30
მარტიდღის ზოგადი ასტროლოგიური პროგნოზი
ქართული წარმოშობის რუსეთში მოღვაწე მომღერლის, გრეგორი ლეპსის კონცერტი ყაზახეთში გაუქმდა. როგორც ირკვევა, მიზეზი ლეპსის ომის მხარდასაჭერი განცხადებებია.
მუსიკოსის პროდიუსერი ვლადიმერ ურპინი მედიასთან ამბობს, რომ ყაზახეთი ახლა "არამეგობრული ქვეყანაა".
"გრეგორი ვიქტოროვიჩის პოზიცია იყო, არის და იქნება უცვლელი. ჩვენ მხარს ვუჭერთ ჩვენს ქვეყანას. გააუქმეს და გააუქმეს, ჯანდაბა მაგათ, არა უშავს. ჩვენ შეგვიძლია ყაზახეთის გარეშე. არაფერია. ყაზახეთში ხალხი გაგიჟდა. კარგით რა, ღვთის გულისთვის", - თქვა ურიუპინმა რუსული მედიასთან.
მან ასევე დაამატა, რომ მუსიკოსი არ მოგზაურობს არამეგობრულ ქვეყნებში, რაც იმას ნიშნავს, რომ მას ყაზახეთში ვეღარ ნახავენ.
უკრაინაში ომის დაწყების შემდეგ, ლეპსმა "მძიმე" ფასი გადაიხადა რუსეთის მხარდაჭერისთვის.
მედია ბოლო კონცერტის გაუქმების კონკრეტულ მიზეზზეც წერს - მომღერალი რუს სამხედროებს მილიონ რუბლს დაჰპირდა, თუ ფრონტზე ლეოპარდის ტანკს გაანადგურებდნენ.
ყაზახები არ ეთანხმებიან ლეპსის გამონათქვამებს და ამბობენ, რომ არ სურთ სამშობლოში ნახონ იმ ადამიანების გამოსვლები, ვინც კრემლის სისხლისმსმელ პოლიტიკას ამართლებს.
წაიკითხეთ ასევე:
- "ჩვენ ამაყად, თავაწეული ვივლით" - სოსო პავლიაშვილისა და გრეგორი ლეპსის დუეტი კრემლში: პუტინის მხარდამჭერმა მომღერლებმა 9 მაისს სიმღერა მიუძღვნეს
- პუტინი მომღერალ გრეგორი ლეფსვერიძეს, იგივე ლეპსს აჯილდოებს - რუსეთის სახალხო არტისტის საპატიო წოდება, როგორც დასავლურ ბანკებში გაყინული მილიონების კომპენსაცია?
ყაზახეთი უკვე ამჟღავნებს რაღაცეებს და ეს დასაწყისია, რადგან თურქეთი ძაან აქტიურდება შუა აზიის ქვეყნების თავის მხარეს გადასაბირებლად, რაც მათთვისაც ხელსაყრელია ბევრი მიზეზის გამო. თუმცა ყველაზე საყურადღებო ისაა, რომ თურქეთმა რომ კაი დრო და მომენტი შეარჩია ამისთვის, ამას კი წინ უძღვოდა დიდი ამბები ყარაბახში, რომელიც აზერბაიკანმა მისი მხარდაჭერით დაატრიალა და შედეგი უკე სახეზე. ამით იმის თქმა მინდა, რომ თურქეთი ნელა, ეტაპ-ეტაპ იმაგრებს პოზიციებს რეგიონში და ამისთვსი ხალსახყრელ მომენტს კარგად იყენებს. ესა პოლიტიკა და სწორი ხედვა მომავლის, ემზადო შენი ინტერესების გადსატარებლად როცა ამის დროს დადგება ანუ რაღაც მომენტი მიყვე დინებას და არა ის რომ, დროს ვერ დაველოდები. დრო შენს სასარგებლოდ მუშაობს თუ იცი რისი მიღწევა გინდა და ამისთვის საკუთარ თავსაც და ერსაც ამზადებ!
ყოჩაღ ყაზახებს, სასიამოვნოთ გაკვირვებული ვარ მათით