემის ყიდვა დაავიწყდა, მაგრამ მერე გამოასწორა. მაშინვე დავიწყე მეცადინეობა (ქალბატონ მერისთან) მაგრამ მარცხენა ხელის ტკივილის გამო მალევე დავანებე თავი... შარშან ისევ დავიწყე, ცოტა ხნით თორნიკე მასწავლებელთან, ხოლო დღეს ჩემი პედაგოგი გიორგია და არ მეგონა, რომ 10 გაკვეთილის მერე დავუკრავდი საქართველოს ჰიმნს! იმედია ხარვეზები მეპატიება. აწი უკეთ და უკეთ გამომივა!" - დაწერა რულოვსმა სოციალურ ქსელში.
წაიკითხეთ ასევე: