სილამაზის მოყვარულთა გლობალური შეხვედრა - 5 საინტერესო აქტივობა, რომელიც Beauty Fair 2023-ზე გელოდებათ
23, 24, 25 ივნისს სილამაზის ენთუზიასტებს ნამდვილი დღესასწაული ელოდებათ. PSP-ს ორგანიზებით, პირველად საქართველოში ტარდება სილამაზის ფესტივალი, რომელიც აერთიანებს სააფთიაქო ქსელში წარმოდგენილ ყველა ნაცნობ ბრენდსა და მათ ადგილობრივ თუ საერთაშორისო წარმომადგენლობას, წამყვან Makeup არტისტებს, დერმატოლოგებს, ინფლუენსერებს, სტილისტებსა და ყველას, ვისაც აღნიშნულ სფეროში ვენდობით.
ფესტივალზე მისული სტუმრები ინდუსტრიაში არსებულ ახალ ტრენდებს გაეცნობიან, ინფორმაციას მიიღებენ ინოვაციების შესახებ და შეძლებენ, ჩაერთონ მასტერკლასებში, პარალელურად კი საშუალება ექნებათ, Palais Des Thes-ს უგემრიელესი ჩაი დააგემოვნონ და „პური გულიანის“ ჯადოსნური გემოები აღმოაჩინონ, რაც სილამაზის ფესტივალზე მიღებული სიამოვნების გახანგრძლივებაში დაეხმარებათ, თუმცა ეს ყველაფერი არ არის. გთავაზობთ 5 საინტერესო აქტივობას, რომელიც წლის მთავარ სილამაზის ღონისძიებაზე გელოდებათ:
ცნობილი იტალიელი სტილისტების მასტერკლასი
სპეციალურად სილამაზის ფესტივალისთვის, საქართველოს პირველად ეწვივნენ ცნობილი იტალიელი სტილისტები მაქსი და კლაუდიო, რომლებიც მრავალი წლის განმავლობაში მუშაობდნენ თავიანთი ქვეყნის ორ ყველაზე მნიშვნელოვან მოდის ღონისძიებაზე მილანის მოდის კვირეულსა და ვენეციის კინოფესტივალზე. ისინი არაერთი იტალიური ფილმის სტილისტები იყვნენ და მსახიობის ამპლუაშიც მოგვევლინნენ.
ბოლო წლებში მათ არჩევანი გააკეთეს ქართველი მომხმარებლისთვის კარგად ნაცნობ იტალიურ ბრენდ Kaypro-ზე, რომელიც თმის პროფესიონალური მოვლისთვის არის განკუთვნილი. მაქსი და კლაუდიო, რომელთაც არაერთ ვარსკვლავთან აქვთ მუშაობის გამოცდილება, გვიამბობენ, როგორ მოვუაროთ თმას სწორად, როგორ შევარჩიოთ ვარცხნილობა, რა პროდუქტები გამოვიყენოთ მაქსიმალური შედეგისთვის და სხვა.
იტალიელი სტილისტების მასტერკლასები 𝟐𝟓 ივნისს ჩატარდება.
ცნობილი იტალიელი კოლორისტის მასტერკლასი
თუ თმის მოვლა, სასურველი ფერის მაქსიმალური სიზუსტით მიღება და ვარცხნილობის სწორად მორგება თქვენთვის თავის მოვლაში პრიორიტეტს წარმოადგენს, მაშინ არ გამოტოვოთ შესაძლებლობა, დაესწროთ ცნობილი სტილისტისა და კოლორისტის დავიდე ტიმის მასტერკლასს.
დავიდე 31 წელია რაც ფერის სპეციალისტია, ის არის ექსპერტი პროფესიულ კონსულტაციასა და ტექნიკურ საგანმანათლებლო სფეროში. სტილისტს მონაწილეობა აქვს მიღებული მილანის, ბერლინის, ლონდონისა და ნიუ-იორკის Fashion color Show-ებში მსოფლიოში ყველაზე ცნობილ კოლორისტებთან ერთად.
დღეს ის Ecosline-ის Product testing მენეჯერია და ვეგანური პროდუქციის განვითარებაში წვლილი შეაქვს. თმის მოვლის აღნიშნული ხაზი PSP-ს ქსელშია წარმოდგენილი და იტალიის მსგავსად, საქართველოშიც პოპულარობით სარგებლობს. მის მიმართ ინტერესს მაღალი ხარისხის გარდა განაპირობებს ბრენდის პოლიტიკა, დაიცვას ცხოველები.
კორეული ბრენდების: Mizon-ისა და Village Factory 11-ის წარმომადგენლებთან შეხვედრა
კორეულმა თავის მოვლის რუტინამ ბოლო წლებში საქართველოშიც დიდი აღიარება მოიპოვა.
Mizon-ი და Village Factory 11 დაფუძნებულია კანის მოვლის უძველეს კორეულ ფორმულებზე და მათი ეფექტიანობა თანამედროვე ტექნოლოგიებით მაქსიმუმამდეა აყვანილი. კომპანიების წარმომადგენლები აუდიტორიას სხვადასხვა პროდუქტის, მათი შექმნის ისტორიისა და გამოყენების წესის შესახებ დეტალურ ინფორმაციას გაუზიარებენ.
კანის მოვლის ენთუზიასტებისა და განსაკუთრებით კორეული ბრენდების მოყვარულთათვის ეს საინტერესო გამოცდილება იქნება.
ბრენდების წარმომადგენლები ფესტივალს სამივე დღის განმავლობაში დაესწრებიან.
კანის დიაგნოსტიკა, დერმატოლოგებთან და კოსმეტოლოგებთან კონსულტაცია
თუ კანის მოვლის რუტინა ჯერ კიდევ არ შეგირჩევიათ ან სხვადასხვა აქტიური ინგრედიენტის მოხმარების შესახებ დეტალური ინფორმაციის მიღება გსურთ, ამაში პროფესიონალი დერმატოლოგები და კოსმეტოლოგები დაგეხმარებიან.
ამასთან, შეძლებთ, ჩაიტაროთ კანის დიაგნოსტიკა და თქვენი ჩვენების შესაბამისად შეარჩიოთ თავის მოვლის რუტინა, რასთან დაკავშირებითაც სწორედ პროფესიონალები გაგიწევენ კონსულტაციას.
ცნობილი Makeup არტისტების მასტერკლასები
კარგად მოვლილ და დატენიანებულ კანზე სწორად შერჩეული მაკიაჟი კიდევ უფრო ეფექტურად გამოიყურება. ამის მიღწევაში კი დაგეხმარებიან ცნობილი Make up არტისტები, რომლებიც სილამაზის ფესტივალზე სამივე დღის განმავლობაში გიმასპინძლებენ.
თუ გვსურს, მაკიაჟმა წარმოაჩინოს ჩვენი ბუნებრივი სილამაზე, მნიშვნელოვანია, ვიცოდეთ, რომელი ტონალობები და რა პროდუქტები შეესაბამება ჩვენს სახის კანს, ფორმასა და ფერს და რაზე უნდა გადავიტანოთ აქცენტი. აღნიშნული დეტალების სწორად განსაზღვრაში სწორედ მაკიაჟის გამოცდილი სპეციალისტები დაგვეხმარებიან, რომლებიც ასევე გაგვიზიარებენ თავიანთ ტექნიკას, ინფორმაციას მოგვაწვდიან ახალი ტრენდების შესახებ და დაგვეხმარებიან მაქსიმალური შედეგის მიღებაში.
იმისათვის, რომ ფესტივალზე შეხვდეთ როგორც ქართველ, ისე უცხოელ პროფესიონალებს, ისარგებლოთ ფასდაკლებებითა და შეთავაზებებით და გაეცნოთ სილამაზის გლობალურ ტრენდებს, არ დაგავიწყდეთ, გაიაროთ რეგისტრაცია ბმულზე:
R